Jone 20:16 - Anatunya Buku Baepole Ole Testamene Pii Lapo dee Nuu Tesamene

¹⁶ Yesumi baa kando, Maria leya. Leyamopa Maria kapu kyepala Yesu baa kando Ipuru pii lao, Oraponai leya (pii doko Mana Lenge dopale.)

Jone 20:16 Referans Kwoze

Jone 10:3

Baa epelyamosa kambu rapu pingi akali dokome kambu lumbwakamaingi. Sipisipi dupwame banya pii doko sakamilyaminyipa baame banya rangena sipisipi kingi lao gee lao penge.

Jone 1:38

Yesu kapu kyuo nakamba enakana epeyambi doko kandapala nakamba lamaiyuo, Aki kotala epelyambinyi? leya. Dokopa nakambame baa lamaiyuo, Rapae (pii doko Mana Lenge dopakale), emba anja palenge? leyambi.

APOSELENA YULU 10:3

Alemanji neta dambisa penge sere keloke dokopale pii repa repa piyamopa aŋala mende epapala, Koniliasa lao lamaiyamo rolae kandeya.

APOSELENA YULU 9:4

Dokopa baa yuu dokona pao paleya. Palipala pii mende, Sole Sole apa pipyasa embame namba lekeleke ralasi lao pilinyi? leyamo siya.

Jone 6:25

Enakana Yesu pete dumuwangu kareyamo kando nyepala baa lamaiyuo, Rapu Pingi, anjokorape dae ipisi? leyami.

Aisaya 43:1

Isaraele wambu dupwa, nakama wasiyamo Kamongo Anatu dokome lao, Nambame nakama kyawa minyaroŋo paka nalapape, letamo. Nambame nakama kingi leyoŋo. Nakama nambana angingyuo karaminyiŋi.

Jenesese 22:11

Dopa piyamopape Kamongona aŋala mende yake dokona karo, Aporakame, Aporakame, leya. Aporakame isingi lao, Dae karo, leya.

Jone 20:28

Tomasa baame sepala soo neta nemba nao isingi lamaiyuo, Emba nambana Kamongo, nambana Anatuŋu leya.

Jone 13:13

Nakamame namba kando, Namwana Mana Lenge, Kamongo lenge kandale. Namba dopale ingyuo karo dokona kapa rolae letaminyi.

Jone 11:28

Pii dopa lapala pao kakingi Maria elya kalo kee lao dopa lamaiya. Mana Lenge dae epo karapala emba ipu letamo leya.

Jone 5:2

Jerusaleme dokona sipisipi potemo konanda pyuo papingi kambu repeta dokona ipwa pete mende siya. Doko Ipuru pii lao Betesaita lenge. Dokona anda kauwa kingi paki karenge.

Jone 3:2

Kukwa mendepa akali doko Yesu kareyamo dokona epapala dopa lamaiya. Rapu Pingi Anatumi emba puu leyasa mana lao epee doko namwa silyamano. Dokona lao embame yulu andake lasaka pyuo karene dupwa akali mendeme pyuo kararo laramopa Anatumi nyiso kara nara ramo baa pinya saka nara ingilyamo leya.

Jone 1:49

Natanieleme baa lamaiyuo, Rapu Pingi emba Anatunya Ikinyingilyamo emba Isaraele wambu dupwana Kiŋilyamo leya.

Luku 10:41

Dopa leyamo dokopa Kamongo dokome baa isingi lamaiyuo, Mata, Mata, bange malu dupwana suu pyao emba lyakalyaka papipyamosa mona yanyi pyapyamo karene.

Matyu 14:27

Dokopa Yesumi nakama aopa lamaiyuo, Nakama monarena poraiyuo rali pipala paka nalapape. Dake namba ipunu pilyamo. Mona nemba nalapape, leya.

1 Samyuele 3:10

Pao palipiyamo dokopa Anatu epo dokona karapala dee wambo leyamo doko suu pyao, Samyuele, Samyuele, lao kee leya. Dokopa Samyueleme isingi lao, Laa, embena kendemande doko soo palamo, leya.

1 Samyuele 3:6

Pao palipiyamo dokopa Kamongome dee kamba Samyuele lao kee leya. Kamongo dokome yuu mendepape pii lamai nange dokona wane dokome doko Kamongome lalyamo lao soo nyii naya. Dokona lao baa sipurapala Ilai paleyamo dokona papala lao, Embame namba kee lalene doko namba dae epelyo, leya. Leyamopape Ilaime isingi lao, Nambana wane, nambame emba kee laa nalonoŋo. Emba kamba kapu kyuo pali puu, leya.

Ekesetase 33:17

Dokopa Kamongome Mosese lamaiyuo lao, Nambame emba soo giso rae maiyuo pilyu dokona embame piso silinyili pyuo piru, leya.

Ekesetase 3:4

Kamongo Mosese repeta epeyamo doko kandapala Anatumi isare rao kareyamo isako palu sukusa dokona karo kyakale lao, Mosese, Mosese, leya. Dokopa Moseseme isingi lao, Namba dae karo, leya.

Jenesese 45:12

Dee yangonge dupwa kando, Dakepa nakama peparae wane Benjamenemoo nakamana lenge angi dokome kandaminyipa pii langyuo leto, leya.

Jenesese 22:1

Enakana dokopa Anatumi Aporakame makande mende pyuo leya. Dokopa Aporakameme, Namba dae karo, leya.

Make 10:51

Epeyamo dokopa Yesumi baa lamaiya. Nambame emba apa pyakalase lao letene, leya. Dokopa akali lenge kwaenge dokome baa lamaiya. Nambana Rapu Akali embame nambana lenge doko rena lakapili lao leto, leya.