Luku 11:9 - Anatunya Buku Baepole Ole Testamene Pii Lapo dee Nuu Tesamene

⁹ Dokona suu pyao dopa langilyu, Piso selapape. Dokopa nakama jera. Kotarami dokopa kando nyerami. Kambu dowa dokona kapa kapa pipwape. Dokome kambu lumbwakara.

Luku 11:9 Referans Kwoze

Make 11:24

Dokona dopa langilyu, Anatumi mende jinya lao ateŋa larami ramo dokopa Anatumi jera ingyalamolamo lao suu pyarami ramo dokopa Anatumi mee jera, leya.

Matyu 21:22

Doko suu pyao nakamame ateŋa lao Anatumi kapa pira lao suu pyapala piso serami ramo dokoko dopa pyakara, leya.

Jone 15:16

Nakamame namba yapalyapa nayaminyipa nambame nakama yapalyuo nakama wangya ingyuo jingi lyuo karala paraminyipa jingi dupwa lyuo karalu karena lao rombo palyiyu. Dopa pyuo kararami dokopa Rakaneme mende pyakana lao piso seraminyili pyuo pyakao karara.

Jone 15:7

Nakama nambana kingi kapena kararaminyipa nambana pii dupwa nakama keta palira ramo doko mende pipuli yaka lao suu pyaraminyili pyuo piso selapape. Dokopa dokonako palyuo pyakao karara.

Jone 14:13

Nambana kingi lao mende piso serami ramo doko namba pyakaro. Rakanena kingi doko namba keta ketae paramo karara.

1 Jone 3:22

Dokopa namwame banya lowa dupwa leyamuli pyuo karo baa rae mailyamuli pyuo pyuo karenge dokome baa kando mende pyakapyali lao piso silyamanuli pyuo baame pyakange.

Jemesa 1:5

Mendeme singinya renge doko mwuara ramo doko baa Anatu piso seramo dokopa maira. Anatumi wambu peparae kando daa laa nao mona keyange palyapala mee maiyamoko maingi.

Samu 118:5

Namba randa nyuo karo Kamongo kyakale leyo yuu gii dokopa baame isingi yano pyakao namba kiiramo nyiya.

Ipuru 11:6

Mendeme Anatu kapa ingingi lao suu pyaa nao karara ramo doko Anatumi banya yulu dolomana kando kyanyi kanda nara. Anatu keta epana suu pyarami ramo doko baa angi karamo lao suu pyao karo koto kararami dupwa yole keyange maira lao suu pyapala ipu penge ingilyamo.

Jemesa 5:15

Nakama Anatu kapa ingingi lao suu pyao ateŋa lakamirami ramo doko Kamongome akali anga pingi doko pyuo nyera. Baa koo mende piyande kande doko Kamongome banya koo dupwa kame sakamiramopa para.

Samu 34:10

Mena laene dupwa nenge yano pilyamo dokopa mee lopome kumungi. Dopa pingi dokona wambu banya pii warombo singi dupwa mende yano pyuo yangya nange.

Ipuru 4:16

Dokona lao Anatu mona keyange palyuo ipyuo karamo mare dokona eŋa paramopa monale. Baa ipyapala mona keyange palyuo karamo dokome koo keta palyuo kararama gii dupwana kondo nyisapa nyisapa pyuo karara.

Samu 34:4

Nambame Kamongo lao loma soo piso siyunu dokopa dokona isingi langiya. Nambana paka renge dupwana baame namba kiiramo neta nyiya.

Jone 4:10

Yesumi isingi dopa lamaiya. Emba Anatumi renge keyange jingi dupwa soo giso apimi ipwa jii letamo lao sipili doko embame baa piso serenepa baame ipwa letena renge palenge lapo jipyali, leya.

Samu 27:8

Kamongo emba karo dokona epo kingi wapambupi lakao lao pisi ipu lapinyi dokopa isingi lao, Kamongo namba eparowale, lapu.

Matyu 6:29

Solomoneme kiŋinya komau au piyamo pyuo kareyamo doko isa jinginya au piyamo dupwame Solomonena au doko isa nembele laro karamo.

2 Korina 6:2

Anatunya pii letamo doko selapa. Yuu gii keyange pyaka siyamopa nakamana pii siyu. Lete wai pyao nyingi yuu gii dokona nakama nyiso kareyo letamo. Selapa. Epapu dakepa Anatu nyisinya lapenge ingilyamo. Epapu dakepa Anatunya lete wai pyao nyingi yuu gii doko pyaka sepelyamo.

Make 13:37

Pii nakama kando langilyu, doko wambu peparae sinyale. Lenge rao kando karalapape leto, leya.

Orome 2:7

Wambu lapo kyakana renge sulu singi yulu dokona kingi ketae paramopa neta renge ingyuo karalana dokona yulu keyange pyulu pyuo pyuo karaminyi.

Samu 27:4

Nambame renge mendaki mende Kamongo piso sipu. Renge mendaki iki nyelana suu pilyu. Doko namba lete kararono dokopa Kamongona anda dokona iki palyuo karapuli yaka. Dokona karobaa keyange wakasa ingyuo karamo lao soo nyuo rae maipala nambame baa kata keyange lasaka pinya lao piso soo kararowale.

Daniele 9:3

Dokopa namba kumanda piso wapungi komau wapuo nenge wasaka pyuo peena piso Kamongo Anatu lao ateŋa poraiyuo lao baa piso sokondali pyuo peteyo.

Matyu 21:31

Wane lama kareyambi dokona anjukumi rakange leyamuli pyuo piyase? leya. Nakamame lao, Wane mupwa doko, leyami. Yesumi nakama lamaiyuo, Kinyi langilyu. Takisi nyingi akali dupwape enda pamuku dupwape Anatunya isingi yulu palenge dokona sukusa pao nakamba dupwa nyuo enakalyaminyi.

Aisaya 45:19

Nambame pii yalu pyuo laa nao mende pinya dokopa kalyama nange. Isaraele wambu dupwa yuu muiyane nenge anda nange dokona namba kotala pena laa nayo. Namba Kamongo dokome pii kinyi lenge dee aki mende rolae ingingi dupwa soo nyepala karena lao lamaingi.

Orepalaisane 2:24

Dopa pyuo pironopa nakama Tayataira wambu lapo dupwa Satanena yulu koo yalu pisi silyamo dupwa mana nyii nayamisa nakama keta randa mende jii nara.

Luku 11:10

Piso serami dupwa peparaeme kapa nyerami. Kotarami dupwame kando nyerami. Kambu dowa dokona kapa kapa pirami dupwana lao kambu lumbwakamira.