Luku 2:36 - Anatunya Buku Baepole Ole Testamene Pii Lapo dee Nuu Tesamene

³⁶ Yuu gii dokopa Anatunya poropeta enda Ana lenge Panyuelena wanenge rara kingi Asa lenge doko endemo ingyuo peteya. Baa akali nyiyamopa enakana ee kana yanda ipingi nyero banya akalingipa paleyambi.

Luku 2:36 Referans Kwoze

APOSELENA YULU 21:9

Banya wanenge kisima dusipa akali warenda nao Anatunya pii polo lamaiyuo peteyami.

Ekesetase 15:20

Poropeta enda Miriame Eronena pemalenge doko laikuli kuki mende nyiya. Dokopa enda peparae laikuli kuki lapo nyepala banya matarename pao karo laikuli pyao danjiŋi piyami.

1 Korina 12:1

Yangonemoo Imambu Poo Pyasimi namwa mora pisinyi pyambwara dokona pii lapo palamo. Dokona kamenge pisirami doko kapa ingya nalyamo.

APOSELENA YULU 2:18

Kinyi, dopa piramo yuu gii dusipana nambana kendemande enda akalipi keta nambana Imambu maralyinya lao mokwa soo mairu. Dokopa nakama nambana pii nolakao lao kararami.

Jopo 5:26

Witi jingi poo relyamo nyingi doko suu pyao emba karo pao yaku nao kumare.

2 Kiŋi 22:14

Akali Ilikayamoo Ayikamemoo Akipomoo Sapanemoo Asayamoo papala poropeta enda Uluta lenge yuu Jerusaleme enenge ingyuo pyuo nyokonyiyami dokona palenge doko piso sela peyami. Banya akalingi doko Salumi lenge akali Tikipana ikinyingi Atasena kauwange doko tembole anda dokona komau dupwa baame rapu pyuo karenge. Nakamame doo piyamo dupwa enda doko lamaiyami.

Jasi 4:4

Depora baa poropeta enda akali Lapitote lenge dokona etenge. Enda baa peteyamo yuu gii dokopa Isaraele wambu dupwame pii lapo piso soo kareyaminyipa baame Anatunya pii isingi yano pyao lamaiyuo peteya.

Jenesese 30:13

Namba rae maiyelyano dokona enda yango dupwame namba rae maipya larami, lapala kingi Asa leya.

Orepalaisane 7:6

Asana rara dokona 12,000 ingiya. Napatalainya rara dokona 12,000 ingyuo peya. Manasana dokona 12,000.

1 Samyuele 1:2

Elekana baame enda lama nyiya. Nyiyamo dolapona kingi Ana Peninapa lenge. Penina baa wane mandeyamopa Ana mee pote peteya.

Luku 2:35

Dokopa nakamana suu pingi monarena silyamo dupwa panara. Dee wua gelame wambunya mona dokona arekyu pilyamosa randa pingi doko suu pyao embena mona anda randa wakasa nao karare leya.

Luku 2:38

Josepe Mariapa tembole anda Anatu mona maiyuo kingi lao peteyambinyi gii dokopako Ana baa epapala Anatu kando ange lapala Anatumi Jerusaleme kiiramo nyela epelyape lao kando kareyami dupwa peparae wane dokosa lao kando lamaiya.

1 Korina 11:5

Dee enda mendeme misi andana kyawa rokwapala epo ateŋa lao Anatunya pii lao pira ramo dokome akalingi elyanyi pyambwarasa pira. Enda kyawa rokwa nange doko mee enda kyawasi pyakepingi dopaleoko.

1 Timoti 3:2

Dopa pyuo palamo dokona Elyambu Pinginya akali mupwa dupwa pii pali naramo kararami ingilyamo. Baa enda mendaki ikinya akalingi ingyuo karena. Moŋokyaŋe see nao rangena suu pingi kame pyuo minyuo karo yulu rolae pyuo karena. Wambu upunili dupwa banya anda yako lao nyuo nenge pyuo pyuo karena. Baa mana lenge yulu dokona wanonguli ingyuo mana lao karapenge ingilyamo.

1 Timoti 5:9

Enda waiya doko wamba akali mendaki iki nyiyande ramo doko Elyambu Pinginya nyisingi enda ingyuo yulu pinya lara ramo doko kapa rombo palyuo kingi retarami. Endemo dupwa iki rombo palyarami.