Luku 13:19 - Anatunya Buku Baepole Ole Testamene Pii Lapo dee Nuu Tesamene

¹⁹ Doko isa masatana waingi dopale. Akali mendeme doko nyepala banya ee dokona wara piya. Wara piyamo kene pyapala ando isa andake ingyuo peya. Dokopa yaka ketae papingi dupwa epo wangya dupwana anda pyuo paleyami leya.

Luku 13:19 Referans Kwoze

Daniele 4:12

Banya isa yokonge dupwa ama keyange wakasa dee jingi dupwa lyuo kui lao epenge dupwa yuu muu peparaena wambu karenge dupwa kapa lyuo narami ingingi. Dee mena rae lenge dupwa isa renge rau lenge dokona imambu soo karengepya dee yaka dupwa banya wangya dupwana anda pingipya. Dee bange lete karenge dupwa peparaeme banya jingi doko lyuo nengeko.

Daniele 4:21

Banya yoko dupwa ama keyange ingyapala dee banya jingi lyingi kapa lyepala yuu muu peparaena wambu dupwa kapa lyuo narami ingyapya. Dee mena suwa rae lenge dupwa isa renge rau lenge dokona imambu soo karami dee banya wangya dokona yaka dupwa anda pimi leya.

APOSELENA YULU 4:4

Dopa piyaminyipape wambu malu pii soo kareyaminyi dokona kinyilyamo lao sepala Yesu mona maiyami. Dokona wamba kareyami dokona enakana sukusa pao konda pyuo peteyami akali peparae akalisa pao kingi paki daako ama malu wakasa (5,000) ingiya.

APOSELENA YULU 2:41

Leyamopa yuu gii dokopa wambu akalisa rema daako ama malu wakasa (3,000) banya pii soo nyepala bapitisimo nyuo sukusa epeyami.

Aisaya 9:7

Banya kiŋi yulunya iso karengena porai renge doko ando puu para. Banya isingi panda doko yuu peparae mona kyuu lao soo puu para. Baa kiŋi Dapiti kareyamo alonge dokona karara. Banya porai renge doko rolae angi dokona seramopa rolo lao karo pao yuu gii rengya lumwa piramo dokona ingyara. Anatu Porai Wakasa dokome pii lapyamo dusipana palyuo pinya suu pyalu pyao pilyamo.

APOSELENA YULU 21:20

Lamaiyamo pii doko sepala nakamame Anatu lakandeyami. Lakandapala nakamame baa dopa lamaiyami. Juu wambu karaminyi dupwana ama malu Yesu suu pyao karaminyi kande. Nakama peparaeme Mawa Pii dupwa kandokondali pyuo minyuo karenge.

Matyu 17:20

Baame nakama lamaiyuo, Anatumi kapa ingingi doko angingyuo suu pyaa nami dokona saka nami. Dokona lao kinyi langilyu, isa masata waingi kuki ingilyamo dokona manda manju Anatu kapa ingingi lao suu pyarami ramo doko nakamame yuu kyau dake kando purukuo dumurena pena laraminyipa dokona para. Dokona mende pinya saka naa narami.

Aisaya 58:11

Dokopa yuu peparae nambame nakama bange keyange dupwame mende yangya naramo karamili lao joo kata angi lasaka pyuo kararo. Dopa pyuo dokopa nambame nakama yanenge reto porai ingyuo karalapa lao minyaro kararo. Dokopa nakama ee nenge ipwa apupi nyepala menya menya lao andenge dopale ingyuo kararami. Dee ipwa guu doko sokwa nao epo karenge dopale ingyuo palyuo karo pirami.

Aisaya 53:10

Kamongome lao, Nambame baa randa nyuo yasu napyali lao suu piyu dokona randa nyiya. Dopa pyuo baa kumuyamo dokopa mena pyao kiso maingi dopale ingyuo wambunya koo dupwa kame soo kaeyasi siya. Dokona lao baame banya para pyasi wambu dupwa range kando nyera. Baa yuu gii londe andarele karara. Dokopa baa kumaramo renge doko nambana yulu dupwa jingi lyuo kapa palyuo para.

Orepalaisane 11:15

Enakana aŋala yanda ipingi nyepo dokona bikuli leyamo dokopa yake dokona piso pii rekyae lao lapala, Namwana Kamongo kandale dee banya Koraisapa yuu muu dupwana kiŋi ingyuo kaelyambinyiŋi. Dokome iso karalu karara lyakande leyami.

Orome 15:19

Yulu wambumi pii nange yulupi wambu lengeme kando seramili yulupi dolapona banya porai renge dokome pyakare leya. Anatunya Imambunya porainya renge dokome renge palyiyamopa rara menge dupwana lao pyakamiyu. Dokona lao Jerusaleme piso lao pao Ilirikame yuu dokona pyaka sepala Koraisana waili pii keyange dokona laokondaliko pyuo lao papyuo kareyo.

Jeremaya 31:12

Nakama yuu kyau Sayone dokona epo raeme kumuo kenane pyao pisirami. Dee nambana bange witi jingipi ipwa waenepe olipi ipwangepe mena sipisipi dee mena bulamakaope mairunu dupwa kando rae maiyuo kando nyerami. Dokopa nakama palu karo pirami dupwa ee nengepe ipwa apumi nenge pipala mena mena lao andenge dopale ingyarami dee nakama aki bange mende yano piramo kararami dupwa peparae nakama keta palira.

Aisaya 61:11

Ee dokona wara pingi dokopa waingi dupwa poro lamu lae pipala andengenyili pyuo Kamongo Mupwa Andake Wakasa dokome banya wambu dupwa kyawa lete nyuo nyisara. Dokopa wambu yuu muu peparaeme baa lakandarami.

Aisaya 53:1

Dokopa wambu dupwame isingi lao, Namwame kandapala letamano dokona apimi kinyilyamo lao soo nyera ingilyase? Dee dokona yulu dakena Kamongona porainya renge doko apimi kandara ingilyase?

Luku 17:6

Dokopa Kamongo Yesumi dopa leya. Anatu kapa ingingi lao suu pingi doko nakamana suu pingi isa masata waingi koo dopale ingyapyali doko nakamame isa sikamoo dake lamaiyuo, Emba rakyala ipwa kota pete dokona pao sere, lao laraminyili pyuo pipyali, leya.

Make 4:30

Lapala mende leya. Anatunya isingi yulu dokona namwa aki mendeme makande pyuo laramase? Akinya palyuo kongwalu palyuo laramase?