Jone 16:27 - Anatunya Buku Baepole Ole Testamene Pii Lapo dee Nuu Tesamene

²⁷ Nakamame namba mona reto Rakane karamo dokona karo epee lao suu pyao karaminyi dokona Rakane baa rangeme nakama mona reto karamo.

Jone 16:27 Referans Kwoze

Jone 14:21

Mendeme nambana mawa pii soo nyepala suu pyao karamo dokome namba mona retapyamosa pilyamo. Dokona suu pyao mendeme namba mona retaramo doko nambana Rakane dokome baa mona reto kararamopa nambame baa mona reto nolakarono dokopa namba kandara leya.

Jone 14:23

Yesumi baa isingi lamaiyuo, Akali mendeme namba kando mona retara ramo doko nambana pii warombo soo karara. Dokopa nambana Rakangeme baa mona retaramopa baa karara dokona nambwa epo baamoo pipya role pyao palu palirama.

Jone 17:23

Nakama mendaki ingyuo karamili lapala emba namba keta kararenepa namba nakama keta kararo. Dokopa isa wambu dupwame embame namba mapanyi peeyapala namba mona retenge doko suu pyao nakama mona reto kareneko lao soo gisarami.

1 Pita 1:8

Nakama Anatu kanda nayaminyipape mona reto karaminyi. Baa dakepa nee pipyamopa karamo doŋo baa kapa ingingi lao suu pilyaminyi. Nakama dopa pyuo karo monarena rae maingi dokome palyuo pyokondepa pyaramopa dokona kambunya piimi kapa lapa narami.

1 Korina 16:22

Mendeme Kamongo doko mona reta nange dokona baa keta kwao pena. Namwana Kamongo emba ipupi.

Jone 8:42

Yesumi nakama lamaiyuo, Anatu nakamana Rakange ingyapyali dokome namba mona retamili. Dokona lao Anatunya arokwa dokona karo epeyo. Namba rangeme sisu lao epeyonde daa. Baame namba mapanyi peeyamosa epeyo.

1 Jone 4:19

Baame namwa wambo mona reteyamo dokona lao namwame baa mona reto karamano.

2 Korina 5:14

Koraisame isa wambu peparaena lao kumuyamo dokona ingyuo namwa peparae baa role pyao kumuyamasa piya. Renge keyange doko separamanopa banya mona retenge renge dokome namwa kame pyuo minyilyamo.

Jone 16:30

Embame peparae soo gisingilyamo lao mendeme embena pii doko kinyi lyasilisi lao piso sepenge ingyapa nalyamo lao epapu namwa soo kaelyamano. Dokome emba kinyi Anatu karamo dokona karo epeelyamo lao suu pilyamano leyami.

Matyu 10:37

Mendeme namba mona reto karope endangi panda rakange kamame wakasa mona reto karara ramo doko nambana ingyuo kapa kara nara. Dopako pyuo mendeme namba mona reto karope ikinyingi panda wanenge dokona kamame wakasa mona reto karara ramo doko nambana ingyuo kapa kara narako.

Orepalaisane 3:19

Namba wamba mona retenge dupwa pyalana pyuo mana lamaingi doko suu pyao nakama mona kapu kyepala sinyi pyuo karalapape.

Orepalaisane 3:9

Lapome kyambo lao Juu wambuŋu letaminyi dupwa nakamba Juu wambu angi ingya napala Satanena wambu ingyuo petaminyi. Kandalapa. Nakamba nakamana kimbu yukuna dorena pongwa naro petena laronopa nakama nambana arapu dokona karaminyi doko soo gisarami.

Epesasa 6:24

Namwana Kamongo Yesu Koraisa dokona yaki nyii nao mona reto karaminyi wambu keta Anatunya mona palyuo ipingi renge doko palenale lao leto.

1 Timoti 1:15

Pii langilyu dake ama kinyi kinyi palamo. Soo nyepala minyalapape. Koraisa Yesu baa namwana yuu dakena epapala wambu koo pingi dupwana lao lete wai pyao nyeroŋo lao epeya. Wambu doloma yulu koo pyuo kareyaminyipape namba kamame koo ingyuo kareyo.

Galasia 4:4

Dopa piyamanopape yuu gii angi rolae epeya dokopa Anatumi banya Ikinyingi doko epena leya. Baa isa wane ingyuo Juu wambunya Lowa doko moko minyuo pyuo kareya.

1 Korina 15:47

Atame wambo epeyamo doko yuu sinjimu dokome wasiyapya. Atame lapo pyuo epeyamo doko yake dokona piso epeya.

Orome 8:3

Yanenge dokome poraiyuo Lowa kata dokona pira ingya nayamo dokona Anatumi piya. Baame banya Ikinyingi yeelyo pena leyamopa namwana koo yanengena palamo doko nyuo nembeya. Dopa pyuo pena leyamopa Ikinyingi doko mee isa wambu koo dopale ingyuo koo doko nembaroŋo lao epeya.

Jone 7:29

Baame namba mapanyi peeyamo dokona karo epeyo dokome nambame baa kandenge leya.

Jone 3:13

Akali mende yake panda sukusa dokona pulyuo paa nange. Ikinyingi Akali yake panda dokona karo lupyuo epeya dokoko iki penge.

Jone 2:11

Yuu Kena yuu Galili siyamo dokona Yesumi yulu andake doko kanda soo lasaka piya. Dokome banya yanga paupau lenge yulu doko nolakaya. Dokopa banya disaepole dupwame baa kapa ingingilyamo lao suu pyapala mona maiyami.