Jone 7:39 - Anatunya Buku Baepole Ole Testamene Pii Lapo dee Nuu Tesamene

³⁹ Dopa lao wambu baa kapa ingingi lao suu pyao kareyami dupwame Imambu ene nyerami dokonako palyuo kongwalu pii leya. Anatumi Yesu ene yanga paupau lanyi pyambwapa nayamosa Imambu doko maipa naya.

Jone 7:39 Referans Kwoze

APOSELENA YULU 2:17

Anatu dopa letamo. Yuu gii lumwa piramo dokopa nambana Imambu wambu dupwa peparaena maralyinya lao mokwa soo mairu. Dokopa nakamana wanenge ikinyingipi dupwame nambana pii nolako larami. Nakamana wanyane akali dupwa pii repa repa pyuo kandarami. Nakamana alemo dupwa kombeya pirami.

Joele 2:28

Enakana nambame nambana Imambu wambu dupwa peparaena maralyinya laro. Dokopa nakamana ikinyipi wanenepe dupwame nambana pii boo pyao larami. Nakamana alemo dupwame kombeya pirami. Nakamana wanyane akali dupwa pii repa repa pyuo kandarami.

APOSELENA YULU 2:33

Baa lopo epapala Anatunya kingi rolaerename nyiyamo dokopa Rakangeme Imambu Poo Pyasi nyera lao kaeyamo doko nyiya. Nyepala namwa keta mokwa soo jipyamopa poo lao ipyamosa pilyamo doko kandelyaminyi.

APOSELENA YULU 2:4

Dokopa nakama peparae Imambu Poo Pyasi palyuo simbuya. Simbwapala Imambu dokome renge kuiyuo leyamuli pyuo pii rara wakale leyami.

Jone 16:7

Kondalyaminyako doŋo nakama kinyi langilyu, namba kanjakala parono dokopa nakama elyape keta palirami. Namba kanjakala paa naro ramo doko Nyisingi doko nakama keta epa nara. Paro ramo doko nambame baa nakama keta mapanyi peeyakaro.

Jone 12:16

Pii doko banya disaepole dupwame renge soo gisapa nayami. Soo gisapa nayaminyipape enakana Yesu yake panda peyamo dokopa pii doko Baepolena pyasi paleyamuli pyuo piyamilyamo lao soo manjo nyiyami.

Aisaya 32:15

Dopa piramopape Anatumi banya Imambu doko dee namwa keta mapanyi peyara. Yuu kwaeyo mee soo paramo dupwa amenge pira. Dee ee yuu dupwa nenge jingi angi mupwa dupwa ando palira.

Orome 8:9

Anatunya Imambu nakamana monarena palipyali doko yanengena yulu dupwa moko minyuo pii napala Imambunya yulu pyuo karamili. Yesu Koraisana Imambu doko nakama keta pali naramo kararami ramo doko nakama Koraisana ingya nara.

APOSELENA YULU 2:38

Dokopa Pitame nakama lamaiyuo dopa leya. Nakamame mona enenge palyapala Yesu Koraisana kingi dokona lao nakamana koo dupwa Anatumi nyuo kame sakapyali lao suu pyapala bapitisimo nyelapape. Dokopa nakama Imambu Poo Pyasi jeramo nyerami leya.

Jone 20:22

Baa dopa lapala nakama kando ŋee sepala dopa lamaiya. Imambu Poo Pyasi nyelapape.

Jone 12:23

Dokopa Yesumi pii mende nakama dopa lamaiya. Yuu gii Ikinyingi Akali yanga paupau lara doko pyaka silyamo.

Aisaya 44:3

Nambame yuu oo lasi dokona rombe lanyi pyambwakaro. Yuu kulisa pao yando nasi dupwana ipwa guu lanyi pyakamena lao piru. Dopa pipala nambana porai renge doko nakamana wane wanakepe dupwa keta kulimbwanyi peyaro dee nakamana para pyao paraminyi dupwa elyape keta pisakaro.

Epesasa 4:30

Anatunya Imambu Poo Pyasi lekeleke koo rena lao pii nalapape. Anatumi yuu gii lumwa piramo dokopa nakama kiiramo nyeronya lao kongwalu palyuo Imambu Poo Pyasi maralyinyi pyambuya.

2 Korina 3:8

Imambunya yulu doko kamame yanga paupau lengende epeyali.

APOSELENA YULU 4:31

Nakama dopa lao ateŋa lao oteyaminyi dokopa elyambu pyuo peteyaminyi dokona yuusili minyiya. Dokopa Imambu Poo Pyasi nakama keta palyuo simbuyamosa nakama peparae eŋa pyapala Anatunya pii lao kareyami.

APOSELENA YULU 3:13

Aporakamemoo Aisake Jekope namwana rakange kyawa dupwamoo nakamana Anatu dokomeko banya Yulu Pingi akali Yesu doko yanga paupau lanyi pyambuya. Nakamame Yesu nyepala Pailate maiyaminyipa baame Yesu mokwaro lao suu piyamopape nakamame Pailatena lenge kambu dokona mata maiyami kande.

Jone 17:5

Rakane, isa yuu doko ene wasa nange siyamo dokopa embapa nambapa yanga paupau lao kareyamba dokona suu pyao embena lenge kambu seramo dokona kararonopa embame namba yanga paupau lanyi pyambwape.

Jone 14:13

Nambana kingi lao mende piso serami ramo doko namba pyakaro. Rakanena kingi doko namba keta ketae paramo karara.

Jone 7:12

Dokopa mee wambu dupwame baasa kando mumu mamu lao lapome, Baa akali keyange, leyaminyipa lapome, Daa baame mee wambu dupwa suu longo nyuo karamo, leyami.

Jone 6:14

Yulu andake dopa pyuo lasaka piyamo kandapala dokopa wambu dupwame Anatunya poropeta akali isa yuu dakena epara ingilyamo doko akali dakelamo leyami.

Jone 1:33

Nambame baa apa pyuonde lao soo gisa nayo. Soo gisa nayonopape namba ipwa dokona bapitisimo nyakamila puu leya dokome namba dopa langiya. Imambu doko lupyuo epo akali mende keta kareya kande dokomeko wambu dupwa Imambu Poo Pyasi dokome bapitisimo nyakamyuo karara langiya.

Jone 1:21

Dokopa nakamame piso soo, Dokonako suu pyao emba Ilainjape? leyami. Baame, Namba daa lyakande, leya. Anatunya pii nolako lao epara leyami emba akali dokope? leyami. Baa isingi lao, Daa leya.

Luku 24:49

Doko nambana Rakaneme mende jero lalu lao leya kande doko nakama jero ingilyamo. Renge porai doko nakama ene maralyapa naramopa anda repe repe pyuo karenge dakena yaki nyii napala mee karalapape leya.

Luku 7:16

Dokopa wambu peparae pakame kumuyami. Pakame kumapala Anatu lakando dopa leyami. Anatunya poropeta akali kameya mende namwa petamano dakena sukusa sipurapyalyamo, Anatumi banya wambu dupwa epo nyisapyalyamo leyami.

Luku 3:16

Dokona Joneme nakama peparae isingi lamaiya. Nambame nakama ipwa dokona mee bapitisimo nyakao karo. Ipwa dokona mee bapitisimo nyakao karapunupape Porakai mende nambapa kapa pii narande epelyamo dokona kimbu suu lyolo doko polarono namba kwaeyamo dokome kapa ingya nalyamo. Baame Imambu Poo Pyasi dokopa isarepana nakama bapitisimo nyakara.

Matyu 16:14

Dokopa nakamame lao, Lapome emba Jone bapitisimo nyakamaingi akali doko, lami. Lapome Ilainja lenge, lapome Jeremaya, panda akali Anatunya poropeta akali ingyuo karene lenge, leyami.

Poropepe 1:23

Kopetame pilyaminyi lao pyalana pyuo laro dokopa warombo selapape. Dokopa dopa pyuo role pipa lao nakama pii angi mana langiru.

Jone 14:26

Dopa pirunupape Nyisingi Imambu Poo Pyasi Rakaneme nambana kingi lao mapanyi peeyaramo doko pii peparae mana langyuo pii langilyu dupwa peparae nakama suu pyanyi pyambwakara.

Matyu 21:11

Dokopa wambu malu rukuraka pyuo epeyami dupwame, Dake Anatunya poropeta Yesu yuu Galili yuu Nasarete range doko, leyami.

Jone 8:54

Yesumi isingi lao dopa leya. Namba range lao ketae pyambwapuli nambana pii doko kulisa ingya napyali. Nambana Rakange nakamame Anatu lenge dokomeko namba ketae pyambuo karamo.

Jone 16:14

Baame nambana dupwa nyepala mana langyuo dokome namba keta pyambwarasa pira.

Jone 17:1

Yesumi pii dupwa lapala yake doko kandalyuo kandapala dopa leya. Rakane, yuu gii doko pyaka sipyalyamo. Embame embena Ikinyi ketae pyambwarenepa baame emba ketae pyambwara ingilyamo.

APOSELENA YULU 19:2

Kando nyepala baame nakama dopa lamaiya. Nakama Yesu kapa ingingi lao suu pyao mona maipala dokopa Imambu Poo Pyasi nyiyamipi mee? leya. Leyamo dokopa nakamame lao, Daa, Imambu Poo Pyasinya kingi doko namwame see nange leyami.