Josua 24:21 - Anatunya Buku Baepole Ole Testamene Pii Lapo dee Nuu Tesamene

²¹ Leyamo dokopa wambu dupwame Josua lamaiyuo, Doko daa. Namwame Kamongona yulu pyakamirama, leyami.

Josua 24:21 Referans Kwoze

Aisaya 44:5

Dokopa mendaki mendaki lao wambu dupwame lao, Namba Kamongona wambu karo lao epo Isaraele wambu pipya konda konda pirami. Dopa pipala wambu mendaki mendaki lao nakamana kingi sukuli dokona Kamongona kingi pyanyi palyarami. Palyapala baa range Anatunya wambu dokona mende karo, larami.

Ekesetase 20:19

Karapala nakamame Mosese lamaiyuo, Embame namwa pii langirinyi dokopa namwa pii serama. Dopa piramopape Anatumi namwa pii langira ramo dokopa namwa kumaseramano lao pakame kumulyamano, leyami.

Ekesetase 19:8

Polo lamaiyamo dokopa wambu dupwa peparaeme isingi lao dopa leyami. Kamongo dokome lapyamo dusipa peparae kapa pirama, leyami. Leyaminyisa Moseseme dopa letaminyi lao Kamongo baa lamaiya.

Dutaronome 26:17

Epapu nakamana Kamongo Anatuŋu lao lao otapala baa rape rape lao kararama lao lalu lao lapala banya lowa pii dupwa minyuo karo baame pelapa lao laramuli pyuo kararama, letaminyi.

Ekesetase 24:7

Dopa pipala enakana kana minyuo lalu lao lenge pii palenge buku dokona Kamongona mawa pii pyasi palenge doko baame nyiya. Nyepala pii ketae palyuo wambu dupwa yaka lao lamaiya. Lamaiyamo dokopa wambu dupwame lao, Namwame Kamongo warombo soo baame pelapa lao mawa pii langilyamuli pyuo yulu peparae pirama, leyami.

Ekesetase 24:3

Leyamo dokopa Mosese baa wambu peteyaminyi sukusa dokona papala Kamongona mawa pii leyamo dupwa peparaepe banya mana piipi lamaiya. Lamaiyamo dokopa wambu peparaeme kapa kapa isingi lao, Kapa namwame Kamongo dokome lapyamuli pyuo peparae pirama, leyami.

Josua 24:20

Dee mende nakamame Anatu yaki nyepala rara wakalena kyambo anatu lenge dupwana yulu pyakamyuo kararami ramo Anatu baame nakamana yanda pimwai ingyuo randa joo pira. Wamba baame nakama keta elyape ingyuo pisiyamopape epapu baame nakama pyao kokwa sera, leya.

Josua 24:22

Leyami dokopa Josuame isingi lamaiyuo, Kamongona yulu pirama lao nakama range lalu lao lao karaminyi, leya. Leyamo dokopa nakamame dopa lao, Kinyi. Namwa rangeme lalu lao letamano, leyami.