Maeka 2:2 - Anatunya Buku Baepole Ole Testamene Pii Lapo dee Nuu Tesamene

² Nakamame yuu mende mango nyimwali aiya lami ramo doko mee nyilyaminyi. Nakamame anda lapo mango nyimwali aiya lami ramo doko mee nyilyaminyiko. Dee nakamame wambu anda range dupwa pyao kokwa soo nembo bange dupwa minyarambu nyakamilyaminyiko.

Maeka 2:2 Referans Kwoze

Emosa 8:4

Nakama kale yukupala selapa. Nakamame bange yano pipyamo petaminyi dupwa nyuo kalyinyi palyuo yuu dokona wambu pendewa dupwa pyuo koo keta piso pilyaminyi.

Isikiolo 18:12

Baame wambu pendewa dupwa minyako pyuo waa nao bange lapo yulu pipala range jinya lao maingi dupwa baa nyuo semango kingi lenge mare dupwana pao bange lapo kingimi wasisi dupwa lakando

1 Timoti 6:10

Kana mone mona nyingi dokome koo dokona mona anda pingi pyarasa pira. Lapome mone dokona rungi rungi pyapala Anatunya Imambunya yulu kame silyaminyi. Dopa pipala nakamana mona dokona randa nyuo kondo mona rumbungi karaminyi.

Matyu 23:13

Mawa Pii mana lenge akalipi Parisi akalipi nakama yanengena mamba kiso lao karo yake pandana isingi yulu palenge dokona wambu dupwa sukusa paa nana lao nee pyuo karenge dokona nakama keta randa epara ingilyamo. Nakama range sukusa paa nao wambu lapo sukusa panya laminyi dupwa kaena lao daako letaminyi.

Malakae 3:5

Kamongo Porai Wakasa dokome lao, Nambame nakama yapalya yapana pela eparo. Epapala pipu lao karenge wambu dupwape kepo pingi dupwape panga soo kote pii lenge dupwape dee yulu pyakamingi akali dupwame kana lapo waa pyakepo nyakamingipi enda waiyape wane muiyanepe wambu yuu wakale rangepe minyoko pingi dupwape dee namba rape rape laa nao karengepe wambu dupwana peparae namba epapala aopa isa palyuo lakamiru.

Maeka 3:9

Nambana pii dake selapape. Nakama Isaraele wambunya lita dupwa yulu koona lao rolenge dupwa awa nao yulu rolae dupwa nyuo alowa pipala koo inginyi reto karaminyi.

Ekesetase 20:17

Akali mendena anda awuapala nyipuli nyipuli lao suu pyaa nalapape. Banya etengepe kendemande akalipi mena bulamakaope mena dongepe dee banya bange wakale wakale silyamo dupwana mendepe nyipuli nyipuli lao suu pyaa nalapape.

Jopo 31:38

Nambana ee nenge reto mena minyuo pilyunu yuu doko waa nyepala

1 Kiŋi 21:1

Yuu Jeserele dokona kiŋi Ayapena anda kambu repeta dokona akali Napote lenge dokona isa girapo ee andenge.

Isikiolo 33:26

Nakama wua gela dokome kyawa minyara lao suu pyaro karo yulu pii napenge dupwa ipi pipyamopa pyuo karaminyi. Nakama peparaeme kepo yulu dokonako karaminyi. Dopa pyuo karaminyi dokona apa pipala yuu doko nakamana ingyara lao suu pilyamisi?

Emosa 2:7

Nakamame pyuku lenge range poraiya nange dupwape kalyo ramberaku pyao dee pendewa dupwa pyao ralinyi neta nembo pilyaminyi. Dopa pipala dokopa kendemande yulu pingi wanake dupwa ikinyingi rakangepa laparaeme kepo pyuo pilyaminyi. Dopa pyuo karapala nambana kingi poo pyasi doko kokwa soo mee inginyi nembeyami, leya.

Maeka 6:12

Nakamana akali numi dupwame wambu pendewa dupwana bange dupwa mee nyakamyuo kamame pendewa panyi nembo taonena palaminyi dupwa peparae pii kyambo lenge.

Emosa 4:1

Samaria enda dupwa nakama pii dake selapape. Nakama mena bulamakao yuu Basane dokona karenge dupwame nenge malu napala ando kameya ingyuo rondo lenge dopale ingyuo rondo lasi mee dolapo petaminyi. Nakamame wambu porai renge palya nange dupwa pyuo kopetame pisilyaminyi. Wambu pendewa dupwa randa maipala nakamame wambu dupwa kuki perala konda nalyaminyiko ama daa. Nakamame nakamana akali dupwa kando dopa letaminyi. Ipwa biya malu nao sepake lalana kaeya nao minyakao ipupwa letaminyi.