Malakae 3:6 - Anatunya Buku Baepole Ole Testamene Pii Lapo dee Nuu Tesamene

⁶ Namba Kamongo doko namba dee alowa pii nange. Dokona lao nakama Jekopena wai kiso nyiyamo dupwa peparae nembo otasi kara nalyaminyi.

Malakae 3:6 Referans Kwoze

Nambase 23:19

Anatu doko baa akali kyambo lenge dopakale daa. Isa akalinya suu pingi alowa pyuo lenge. Anatu baa dopakale daa. Aki yulu mende baame piru lao lalu lao lenge doko baa angi pingi. Baame piru lapala dokopa angi pingi.

Ipuru 13:8

Yesu Koraisa baa wamba kareya doko suu pyao epapu alowa pipyande daa. Rakyamepe mee dopaleko karalu karara.

Jemesa 1:17

Bange ama keyange yapasi namwa keta epenge dupwa yake panda dokonako piso epenge. Yakena neta kanape rao karamo dupwana Rakane baameoko keyange dupwa joo karenge. Baame yuu peparae mee yanga paupau lao karo neta kapu kyepala anda pao dokopa yuu kone pupuripi pingi dopale ingyuope alowa pii nange.

1 Samyuele 15:29

Isaraele wambu dupwana Anatu Mupwa Wakasa dokome kyambo laa nange. Suu pingi doko alowa pii nange. Baa mee akali daa, leya.

Ipuru 6:18

Anatu alowa pipala mende pyuo laa nange dokome yuu lamasa lao kingi ketae nembo leyamo dolapona suu pyao alowa pii nara. Renge dolapome namwa Anatu keta pao pyama lyiyama dupwa porainyi pyambwaramopa kyawa lete nyeraŋa lao mona kare kare karamano.

Orepalaisane 1:8

Kamongo Anatumi Wakasa, Namba yuu ingya ingya ingyuo karo pao lumwa pingi ingyuo kararo letamo. Baa wakasa ingyapala wamba kareya, epapu karamo rengya kararako.

Orepalaisane 22:13

Namba yuu ingya ingya ingyuo karo pao lumwa pingi ingyuo karo wambo dokona piso karo pao enakana dokona kararoko.

Aisaya 44:6

Kamongo baame Isaraele wambu dupwa iso kyawa minyuo karenge doko Kamongo Porai Wakasa dokome pii dake palipyasa lalana letamo. Kama wambowana nambako kareyo doko lumwa pyuo dokopa namba kararoko. Anatu mende mendasa kara nange. Anatu doko nambako iki karenge.

Samu 103:17

Dopa pyuo pelyamopape wambu baa kingi ketaepyambuo lakandaraminyi dupwa Kamongona mona retenge doko nakama keta sulu soo singi.

Pilipai 1:6

Anatumi kanda soo nakama keta yulu keyange piyamo doko kare kare soo pyuo pao Yesu Koraisana yuu gii pyaka seramo dokopa pyuo otara doko namba silyu.

Aisaya 41:13

Namba nakamana Kamongo Anatu doko ingyuo karo. Nambame porainyi pyambuo lao, Nyisaroŋo dokona paka nalapape lapunu pilyamo.

Osia 11:9

Dokona lao namba mee akali daa namba Anatu. Nambana imbu singi dokome nakama randa jii naro dee Isaraele wambu dupwa dee kamba pyao kokwa see naroko. Namba doko ama Poo Pyasi ingyuo karo. Namba doko nakama role pyao karo. Dokona namba imbu singi paleta nakama keta epa naro, leya Kamongo dokome.

Jenesese 15:7

Dokopa Anatumi baa lamaiyuo lao, Namba Kamongo dokome emba Kalitia wambu yuu kingi Ua lenge dokona kareenepa kingi rekya lao yuu dake embena ingyaraŋa lao lanyuo epeyo.

Orome 5:10

Namwa Anatunya nyisu petenge ingyuo kareyama. Dopa piyamanopape banya Ikinyingi isa mamandona kumuyamo dokome Anatu baame namwa banya puu minyingi inginyi pyambuya. Epapu Anatunya puu minyingi ingyuo karamano dokona Yesu lete karamo dokome namwa dee kamame ingyuo nyisara.

Jenesese 22:16

Namba rangena kingi lao kingi ketae nembo lalu lao leto. Emba nambame wane mendaki jiyunu doko kaka soo joo pipinyi dokona

Jenesese 15:18

Yuu gii dokopa Kamongo dokome Aporamepa kana minyuo pii lalu lao lao dopa leya. Embena wai kisaramo dupwa nambame yuu dake mairuingilyamo. Mairunu yuu doko yuu Isipi lili dokona piso pao ipwa pona andake Yuporisa lenge dokona lili pira lyakande, leya.

Daniele 6:26

Nambame mawa pii dake reto lalu lao leto. Yuu muu nambame isingi dupwana wambu peparaeme Danielena Anatu doko mupwa lao suu pyao pakame kumuo rape rape lao laramuli pyuo kararami ingilyamo. Baa Anatu lete karalu karenge. Dee baame iso karo puu para. Banya kiŋi yulu doko kamame kokwa see narami. Dee banya porainya renge doko kamame ote pii nara.

Apakuku 1:12

Kamongo emba ene lokoyamopa baa Anatuko karee. Emba nambana Anatu poo pyasi lete karalu karenge. Kamongo nambana Anatu namba kyawa minyuo karenge dokome Bapilone wambu dupwa namwa randa jinya lapala porainyi pyambuo rombo palyuo pii.

Aisaya 46:4

Namba nakamana Anatu doko. Nakama epapu piso pao nakamana kyawa yaku eparamo dokopa alemo ingyuo karaminyi dokopa nambame wasiyunu dokona yaki nyii nao lanyuo papyuo karo pao kyawa lete nyuo kararo.