Make 12:10 - Anatunya Buku Baepole Ole Testamene Pii Lapo dee Nuu Tesamene

¹⁰ Anatunya pii pyasi dopa lao palamo kande, Doko akali anda pyuo kareyami dupwame kana mende nyuo nembeyami. Kana doko enakana anda donge dokona mupwa ingyuo epo siya.

Make 12:10 Referans Kwoze

Matyu 21:42

Yesumi nakama lamaiyuo, Nakamame pii pyasi palamo doko yaka lao kanda nangese? Doko akali kana anda pyuo kareyami dupwame kana mende nyuo nembeyami, doko enakana anda donge dokona mupwa ingyuo epo siya. Dopa piyamo doko Kamongome renge kuiyuo piyamosa piya. Dopa piyami dokona namwame lengeme kandapala mona nembo karamano.

Aisaya 28:16

Dokona lao Kamongo Mupwa Andake Wakasa dokome dakepa dopa letamo. Nambame yuu Sayone dokona kana mende pinginya ingyuo pisirunupa pyuku laa nara letamo. Kana keyangepe mee lao makande pyuo kando otasi kana doko kulisa wakasa. Yuu donge dokona pinginya pyano mupwa ingyuo karara. Mende kana dokona pepa pyasi palira kapa ingingi lao pyamalyapala mona maiyuo kararamo doko mee porai ingyaramo mali sero karara.

Orome 9:33

Lukumungi kana dokona lukumuyami doko Anatuya pii poo pyasi dokona lao, Kandalapape, nambame yuu Sayone wambu lukumarami lao kana reteyo. Kana dokona pyalyaminyapala pao palirami. Dopa piramopape mendali baa mona mairamo dokome baa elya nyii nara.

Make 2:25

Dopa leyaminyi dokopa Yesu isingi dopa lamaiya. Dapiti lopo piyamo dokopa banya akali dupwa pipya mende piyami pii doko pyasi palamo doko nakama kando yaka laa nangese?

Matyu 21:16

Imbwuapala nakamame baa lamaiyuo, Dupwame apa letaminyi lao silipi? leyami. Dokopa Yesumi nakama lamaiyuo, Baepolena pii mende palenge doko nakamame yaka lao kanda nangese? Ene nyaŋa dupwape anju nenge dupwape kambu dokona, lakandenge pii ama rolae larami lao rapa rapa pipilyamo lao pepa piya, leya.

Matyu 19:4

Baame isingi lao, Kanda soo dokopa Anatumi wambu enda akalipa pyuo wasiyamo doko yaka lao kanda nayamisi?

Luku 6:3

Dokopa Yesumi dopa isingi leya. Dapiti lopo piyamo dokopa banya akali dupwa pipya mende piyami pii doko pyasi palamo doko nakamame kando yaka laa nangese?

Make 13:14

Bange koo myuku petenge doko Anatunya lenge kambu dokona kokwa soo reteyami kande dokopa yuu Jutia kararaminyi wambu dupwa yuu kyau dupwana bolombalo lao ralo pupwape. (Bange koo letamo doko kongwalu palipyasa renge angi soo nyelapape.)

Matyu 22:31

Deeko, wambu kumuo lete lopo eparama dokona suu pyao Anatumi nakama pii langiyamo pyasi palamo doko nakamame kando yaka laa nangese? Namba Aporakamena Anatu ingyuo karo, namba Aisakena Anatu ingyuo karo, namba Jekopena Anatu ingyuo karo pilyu, leya kande. Baa kumuo palaminyi dupwana Anatu ingyuo kara nange baa lete karaminyi dupwana Anatu ingyuo karamo, leya Yesumi.

Matyu 12:3

Baame nakama lamaiyuo, Dapiti lopo piyamo dokopa banya akali dupwa pipya mende piyami pii doko pyasi palamo doko nakamame kando yaka laa nangese?

Make 12:26

Dokona ingyuo mende leya. Kumuo palirami dokopa Anatumi minyalyuo nyerape mee lao Mosesena buku dokona pii mende palamo kanda nalyamisi? Mosese baa isa pusinainya isare reyamo dokona repeta kareyamo dokopa Anatumi baa dopa lamaiya. Namba Aporakame Aisake Jekope palu dusipana Anatu ingyuo karo, leya.

Make 12:9

Dopa piraminyipa ee range akali dokome apa pira? Baa epapala ee rapu pyuo karenge akali dupwa pyao kumakapala ee doko nyuo akali lapo maira.