Josua 24:25 - Anatunya Buku Baepole Ole Testamene Pii Lapo dee Nuu Tesamene

²⁵ Leyaminyi dokona Josuame kana minyuo lalu lao lenge pii wambu dupwana lao pyao palyiya. Pyao palyapala yuu Sikeme dokona baame nakamame mawa piipi mana piipi minyuo pyuo kararami lao maiya.

Josua 24:25 Referans Kwoze

Ekesetase 15:25

Dopa leyaminyi dokopa Moseseme Kamongo doko kando poraiyuo ateŋa piya. Piyamo dokopa Kamongo dokome baa isa mende lasaka piya. Dokopa baame isa doko nyepala ipwa dokona sukusa pyao nembeya. Nembeyamo dokopa ipwa doko mee rende pyuo rali piya. Dokona Kamongo dokome nakama mawa pii maiya. Maiyuo dee nakama makande pyuo kandoko piya.

Niyamaya 9:38

Yulu dupwa peparae piyamo dokona namwa Juu wambu dupwa epapu namwa pii kinyi mendakinya palyuo lapala pepa pyao retelyamano. Dokona namwana litape namwana Lipae rarape namwana purisipi dupwame nakamana kingi pyao make retelyaminyi.

Josua 24:26

Maipala Josuame mawa pii dupwa buku Anatunya lowa pii pyasi palenge dokona pyao reteya. Retapala kana andake mende nyepala Kamongona misi lenge panda dokona isa oke lenge kareyamo renge dokona reteya.

Josua 24:1

Josuame Isaraele rara dupwa peparae kyakale lao nyuo yuu Sikeme dokona malu palyiya. Baame akali kyawape akali mupwa ingyuo karengepe jasi akalipi Isaraele wambunya iso karengepe dupwa peparae epena lao kyakale leyamo dokopa wambu dupwa peparae Anatunya lenge kambu siyamo dokona epo kareyami.

Ekesetase 24:3

Leyamo dokopa Mosese baa wambu peteyaminyi sukusa dokona papala Kamongona mawa pii leyamo dupwa peparaepe banya mana piipi lamaiya. Lamaiyamo dokopa wambu peparaeme kapa kapa isingi lao, Kapa namwame Kamongo dokome lapyamuli pyuo peparae pirama, leyami.

Jenesese 35:4

Dokopa pyarepa kanape dee uriŋi kalena palyingi dupwa nyuo Jekope maiyaminyi dokopa baame nyuo Sikeme repeta isa oke dokona rengesa malu piya.