Josua 10:13 - Anatunya Buku Baepole Ole Testamene Pii Lapo dee Nuu Tesamene

¹³ Isaraele wambu dupwame ene wini pinya piyaminyi dokopa neta kanape dolapo mee romo pii nao rao karalu kareyambi. Dopa piyamo dokopa yake suku dokona neta mee rao karalu kareya. Dopa piyamo dokopa yuu yangama piso pao yuu kukwa opetaeko rao karalu kareya. Dopa piyaŋa lao Akali Rolae Pingi Dupwana Buku dokona pyasi palamo.

Josua 10:13 Referans Kwoze

Apakuku 3:11

Peyamopa kaku walekape embena doko pundai pipala yanga paupau lao peyamosa neta kanape dolapo romo pii nao mee kareyambi.

Josua 10:14

Yuu wamba kanda soo dokopa piso pao epapupi yulu dopale pyuo Kamongome mee akalinya pii mendepe warombo see nange. Isaraele wambu dupwame yanda pyuo kareyaminyipa Kamongome nakama poraiyuo nyiso kareyamo piyami.

Jasi 16:28

Dee Samasoneme dokopa ateŋa lao, Kamongo Andake Mupwa Wakasa, embame namba suu pyape. Anatu embame namba yuu gii mendaki iki porainya renge kamba jii. Dopa piri dokopa dokome yuu mendakinde nambana lenge lama dolapona reke lao Pilisitia wambu dapwa pyarowale, leya.

Luku 18:7

Dokona suu pyao Anatumi banya wambu rombo palyiyamo yangala kwuara pilyamopa baa piso soo karenge dupwa kando lao rolakami narase? Nakama kando iliki maliki lapala nyisa nao kaeyarase?

Joele 3:15

Neta kanapa dolapo iminjapyamopa bui dupwa rao kara nalyaminyi.

Joele 2:10

Dopa piraminyisa yuu muu dupwa piku piku laramopa yake doko romo romo pira. Piramo dokopa neta kanape dolapo iminjiramopa bui dupwa yake dokona raa narako.

Samu 148:3

Neta kanapeme baa lakandalapape. Dee bui lepo pyuo rao karenge dupwame baa lakandena.

Samu 19:4

Dopa pipyamopape nakambana neta rao yuu muu dupwana pumbinyi dokome yake yuupi rambungi dolapona kapa kapa pyuo soo otelyaminyi. Anatumi yake dokona renge kuiyuo rao karena lao panda wasakamiya.

2 Samyuele 1:18

Dee kenane doko Juta wambu dupwa peparae mana lamainya lao lamaiya. Kenane doko Akali Rolae Pingi Dupwana Buku dokona pyasi palamo.

Jasi 5:2

Isaraele wambu dupwana lita dupwame angingyuo yanda pelana suu piyami. Wambu dupwa rae maiyuo mee yanda pela peyami. Dokona lao Kamongo doko lakandalapape.

Josua 10:11

Isaraele wambu dupwame peteta peyaminyi dokopa Amote wambu dupwa lano makando peyaminyipa Kamongome yake dokona piso randake kapa isa peyapala wambu malumee pyao kumakaya. Isaraele wambu dupwame wambu pyao kumakayaminyipape randake kapame kamame wakasa pyao kumakaya.

Orepalaisane 21:23

Taone dokona neta kanape dolapo rao karara kata mende see naya. Anatunya yanga paupau lenge dokome neta rao dee Sipisipi Ikyane dokome lambe ingyuo rao kareyamo kandeyo.

Orepalaisane 8:12

Aŋala kisima doko bikuli leyamo dokopa neta kana dokonape dee bui dupwanape kanya remasa lao rombo pyao liti piyamopa liti mendaki dokona larapu iminjapa piya. Dopako pyuo kukwa doko remasa lao liti piyamopa dokona liti mende iminjo, dee korakama doko dopako piyamopa dokona liti mende iminjo piya.

Orepalaisane 6:12

Sipisipi Ikyane dokome isa roome pepa upi lasi pakinyamange doko nyuo lumbuya. Dokona dee kandeyono dokopa yuusili andake minyiya. Dokopa neta doko alowa pyuo nyuu byake rokwasi wambarae pupuri dopale ingiya. Dee kana doko kone pyuo ranjama dopale ingiya.

Orepalaisane 6:10

Nakama pii kyakale rekyae koo lao lapala dopa leyami. Rolo Pingi Porakai Poo Pyasi Kamongo, embame yuu gii akipare epo paparamopa wambu namwa pyao kumakayami dupwa kote lao randa mairiŋi lao iso kararese? leyami.

APOSELENA YULU 2:20

Neta doko iminjo rali pira. Kana doko ranjama ingyara. Wambo dopa piramopa enakana Kamongona yuu gii doko pyaka sera.

Matyu 5:45

Dopa pyuo pirami ramo dokopa nakamana Rakane yake panda karenge dokona wane wanakepe ingyuo parami. Dokona lao baame banya neta doko wambu koo keyangepe peparaena lao pyakalyapala rena lenge. Dopako pyuo apunda doko wambu rolae pingi rolae pii nangepe peparaena lao epena lenge.

Matyu 24:29

Randa andake nao kararami gii doko otaramopa aopa neta doko raa napala iminjowape, kana doko raa nao, bui dupwa yake dokona piso kondo isa epo karo yake bange porai dupwa romo romo pyuo pyuo karara.

Joele 2:31

Neta doko iminjo rali pyuo kana doko ranjama ingyuo pira. Wambo dopa piparamo dokopa enakana Kamongona yuu gii koo randa doko pyaka sera.