Josua 3:6 - Anatunya Buku Baepole Ole Testamene Pii Lapo dee Nuu Tesamene

⁶ Lapala baame purisi dupwa lamaiyuo, Wambu dupwa enakana epenaleŋe nakama Kana Minyuo Lalu Lao Lenge Pii Palenge Bokote soo wambo pena leya. Leyamo dokopa nakamame baa leyamuli pyuo peyami.

Josua 3:6 Referans Kwoze

Maeka 2:13

Anatumi nakamana kata wapwakamyuo karapusi pyao lanyuo peyami doko mokwapala nyisa nyuo nembara. Nakama taone andake kame kambu dowa dupwa pyao lalyapala mee nyisa epo parami. Nakamana kiŋi doko Kamongo Anatu dokome baa range kata lanyuo para.

Josua 3:3

Purisi dupwame nakamana Kamongo Anatu dokona Kana Minyuo Lalu Lao Lenge Pii Palenge Bokote doko soo wambao paraminyi kandapala dokopa nakamana pinji pyapala komau anda dupwa lalyuo nyepala moko minyuo pupwape.

Nambase 14:15

Epapu embame embena wambu dupwa pyao kumakare ramo doko wambu rara wakale dupwame emba pilini doko sepala dopa lao,

Nambase 10:33

Wambu dupwame yuu kyau poo pyasi mende kingi Sainai lenge doko yaki nyepala yuu gii rema nembo peyaminyi dokopa Kamongona Kana Minyuo Lalu Lao Lenge Pii Palenge Bokote doko soo wambako pao nakama paliraminyi yuu pandape lasaka pira lao koto peyami.

Ipuru 6:20

Yesu baa panda dokona wambo sukusa papala Melekiseteke piyamo apo dokona namwana purisi mupwa ingyuo karalu karara.

Josua 3:5

Dokopa Josuame wambu dupwa dopa lamaiyuo, Rakya Kamongo dokome wambumi yulu pii nange lapo nakama keta piraŋa dokona nakama rapa rapa pyuo poo pyasi ingyuo karalapape, leya.

Josua 3:7

Dokopa Kamongo dokome Josua lamaiyuo lao, Epapu nambame mende pirunu dokome Isaraele wambu dupwame kando emba akali andakeŋe lao yako lao ketae pyambuo kararami. Dee namba Mosese role kareyo doko suu pyao embapa karambinyi lao soo gisarami.

1 Kiŋi 8:3

Dokopa lita akali dupwa peparae epo malu palyiyaminyi dokopa purisi dupwame Kana Minyuo Lalu Lao Lenge Pii Palenge Bokote doko minyalyapala soo pao

Josua 6:6

Leyamo dokopa Josuame purisi dusipa kee lao dopa leya. Nakamame Kana Minyuo Lalu Lao Lenge Pii Palenge Bokote doko nyelapape. Nyepala akali yanda ipingi nyepo dusipame bikuli minyuo wambo pupwape.