Josua 10:10 - Anatunya Buku Baepole Ole Testamene Pii Lapo dee Nuu Tesamene

¹⁰ Amote wambu dupwame Isaraele yanda singi dupwa epeyaminyi kandeyaminyi dokopa Kamongome nakama pakanyi pyambuya. Pyambuyamo dokopa Isaraele wambu dupwame Amote wambu yuu Gipione dokona pyapala yuu Beterome kyau kata kuki mendena pyao lano ralinyi nembeyami. Ralinyi nembo pao yuu Aseka dee Maketa yuu donorena singi dokona pyambuyami.

Josua 10:10 Referans Kwoze

Jasi 4:15

Dokopa akali Bereke banya yanda singi akali dupwa pipya epeyaminyipa Kamongo mende piyamo dokona Sisiramoo banya yanda singi dupwape dee banya mena oseme ipyuo penge uliuli dupwape minyuo pyasapala mona nembo apa piramape lao see nayami. Dokopa Sisira baa mena oseme ipyuo penge uliuli dokona peteyamo doko yaki nyepala baa ralo peya.

Josua 10:11

Isaraele wambu dupwame peteta peyaminyi dokopa Amote wambu dupwa lano makando peyaminyipa Kamongome yake dokona piso randake kapa isa peyapala wambu malumee pyao kumakaya. Isaraele wambu dupwame wambu pyao kumakayaminyipape randake kapame kamame wakasa pyao kumakaya.

1 Samyuele 13:18

Lane mende yuu Betorone panya peyami. Dee lane mende yuu liti dokona pao Sepoimi rapu dokope yuu wambu pali nange dokope kando kareyami.

Dutaronome 7:23

Kamongo dokome nakamana nyisu petenge dupwa nyepala nakamana porai dokona kingi rakana palyakapala wambu dupwa pakanyi pyambwaramopa pyao kokwa soo nembarami.

Josua 10:9

Leyamo dokopa Josua dee banya yanda singi dupwape kukwa yuu Gilikale dokona karo yuu Gipione peyami. Papala Amote wambu dupwa rapa rapa pii nayaminyipa nakamame wambu dupwa walu lao piyami.

1 Samyuele 17:1

Pilisitia wambu dupwa yanda pela pena yuu taone Soko yuu Juta singi dokona malu palyuo kareyami. Nakamana pao paleyaminyi yuu angi doo Epese Damimi lenge yuu Sokopa Aseka kanya dokona singi.

2 Samyuele 22:15

Akali mendeme banya nyisu petenge dupwa wanga dupwame pingi dokopa nakama ralo penge doko suu pyao yuu pele piyamo dokopa banya nyisu petenge dupwa wakale wakale pyuo makando peyami.

Jasi 4:16

Sisira baa ralo peyamo dokopa banya ami peparae yuu Arosete Akoimi dokona panya ralo peyami. Peyaminyi dokopa Berekemoo banya yanda singi dupwapeme peteta papala mende nyisa para kando lao pyao malu palyiyami.

Jasi 5:20

Bui dupwa yake dokona pyakando pyuo oko soo peyami. Dopa pyuo peyaminyi dokopa nakama Sisirapa yanda pimwai ingyuo piyami.