Luku 1:77 - Anatunya Buku Baepole Ole Testamene Pii Lapo dee Nuu Tesamene

⁷⁷ banya wambu dupwana koo dupwa kame sakasi seramopa lete wai pyao parami lao pii doko boo pyao lamairi.

Luku 1:77 Referans Kwoze

APOSELENA YULU 10:43

Baa eparamopa wambu baa kapa ingingi lao suu pyarami dupwa banya kingi keyange dokona lao nakamana koo dupwa kame sakasi seraŋa lao poropeta akali peparaeme wambo nolako leyami.

APOSELENA YULU 5:31

Minyalyuo nyepala Anatumi banya kingi rolaerename baa mupwa ingyuo karena lapala Isaraele wambu dupwa nakama mona enenge palyalapa, koo dupwa nyuo kame sakasi sera lao karo busu pyuo baa Lete Wai Pyao Nyingi ingyuo karena leya Anatumi.

APOSELENA YULU 2:38

Dokopa Pitame nakama lamaiyuo dopa leya. Nakamame mona enenge palyapala Yesu Koraisana kingi dokona lao nakamana koo dupwa Anatumi nyuo kame sakapyali lao suu pyapala bapitisimo nyelapape. Dokopa nakama Imambu Poo Pyasi jeramo nyerami leya.

APOSELENA YULU 3:19

Nakamana yulu koo dupwa kondapala Anatu dokona mona kapu kyerami dokopa baame nakamana koo dupwa kwuanyi nembaramopa isa para.

Jone 1:34

Dokonako ingyuo baa Anatunya Ikinyingi doko kandapala rolo leto, leya Joneme.

Jone 1:29

Dokopa yangama dokopa baa kareyamo dokona Yesu epeyamo kandeya. Kandapala, Anatunya Sipisipi Ikyane isa wambu dupwana koo dupwa nyuo lanyakao para doko kandalapa.

Luku 3:6

Dokopa wambu peparaeme Anatu lete wai pyao nyeramo kandarami, letamo.

Luku 3:3

Dokopa baame ipwa Jotane repeta yuu dupwana pao mona enenge palyapala Anatumi koo dupwa nyuo kame sakana lao bapitisimo nyelapape, lao boo pyao papyuo kareya.

Epesasa 1:7

Koraisana ranjama kulimbuo peyamo dokome namwa kiiramo nyisi karamano. Karamwanopa baa keta namwana koo dupwa kame sakapa pingi. Banya mona keyange palyuo ipingi doko andeyamosa namwa keta kakana pyuo jiya.

Jeremaya 31:34

Nakamana andare dokona yango sukusa dopa pinya dapa pinya lao kara naramioko. Yuu gii dokopa wambu kuki andakepe peparae namba soo nyerami. Nambame nakamana yulu koo dupwa nyuo kame sakamirunupa dee koo piraminyi dupwana deeko suu pyale pyale kara naro. Namba Kamongo dokome lapusa pilyamo, leya.

Orome 3:25

Anatumi Yesu namwana koo dupwana lao kumala pena leyamo dokome wambu Yesu kapa ingingi lao suu pyarami dokona nakama koo dupwa nyuo kame sakamira ingilyamo. Anatumi dopa pyuo Yesu kumala penale leyamo dokome namwa baapa rolo parama kata doko panasi sipyamopa kandelyamano. Anatu ipyapala wambo dokopa wambunya koo dupwa mee kame sakaya.

APOSELENA YULU 19:4

Dokopa Poleme dopa leya. Joneme bapitisimo nyakamiya dokopa mona enenge palyapala bapitisimo nyelapa lao kareya. Lao karo akali mende Yesu lenge enakana epara doko kapa ingingi lao suu pyapala mona maipala lao wambu dupwa lamaiyuo kareyaŋa leya.