Maeka 7:16 - Anatunya Buku Baepole Ole Testamene Pii Lapo dee Nuu Tesamene

¹⁶ Yuu muu dupwana wambu porai karamano lao suu pilyaminyi dupwame yulu doko dopa pirinyi kandapala elya nyerami. Nakama kambu upi lapala kalepoe karele larami.

Maeka 7:16 Referans Kwoze

Aisaya 52:15

Dopa piyamopape epapu wambu rara malumi baa mupwa lao suu pyao yamarangyuo kandarami dokopa kiŋi akali dupwame mona nembo pii lalana saka narami ingilyamo. Dokopa nakama wambape dopale mende kando sepa nange doko kandapala soo nyerami.

Orepalaisane 11:18

Anatu suu pyaa nange wambu dupwa nenge sisi pyapala lao kareyami. Wambu kumuyami dupwa kando kote lapala embame embena yulu akali poropeta dupwape wambu yapasi dupwape dee wambu koo epengepe embena kingi ketae nembenge dupwape yole keyange mairi ingilyamo. Dee yuu gii dokopana wamba yuu dupwa kokwa siyami dokona embame kokwa sereoko leyami.

Orome 3:19

Pii Lowana pyasi palamo dupwa wambu Lowa soo kareyami dupwa keta palamo, doko silyamano. Dokome see nange larami ingya narasa lao Anatumi yuu mure lao peparae nyuo kote lara.

Maeka 5:8

Isaraele wambu lapo yuu wakale dupwana mende yaka yaka lao mena laene nenge koto isako imwa dupwana paenge dopale ingyuo paeyo kararami. Nakama mena sipisipi kararami dupwana sukusa pao kararaminyipa pyakala lambwapala kapuso nyepala nao rokwalya rokwana pinyi nembarami. Mendeme nyisara lao suu pyaa narami.

Samu 126:2

Namwana giyuo giyuo piyamanopape dee kenane pyao rae rae maiyamanopape dokona yuu muu menge dupwana sepala namwana lakao Kamongo dokome yulu andake doko pyakamilyamo, leyami.

Maeka 3:7

Poropeta mendasipa ene mende pira larami doko pii naramosa dokona elya nyerami. Nakama peparae Anatumi isingi mende kotaraminyi doko mai narasa kopyali ingyuo saka narami, leya Maekame.