Luku 11:24 - Anatunya Buku Baepole Ole Testamene Pii Lapo dee Nuu Tesamene

²⁴ Imambu koo mende akali mende yaki nyuo papala dokopa yuu lapo ipwa epa nange dupwana anja paliru lao koto papira. Papyuo panda kando nyii napala, Nambana anda yaki nyepala ipu dokona kapu kyuo dee parole lara.

Luku 11:24 Referans Kwoze

1 Pita 5:8

Suu pingi karalunja nembapala lenge rao karalapape. Satane baa mena laene rae lenge dopale dokome nakama pyao nalana lee minyilyamo.

Samu 63:1

Anatu emba nambana Anatu dokoŋo. Namba embapa role pyao karapuli yaka. Nambana suu pingi peparaeme emba keta karapuli yaka lao suu pilyu. Yuu penda penda ipwa pali nange dopale ingyuo karapala nambana imambu dokome embapa karalana ipwa ingyuo nano pipyamo karo.

Jopo 2:2

Epeyamo dokopa Kamongome, Emba anja piso ipisi? lao piso siya. Leyamopa Sataneme isingi lamaiya. Yuu muu dokona kata papyuo karo pulyuo pao lupyuo epo paeyalya paeyana pyuo karo ipu, lamaiya.

Jopo 1:7

Epeyamo dokopa Kamongome Satane lamaiyuo, Anja piso ipisi? lamaiya. Lamaiyamo dokopa Satane isingi lamaiyuo, Yuu muu dokona kata papyuo karo pulyuo pao lupyuo epo paeyalya paeyana pyuo karo ipu, lamaiya.

Make 5:10

Lapala, Nakama ralinyi nembo yuu dake yaki nyuo pena laa napyali yaka, lao lamaiyuokondali piya.

Epesasa 2:2

Nakama isa wambunya yulu koo pinginyili pyuo imambu koo dupwana kamongo doko warombo soo kareyami. Kamongo doko wambu Anatu kando kamba lenge dupwana monarename yulu koo pyuo karamo doko.

Make 9:25

Dokopa wambu malu makando epo sukusa sukusa pyuo epeyami doko kandapala Yesumi imambu koo pyalana pyuo lamaiya. Imambu pii laa nao kale poenge dake, emba wane dake yaki nyuo kanjakala ipu leto, Dee kamba maralya napipi, daa leya.

Aisaya 44:3

Nambame yuu oo lasi dokona rombe lanyi pyambwakaro. Yuu kulisa pao yando nasi dupwana ipwa guu lanyi pyakamena lao piru. Dopa pipala nambana porai renge doko nakamana wane wanakepe dupwa keta kulimbwanyi peyaro dee nakamana para pyao paraminyi dupwa elyape keta pisakaro.

Aisaya 35:7

Yuu kee netame kana ingyuo rao alyingi dokona ipwa pete sera. Yuu oo lasi dupwana ipwa renge palyuo guu lara. Yuu koo yana suwa kararope palyuo kareyaminyi dokona maimbupaka pulyuo pyuo karara.

Luku 11:25

Lapala epo anda doko burumi manjisi bange dupwa rolae soo piramo kandara.