Make 12:32 - Anatunya Buku Baepole Ole Testamene Pii Lapo dee Nuu Tesamene

³² Dokopa Sekeraepo dokome baa lamaiya. Mana Lenge, emba kinyi lene. Anatu baa iki Kamongo ingyuo karamo, mendali kara nalyamo dokona kinyi letene.

Make 12:32 Referans Kwoze

Dutaronome 4:39

Yake pandape isa yuupi peparaena Kamongo baa Anatu. Anatu wakale mende kara nange dokona lao epapu yuu gii dakepa suu pyao karo kame see nalu nalapape.

Make 12:29

Leyamo dokopa Yesu isingi leya. Mawa pii dupwana mawa pii mupwa dake, Isaraele wambu dupwa selapa letamo. Namwana Kamongo Anatu baa yeelyo angingyuo karamo.

Aisaya 46:9

Yuu wamba yulu lapo piyamo dupwa suu pyalapape. Namba iki Anatu angi doko. Dee wakale mende namba yale manda minyuo mende mendasa karapyamo kara nalyamoŋo lao soo gisalapape.

Aisaya 45:18

Kamongo dokome yake doko wasiya. Doko baa ikiko Anatu karamo. Baame yuu doko see nayamopa pyuo ingiya. Baame kandokondali pyuo wasapala sulu seraŋa lao piya. Baame yuu muiyane penda penda ingyuo mee soo paraŋa lao wasiyande daa. Yuu doko wambu paliramiŋi lao piya. Dopa pyuo wasiya dokome lao, Namba doko Kamongo. Dokona Anatu wakale mende kara nange lao letamo.

Aisaya 45:14

Kamongome Isaraele wambu dupwa lamaiyuo lao, Itiopia wambupi dee Isipi wambupinya mena bangepe dupwa nakamana ingyara dee yuu Sepa akali londe dupwa karapusi ingyuo karo nakamana yulu pakao kararami. Karapala nakama puu maisi karo nakama moko minyuo paeyarami. Dopa pyuo karo nakamame nakama kando pangu soo karo Anatu nakama pipya role pyao karamo doko baa iki Anatu angi lao polo larami.

Aisaya 44:8

Nambana wambu dupwa nakama paka nalapape. Wamba kanda soo dokona piso pao dakepape rengya nyera dorena polo lenge kandapi dokona nakama nambame dopa pyuo lengeŋe lao usinisi lakarami ingilyamo. Anatu mende wakale karase? Anatu mende wakale porai renge palengende kararamo sepa nayonde ramo kandena.

Dutaronome 6:4

Isaraele wambu dupwa dake poraiyuo suu pyao karalapape. Namwana Kamongo Anatu baa yeelyo angingyuo karamo.

Dutaronome 4:35

Yulu andake dopale dupwa pipala Kamongo dokome nakama lasaka pyuo baa iki Anatuŋu. Mende kara nange lao piya.

Make 12:33

Namwa isa wambu dupwame mona anda dokomepe suu pingi dokomepe rangena imambu dokomepe ama porayapala, Anatu dokona mona reto karapenge ingilyamo. Dokonako ingyuo wambu yango opetae mona reto kararama ingilyamo. Namwa wamba Anatu lao mena pyao kana pyare dupwana kiso maiyuo kareyami doko epapu lowa andake dolapo angiŋi minyapenge ingilyamo leya.