Jone 18:12 - Anatunya Buku Baepole Ole Testamene Pii Lapo dee Nuu Tesamene

¹² Dokopa yanda singi malu epeyaminyi dusipa dusipana mupwa dokomoo Juu wambunya yanda singi dusipapeme Yesu minyarapala puu maiyami.

Jone 18:12 Referans Kwoze

Jone 18:3

Soo karapala baame purisi akali mupwa dupwape Parisi dupwapeme yanda singi lapope yanda singi mupwa mendasipape nyepala lambepe kendapulipi kakupi wua gelape lapo nyuo minyuo pao yuu dokona peyami.

Matyu 26:57

Dokopa Yesu minyareyami dupwame baa lanyuo pao purisi akali mupwa wakasa Kayapasa kareyamo dokona Mawa Pii mana lenge akali dupwape kamongo dupwape epo sukusa sukusa piyaminyipa dokona lanyuo peyami.

APOSELENA YULU 21:37

Dokopa Pole karapusi anda kambu dokona lanyuo peyaminyipa baame pawali pyuo karo dokopa yanda singi mupwa doko lamaiyuo, Emba pii lapo langyuowape mee? leya. Dokopa, Emba Giriki pii lengelyamo.

APOSELENA YULU 21:31

Dopa pyuo nakamame baa pyao kumakalana pyuo kareyaminyi dokopa yanda singi mupwa Orome yanda singi yango rapu pyuo karenge doko Jerusaleme yuu peparae kilyipu kilyipu karo karaminyi lao lamaiyaminyi siya.

Luku 22:54

Dokopa nakamame baa puu maipala lanyuo pao purisi akali mupwa dokona anda dokona peyami. Pita baa nanesale kando enakana epeya.

Make 15:1

Yuu wamba yangama yangama wambena mumwa dokopa purisi mupwa dupwame kamongo dupwape Sekeraepo dupwape wato andake lenge akali dupwa peparaepe role pyao piso wato leyami. Wato lapala Yesu puu maipala lanyuo pao Pailate maiyami.

Make 14:53

Dokopa purisi mupwa wakasa kareyamo dokona lanyuo peyami. Anda dokona purisi akali mupwa dupwape kamongo dupwape Sekeraepo akali dupwape pipya epo sukusa sukusa pyuo peteyami.

Matyu 27:2

Lapala kimbwapala baa lanyuo pao Pailate kyapo mupwa doko keta minya siyami.

Jasi 16:21

Dokopa Pilisitia akali dupwame baa minyarapala nyiyami. Nyepala banya lenge dolapo lukunyi nembeyami. Nembapala nakamame baa lanyuo yuu Gasa dokona lanyuo peyami. Papala puu sane lapome kingi kimbupi dokona puu piyami. Samasone baa yulu pinya lao kana andake lapome nenge witi jingi dupwa lukuo dee pyao inju palawa inginya lao pingi dokona pyuo karapusi anda paleya.

Jenesese 22:9

Nakamba Anatumi yuu lamaiyamo mare dokona epeyambi. Dokopa Aporakame kana pyare lao isa dupwa lambuo laeyo rolae reteya. Retapala banya ikinyingi Aisake puu pyapala kana pyare lasinya isa reteyamo dokona ketae reteya.

APOSELENA YULU 23:10

Dokopa apiyanda marakai mende piyaminyisa yanda singi mupwa dokome nakamame Pole minyuo ipyaramisa pilyaramo lao pakapala, yanda singi dupwa baa sukusa kareyamo dokona pyasekoe lao papala baa nyuo lanyuo nakamana anda dokona pena leya.

Samu 118:27

Kamongo doko Anatu ingyuo karamo baame namwa pipya yulu elyape pipya. Nakamana kingi raka isa yoko lakao minyarami dokome kanda soo yuu andape kalya pyuo kana pyare dokona kenane pyao awali lao pyuo kararami.

Jenesese 40:3

Imbwuapala baame puu maiyuo karapusi anda yanda singi mupwa iso kareyamo dokona Josepe kareyamo dokona pyambuya.

Matyu 27:27

Dokopa kyapo mupwa dokona yanda singi dupwame Yesu kyapona anda andakare lanyuo pao yanda singi yango dupwa peparae epena leyami. Lapala baa nyuo sukusa pyambuyami.

APOSELENA YULU 10:1

Yuu Sisaria dokona akali mende Koniliasa lenge kareya. Baame yanda singi yuu Itali range liti pyuo kareyami dupwa rapu pyuo kareya.