Matyu 15:36 - Anatunya Buku Baepole Ole Testamene Pii Lapo dee Nuu Tesamene

³⁶ Lapala baame borete yanda ipingi nyero dusipape oma dusipape nyepala ange lao ateŋa lapala kau lao disaepole dupwa maiyamopa disaepole dupwame wambu dupwa mokwa soo maiyami.

Matyu 15:36 Referans Kwoze

Orome 14:6

Akali mendaki mendeme suu pingi dokona Kamongo dokona reke lalana dokome yuu gii mendaki mupwaŋa lao suu pyao karara. Akali nenge lapo yapo naa nange doko Anatu kingi dokona lao nenge. Doko nao karo dokopa baa kando sangyu lao narasa pira. Akali nenge lapo iki yapo nenge doko Anatu kingi dokona lao nenge. Doko nao karo dokopa baa kando sangyuko lao narasa pira.

Luku 22:19

Lapala borete nyepala ange lao ateŋa lapala kau lao mokwa soo maiyuo, Dake nambana yongo (nakama reke lao kumuo jisi sera. Namba suu pyao dopa pyuo nao kararami leya.

APOSELENA YULU 27:35

Dopa lapala borete mende nyepala nakama peparae kando kareyaminyipa Anatu ange lapala kau lapala nao peteya.

Jone 6:11

Dokopa Yesumi borete dusipa nyepala ange lao ateŋa lapala isa peteyami dupwa mokwa soo maiya. Dopako pyuo oma opetae naraminyili pyuo maiya.

1 Korina 10:31

Nakama yulu wakale wakale pyuope ipwa nenge naope dokopa Anatunya kingi dokona lakando pipwape.

Jone 6:23

Dee bote Taipitiasa range lapo epo Kamongo dokome ateŋa leyamopa borete nao peteyaminyi mare dokona repeta epo siyami.

Luku 24:30

Dokopa baa nakamba pipya taepo dokona nenge nao piso dokopa baa borete nyiya. Nyepala dokopa ateŋa lapala minyuo kau lao maiya.

Luku 22:17

Lapala pee kapo mende nyepala ange lao ateŋa lapala dopa leya. Dake nyepala mokwa soo nalapa.

Matyu 14:19

Lapala wambu malu mee rukuraka pyuo kareyami dupwa rambi dokona isa petena leya. Lapala borete kingi paki oma lama nyepala yake dulu kandalyo kandapala ange lao ateŋa leya. Ateŋa lapala borete kau lao disaepole dupwa maiyamopa nakamame wambu malu peteyami dupwa mokwa soo maiyami.

Matyu 15:35

Wambu malu rukuraka pyuo kareyami dupwa isa yuu dokona petena leya.

1 Korina 14:16

Imambumi iki Anatu angi lakandarami ramo doko wambu petaminyi dupwa see nao pisaraminyi dokome apa pyuo embena ateŋa lare dokona kinyi laramase?