Jone 4:7 - Anatunya Buku Baepole Ole Testamene Pii Lapo dee Nuu Tesamene

⁷ Dokopa Samaria enda mende ipwa kamwala epeya. Yesumi baa lamaiyuo, Ipwa narole jii leya.

Jone 4:7 Referans Kwoze

Matyu 10:42

Dee, mendeme wambu kuki karaminyi dupwana mende kando baa Kuriseneŋe lao kandapala pengena ipwa manda renge peteta maira ramo doko baa keta renge keyange yano nyera doko isa panaramo nyera leya Yesumi.

1 Kiŋi 17:10

Dokona lao Ilainja baa yuu Serepate peya. Pao yuu taone dokona kame kambu dokona peyamo dokopa enda waiya doko isa ponale yapo nyuo kareyamo kandeya. Kandapala baame enda doko kando lao, Ipwa kamuo jinya, leya.

Jenesese 24:43

Namba ipwa pete yuwale kyaso retenge mare dokona karo dokopa enda mapwae mende eparamo dokopa nambame ipwa narowale embena pee dokona kamuo jinya lao piso serono dokopa

Jone 4:10

Yesumi isingi dopa lamaiya. Emba Anatumi renge keyange jingi dupwa soo giso apimi ipwa jii letamo lao sipili doko embame baa piso serenepa baame ipwa letena renge palenge lapo jipyali, leya.

Jone 19:28

Enakana Yesumi banya yulu peparae dupwana lumwa pyaamo lao soo gisapala pii pyasi paleyamuli pyuo dopa leya. Namba nano pilyamo leya.

Jenesese 24:17

Dokopa kendemande akali dokome makando pao baa kando nyepala lao, Ipwa lama embena penge dokona naro jinya, leya.

Jone 4:6

Jekopena ipwa kamuo nyingi yuwale dokona siyasa Yesu kata pao makapala yuwale repeta dokona peteya. Andawai korakama ingiyamopa peteya.

Jone 4:8

(Banya disaepole dupwa wambo anda malu palyuo karenge dokona nenge ropo pyala papeyami.)