Kolosi 2:2 - Anatunya Buku Baepole Ole Testamene Pii Lapo dee Nuu Tesamene

^2-3 Nakama mona palipala mona retenge dokome nyuo mendakyaramo kararami lao yulu andake pilyu. Anatunya singinya renge dokope suu pingi dupwape Koraisa keta wua nanga boro kumuo yalu pili laro karamo. Nakama pyuo karo dokopa renge dupwa soo nyuo mona kumapala kararami.

Kolosi 2:2 Referans Kwoze

Kolosi 1:27

Anatumi banya suu pingi neta renge yalu pisi doko, banya wambupi Juu daa rara wakale dupwape keta nyuo panara lao suu piya. Pii wambo yalu piyamopa see nayami doko Koraisa nakama keta palamo. Dokome Anatunya yanga paupau lenge panda nyerami.

Kolosi 4:8

Baame namwa apa pyuo karamano lao dokona langyuo nakama mona porainyi pyambwaraŋa lao mapanyi peelyo.

Epesasa 6:22

Dokonako lao baa nakama karaminyi dokona pena leto. Namwa apa pyuo karaminyi dokona langyuo mona minyarambwako karara.

Kolosi 3:14

Yulu keyange dupwa nyuo pee pipala mona retenge renge dokome ketae nenge nyuo wapurami dokopa keyange ingyuo para.

Orome 16:25

Anatu lakandamanale. Baame waili pii keyange Yesu Koraisana dokona lao nambame polo lenge dokona piso kapa ingingi lao suu piyami dokona baame nakama poraiyuo kapa karalapa lao pyuo karamo. Pii kinyi angi wambana yalu pisi siyamo paneya dokona piso nakamana kapa ingingi lao suu pingi doko isa paa nana lao poraiyuo karamili lao karamo.

Pilipai 3:8

Bange dusipa iki daa. Bange peparae mee ingyuo pelyamo lao soo nyepala mende mupwa wakasa keyange ingyuo pelyamo dokona lao poraiyuo suu pilyu. Mende keyange mupwa wakasa doko nambana Kamongo Koraisa Yesunya soo gisilyu renge doko. Banya reke lao bange peparae neta nembo oteyo. Yesu Koraisana arapu dokona karapuli yaka lao isa bange peparae isa pena leto.

Pilipai 2:1

Nakama Yesu Koraisana arapu dokona karami dokome porainyi pyambulyase? Banya mona retenge dokome nakamana mona poraikalyase? Nakama Imambupa role pyao yalya kando karamisi? Nakama mendali mendali anjiki pyuo mona reto pyuo karamisi?

Aisaya 53:11

Baa randa yasupi naparamo dokopa enakana baa rae maingi renge dee kamba nyera. Baa doo randa naramo dupwa mee male male lao randa neyolyamo lao suu pyaa nara. Nambana kendemande dokome namba mona retenge doko kando namba rae maingi. Baame peparaena koo dupwana randa nyeramopa banya lao nambame nakamana koo dupwa kame sakamiru.

2 Pita 1:3

Yesu baame wakasa keyange neta renge ingyuo karamo dokome role pyao kararami lao ipupwape letamo. Anatumi Yesu keta banya yake pandana porai renge dokome imambunya renge keyange angingyuo nyisarali dupwa jiya. Baame keyange dusipa

Orome 15:13

Anatumi mende pira lao suu pingi jiya dokome nakamana kapa ingingi lao suu pingi dokona piso rae maingi rengepe mona kyuu lao singi rengepe nakama keta palyuo simbuo epena lao jera. Dopa piyamo dokona piso nakama Yesu mende pira lao suu pingi doko Imambu Poo Pyasinya porainya renge dokona piso ando karena.

Jone 10:30

Namba Rakanepa mendaki ingyuo karambano leya.

Jone 6:69

namwame emba kapa ingingi lao suu pyapala emba Anatunya Poo Pyasi dokolyamo lao soo nyepala karamano leya.

Ipuru 10:22

Dokona lao suu pingi lamana palya nao Anatu baame namwa kapa nyera doko soo gisapala karo mona anda yapasi dokome koo mende range keta pali nalyamo doko monarena pyapi pyuo soo kaepala ipwa yapasi dokome yongo wate pipala Anatu dokona repe repe pyuo monale.

1 Timoti 3:16

Elyambu Pingi doko anda pinginya ingyaro Anatunya Imambunya yulu dokona renge yalu pyuo siyamopa kando nyiyama doko mendeme mupwa daa lao matarena pii larami ingya nalyamo. Wambu wai pyapala akali lenge kambu nyuo paneyamopa, Imambumi baa rolae wakasaŋa lao lao paneyapya. Aŋala dupwame baa kandeyamiko. Rara wakale dupwana baa dokona lao lamaiyuo peyami. Yuu muu dupwana baa kapa ingingi lao suu pyao mona maiyami. Baa lopo epapala yake panda peya.

Ipuru 6:11

Nakama yulu doko kaeya napala waa waa lao pyuo karo keyange nyeramili dupwa nyimili yaka lao suu pilyamano.

Kolosi 1:9

Renge dokona sepala dokopa piso epo yuu peparae kaeya nao ateŋa lakalyamano. Nakama mona angi palipala imambunya yulu dupwa soo gisapala dokome

Galasia 3:28

Dokona lao Juu rara panda Giriki rara, karapusi karenge akalipi panda kiiramo pasi wambupi dee enda panda akali dupwa mendepali daa. Koraisa Yesu dokona nakama peparae mendare ingyuo pelyamo.

1 Korina 2:12

Namwa isa yuu dakena imambu koo doko kando nyii nayama. Nyii napala dokopa keyange renge Anatu namwa jiya dokona lao namwa serami lao Anatumi Imambu pena leya doko kando nyiyama.

Jone 17:3

Isa wambumi emba Anatu angi karenge dokome Yesu Koraisa mapanyi pee doko kando serami doko kyakana renge kulisa doko nakama keta palira.

Jone 16:15

Rakangena kingi rakapana silyamo dupwa peparae nambanaŋa. Dokona lao Imambumi renge lamairunu dupwa nyepala nakama langira ingilyamo langyalono kandapi.

Jone 10:38

Dee yulu dupwa angi pyuo kararo ramo doko namba kando angilamo lao suu pyaa nayami kande doko yulu pyuo karo dupwa kando kinyilamo lao suu pyalapape. Dokome Rakane namba keta palipyamopa namba Rakanena dokona karene lao soo gisarami leya.

Jone 5:23

Wambu peparaeme Rakange kando ketae pyambuo karaminyi dopako pyuo Ikinyingi ketae pyambuo karena lao maiya. Mendeme Ikinyingi kando ketae pyambuo kara narami dupwame Rakange mapanyi peeyamo doko ketae pyambuo kara naramisa pira.

Jone 5:17

Dopa piyaminyipape Yesumi nakama lamaiyuo, Nambana Rakangeme kaeya napala yulu pyuoko karapyamopa namba yulu pyuo karo leya.

Matyu 11:27

Nambana Rakaneme bange peparae namba keta palena lao joo kaeya. Mendeme Ikinyingi doko soo gisa nange, Rakange baame iki soo gisingi. Dee wambu mendeme Rakange doko soo gisa nange, Ikinyingi dokome baa iki soo gisingi. Dee Ikinyingimi Rakange doko lasaka piramopa wambu lapo seramioko.

Matyu 11:25

Yuu gii dokopa Yesumi dopa leya, Rakane yake pandape isa pandape dolapona Kamongo karene doko embame akali mora petenge dee kendepuli suu pingi palengepe dupwa keta nolaka napala wambu koole dupwa keta panelene dokona ange leto.

Jeremaya 9:24

Mendeme range lakandalana suu pyara ramo doko baame namba Kamongo doko soo nyuo soo giso pilyamo dokona lakandara. Renge dokona nambame wambu mona retenge doko reto puu penge. Dopako pyuo nambame pii pali nana lao yulu rolae dupwa kapa pyuo puu penge. Renge dolapome namba rae mainyi pyambungi, Kamongo dokome letamo.

Aisaya 40:1

Namwana Anatumi lao, Nambana wambu dupwa nyisakao mona minyarambu karape, letamo.

Aisaya 32:17

Doko wambu dupwa peparaeme yulu rolae doko anjuku lao pirami dokome mona kyuu lao seramopa koo keta pali nao karalu kararami.

1 Jone 5:7

Pano langyuo rolenge yulu rema namwa selapa lao lasaka pingi.

1 Jone 3:19

Dopa pyuo kararama ramo dokome namwa kinyi palengena palyuo ingyuo karalyamano lao range serama. Sepala Anatunya lenge kambunya mona kyuu lao seramo kararama.

2 Pita 3:18

Nakama Lete Wai Pyao Nyingi Kamongo Yesu Koraisa soo ando paraminyipa banya mona keyange palyuo ipingi renge doko nakama keta jokondali pinya lao leto. Mange epapu piso pao rengyanape banya kingi doko ketae palyuo puu penale, doko kinyi.

2 Pita 1:10

Yangonemoo Anatumi nakama kee lao sukusa nyiyamo dokona rolae pyuo karalapape. Dopa pyuo pirami ramo nakamana Kurisene yulu isa paa nara.

1 Tesalonaika 5:14

Yangonemoo pii dake poraiyawale letamano. Makange wambu dupwa yulu pinya lalapape. Wambu pako petaminyi dupwa porainyi pyambwalapape. Wambu pyuku lasi dupwa nyisalapape. Wambu peparae dupwa pyalana pii nao mondo lao karalapape.

1 Tesalonaika 3:2

namwana yangonge Timoti pena leyama. Timoti baa namwa role pyao Anatunya yulu pyuo Koraisana lao waili pii boo pyao lamaiyuo kareya.

1 Tesalonaika 1:5

Namwa waili pii keyange lao epeyama doko pii yeelyo minyuo epeyamande daa. Porainya renge paletape Imambu Poo Pyasi opetaepe nakamana monarena yulu porai piramopa kapa ingingi lao suu pyarami doko minyuo epeyamasa piya. Nakama kapa serami dokona lao namwa apa pyuo pyuo karaminyi lao kandeyami.

APOSELENA YULU 4:32

Wambu dupwa Yesu kapa ingingi lao suu pyao mona maipala peteyami dupwame suu pingi mendaki palyuo yalya kando peteyami. Nakamana bange dupwa nambana iki lao suu pyaa nayami. Bange dupwa pyasapala wambu peparaena ingyuo silyamo lao suu piyami.

1 Kiŋi 3:28

Isaraele wambu dupwame Solomonena yulu nyuo rolo piyamo doko sepala dopa pyuo kapa ingya nao apyanda pisi seramo dupwa Kamongome rolena lao singinya renge maiyalyamo lao soo nyiyami. Dopa pipala nakama peparae baa ketae pyambuo kareyami.

Matyu 13:11

Dokopa baa isingi lao dopa leya. Nakamame yake pandana isingi yulu yalu pisi silyamo renge dupwa kapa silyaminyi. Siminyipape wambu menge dupwa kapa see nalyaminyi.

Luku 1:1

Namwa kareyama sukusa dokona Yesumi yulu andake piyamo dupwana lao akali malu mee pepa pyao reteyami.

Orome 2:4

Anatunya yulu keyange anjiki pyuo waiya lao randa jii nao pilyamo doko mee kuki lapala pilyamipi? Yulu elyape dokome Anatu nakama mona kapu kyuo karalale lao pilyamo doko soo kanda nalyamipi?

1 Korina 14:31

Nakama bome pyuo lalana suu pilyaminyi doko kaepala mendaki mendaki lao Anatunya pii sipurao larami ramo doko nakama peparae mona seramopa mana keyange nyerami.

Epesasa 1:7

Koraisana ranjama kulimbuo peyamo dokome namwa kiiramo nyisi karamano. Karamwanopa baa keta namwana koo dupwa kame sakapa pingi. Banya mona keyange palyuo ipingi doko andeyamosa namwa keta kakana pyuo jiya.

Epesasa 3:3

Yalu pyuo palenge renge andake doko namba keta paneyamo siyu doko, (wambo pepana muu pyuo piyu kande.

Epesasa 3:16

Kamongo Anatunya yanga paupau lenge renge jingi ingyuo lyuo karamo doko Imambu keta epo nakama maralyapala mona andarena porainyi pyambunya lao ateŋa lakalyo.

Kolosi 1:26

Pii doko kai wamba yalu pisi singi doko epapunya banya wambu dupwa keta panasi silyamo.

Kolosi 2:19

Wambu dopale doko Koraisa keta role pyao mendakinya ingyuo kara nange. Koraisa baa kyawa ingilyamopa yongo peparae minyala minyala pao karenge. Dokome Anatu suu pyaramuli pyuo andara.

Kolosi 4:3

Koraisana yalu pisi singi dupwa kapa boo pyao larami lao Anatumi kata wapwakanale lao ateŋa lakarami. Namba pii dokoko lao kareyonosa karapusi palyuo karo.