Kolosi 1:16 - Anatunya Buku Baepole Ole Testamene Pii Lapo dee Nuu Tesamene

¹⁶ Baa ketako yake bange dee isa bange dupwapeko wasisi silyamo. Bange kandenge dee mendeme kanda nangepe Imambu dupwape kiŋi dupwape kamongo dupwape gapomane dupwape baa ketako pyuo ingiyamopa banyako silyamo.

Kolosi 1:16 Referans Kwoze

Orome 11:36

Anatu baame bange peparae pyuo wasiya. Wasapala bange peparae banya kingi kapena pyuo wasisi dupwa banya ingyuo silyamo. Anatu baa neta renge ingyuo karalu karenale, doko kinyi.

Jone 1:3

Anatumi keta bange peparae wasiya. Bange mendepe baa keta wasa nayamopa pulyiyande daa.

1 Korina 8:6

Laraminyipape namwana Anatu mendaki doko iki Rakange. Baame bange peparae wasapala namwa pyuo ingiya. Dee namwana Kamongo mendaki doko iki Yesu Koraisa. Baame bange peparae wasapala namwa pyuo ingiya.

Ipuru 2:10

Anatu bange peparaena simuisa ingyuo karenge dokome Yesumi wambu malu sukusa lanyuo eparaŋa lao suu pyapala baa randa mainyi pyambuo sukunde ingyuo kiso rolo yulu keyange wakasa piya.

Ipuru 1:2

Epapu yuu gii repetale lumwa pira ingyapyamopa banya Ikinyingi keta pii langiya. Anatumi Ikinyingi keta yake yuupi wasapala karo dupwa peparae banyaŋa lapala baa maira ingilyamoko.

Epesasa 1:10

Yuu gii pyaka separamo dokopa Anatumi banya wasisi peparae yake pandape isa pandape nyuo mendakyapala dokona Koraisa baa kyawa ingyuo kararaŋa lao suu piyamuli pyuo pira.

Aisaya 44:24

Namba Kamongo doko nakamana pyuo nyingi akali. Nambame iki nakama wasiyu. Nambameko Kamongo ingyuo karapala bange silyamo dupwa peparae wasiyu. Nambame iki yake doko nyuo pyasinju lanyi reteyo. Dopa pyuo isa yuu dake wasiyuŋu dokopape mendalimi namba nyiso kara nayako.

Kolosi 1:15

Namwa Anatu kapa kanda nange dokona Koraisa baa Anatu yale isa komba pyao karamo baame wasiyamo dupwa peparaena mupwa ingyuo karamo.

Kolosi 2:10

Nakama baapa pakao Anatunya wambu angi ingyapala karaminyi. Baa porai dokome yake panda isa pandarena simuo pyao minyaro karamo.

Aisaya 43:21

Nakama nambana wambu namba rangeme wasiyunu petaminyi dupwame namba lakando kenane pyarami ingilyamo.

Dutaronome 4:39

Yake pandape isa yuupi peparaena Kamongo baa Anatu. Anatu wakale mende kara nange dokona lao epapu yuu gii dakepa suu pyao karo kame see nalu nalapape.

Pilipai 2:10

Yesunya kingi dokona lao wambu peparaepe imambupi yake pandape isa yuu dakenape dee isa yuu dorena palenge dupwapeme wapambu pii pyaro piso banya kingi lakandarami.

Kolosi 1:20

Anatumi yuu muu peparaena rekya lasi siyamo doko banya Ikinyingi keta dee nyuo mendakiya. Yesumi isa mamandona ranjama kulimbuo kumuo paleya dokome Anatumi yake yuupi peparae baa keta sukusa nyiya.

1 Pita 3:22

Baa yake panda papala Anatunya kingi rolae dokona piso aŋala dupwape imambu mupwa, dee kamongo dupwa iso karamo.

Kolosi 2:15

Koraisame isa mamando dokona mupwa dupwape imambu dupwape anamasi minyuo puu maipala yuu aupa lao anda lanyuo epeyamopa wambu peparae kandeyami.

Epesasa 6:12

Namwa wambu yango sukusa dokona yanda pilyamande daa. Imambu koo malu yakena palenge dupwape mupwa dupwape iminjingi pandana numi dupwape pipya yanda pilyamano.

Orome 8:38

Mendeme baame namwa mona retenge renge doko rekya lao nemba nara doko soo gisilyu. Kumungi renge lete rengepe dolapome nyuo nembarambinde daa. Aŋalape yake panda porai wakale wakalepe dusipame nyuo nembara ingya nara. Dakepape panda rakyamepe bange mendeme nyuo namwa wakale wakale pira ingya nalyamo.

Niyamaya 9:6

Isaraele wambu dupwame ateŋa dake piyami. Kamongo doko embako iki Kamongo ingilyamo. Embame yakepe yakena buipi pyuo wasii. Embame yuupi ipwa kotape bange silyamo dupwa peparaepe embame pyuo wasii. Bange dupwa peparae embame letena renge maii. Aŋala yake panda karaminyi dupwame emba lao pangu soo lakandenge.

Jone 1:10

Baame isa yuu dake wamba wasiyamo dokona epo kareyamopape isa wambu dupwame baalamo lao kando soo nyii nayami.

Orome 9:5

Anatunya akali andake lapo nakamana rakange kyawa ingyuo kareyami. Koraisa akali ingyuo nakamana rara dokona epeya. Anatu baame wambu dupwa iso karalu karenge dokome banya kingi lakando karalu karena, doko kinyi.