Josua 24:19 - Anatunya Buku Baepole Ole Testamene Pii Lapo dee Nuu Tesamene

¹⁹ Leyaminyi dokopa Josuame wambu dupwa kando dopa lamaiyuo, Nakamame Kamongona yulu kapa pyakami narami ingilyamo rapisi. Baa Anatu poo pyasi wakasa dokome kyambo anatu dupwa lakanda narami lao suu pilyamo. Baame nakamana koo dupwa nyuo kame saka nara ingilyamo.

Josua 24:19 Referans Kwoze

Lipitikase 19:2

Namba nakamana Kamongo Anatu poo pyasi karo dokona lao nakama poo pyasi karalapape, leya.

Ekesetase 20:5

Namba nakamana Kamongo Anatu. Wakale mendeme nambana panda nyinya lao maiya nange. Dokona lao mee bange anatu angi daa dupwana ponga napala kingi ketae pyambuo lakanda nalapape. Wambu mendeme namba awa nara ramo dokopa nakamana para pyaraminyi dupwame manjo jingi para pyao paraminyipa rema panda kisima ingyuo manjiraminyi dusipana mende keta randa mairu.

1 Samyuele 6:20

Dokona lao yuu Betesemese akali dupwame lao, Kamongo doko Anatu Poo Pyasi dokona mende banya lenge kambu dokona kapa kara nara ingingi. Namwa pipya kakondo karena lao namwame baa anja nembaramase? leyami.

Ekesetase 34:14

Nakamame anatu wakale lapo lakanda nalapape. Namba Kamongo dokome nambana wambu dupwa yulu kopetame dopale dupwa pinya lao yaki nyii nao nakama nambana iki ingyuo karamili yaka lao suu pilyu.

Matyu 6:24

Kendemande akali mendeme kamongo lamana yulu kapa pyakamyuo kara nara. Baame mende awa napala mende mona reto karara. Panda mendepa angingyuo puu minyuo karapala mende kando kilya kando pyuo karara. Anatupa kana monepa dolapo laparaena yulu kapa pyuo kara narami.

Aisaya 30:15

Kamongo Mupwa Andake Wakasa Isaraele wambunya Anatu poo pyasi dokome wambu dupwa lamaiyuo lao, Nakama kapu kyuo epo kui lao namba keta pyamalyuo karalapa. Dokopa nakama porai ingyuo randa dupwana kapa namba alya minyapala kararami. Dopa pipwa lapunupape nakama dopa pinya kamba letaminyi, letamo.

Aisaya 30:11

Namwana kata doko rokwaka napala namwana kata dokona kakondo karalapape. Isaraele wambunya Anatu Poo Pyasi dokona lao laraminyi selana lao suu pyaa nalyamano, lenge.

1 Samyuele 3:14

Dokona lao nambame Ilaina ree palu wambu dupwa kando lalu lao lao, Nakamana koo dupwa nyuo nembara lao mena pyao kiso maingipi mee bange maingipi kata mende see nalu nao nara ingyara, leya.

Uruti 1:15

Dopa piyasa kandapala Nayomimi Uruti lamaiyuo, Kanda, embena enda yango doko banya wambupi dee banya mee bange anatuŋu lengepe dupwana range pana pelyamolamo dokona anda range role pyao pupwa.

Josua 24:23

Leyaminyipa Josuame lamaiyuo, Nakamame pii doo letaminyi dokona rara wakalena kyambo anatu nyisa nembapala Kamongo Isaraele wambunya Anatu doko iki yapalyepala mona kapu kyuo maipwape, leya.

Apakuku 1:13

Embame akali koo panga singi dupwa akipamo mee pyuo karena lapala kando karese? Embena lenge ama poo pyasi keyange dokome koo dupwa kandare ingya nange. Wambu yulu koo pingi dupwa embame epe kanda nange. Dokona akipamo yulu koo pingi wambu dupwame wambu yulu rolae pingi dupwa kokwa sinya lapala romo napyuo karese?

Ekesetase 34:7

Nambame nakamana para pyasi dupwana mendeme mende manjipa pyuo penge ama malu soo kaeyo dupwa keta lalu lao leyonde pyuo pyuo koo pingi peparae kame sakamyuo karenge. Dopa pirunupape endangi rakangepe koo piraminyi dokona palyuo nambame nakamana ikinyingi wanengepe apusingipi kauwangepe dee dupwana para pyasi wambu rara lama manjiraminyi dupwape randa malisa nao mairu.

Josua 24:18

Namwa epeyama dokopa namwana Kamongo Anatu dokome Amote wambu yuu dakena palenge dupwa pyao ralinyi nembakaya. Nembakayamo dokona lao namwa opetae Kamongona yulu pyakamirama. Baa namwana Anatu, leyami.