Jone 15:4 - Anatunya Buku Baepole Ole Testamene Pii Lapo dee Nuu Tesamene

⁴ Nambapa karo paka lakyuo paa nalapape. Dokopa namba nakama keta kararo. Wangya mende marangena sisingi dokona piso ando kara nara ramo doko rangeme sisu lao jingi lyii nara doko suu pyao nakama nambapa pako kara narami ramo doko nakama elyape keta kara narami.

Jone 15:4 Referans Kwoze

1 Jone 2:6

Mendeme Yesunya arapu dokona karo lara ramo doko Yesu pyuo kareyamuli pyuo karapenge ingilyamo.

Jone 8:31

Dokopa Yesumi Juu wambu baa kapa ingingi lao suu pyao kareyami dupwa dopa lamaiya. Nakamame nambana pii kare kare soo soo kararami ramo doko nambana disaepole angingyuo kararamisa pira.

2 Jone 1:9

Mendeme Koraisana pii dupwa yalo parami dupwa Anatupa pakao kapa kara narami. Yesunya pii minyarami dupwa iki Rakange Ikinyingipa pakao kararami.

Jone 6:56

Wambu mendeme nambana yongo dokope nambana ranjama dokope narami ramo dupwa nambana arapu dokona kararaminyipa nambame nakama keta maralyuo kararo.

Pilipai 1:11

Renge rolae keyange dupwa Yesu Koraisa keta iki sipurao epenge dupwa peparae nakama keta palyuo simbwanale leto. Nakama keta palira ramo doko Anatunya kingi ketae pyambuo lakando palirasa pira.

Jone 14:20

Namba Rakanena arapu dokona karelyonopa nakama nambana arapunya karaminyipa namba nakama pipya karo pilyu doko yuu gii mende pyaseramo dokopa nakamame soo gisarami.

Luku 8:15

Waingi lapo yuu keyange dokona pao sepala jingi keyange anda lyiya doko suu pyao wambu lapo pii doko sepala mona dokona karalunji nembo gii lao minyuo karo yulu angi rape rape lao pyuo karenge doko jingi keyange lyingi dopale.

2 Korina 13:5

Nakama Kurisene panda Kurisene angi daa lao range makande pyuo kandalapape. Koraisa Yesu nakamana mona anda palamo doko soo gisilyaminyi. Soo gisa naminde pili doko nakamana Kurisene yulu doko mee ketae pupyali.

Kolosi 2:6

Nakama Koraisa Yesu nakamana Kamongo lao kando nyiyami dokona baapa role pyao karalapape.

Kolosi 1:27

Anatumi banya suu pingi neta renge yalu pisi doko, banya wambupi Juu daa rara wakale dupwape keta nyuo panara lao suu piya. Pii wambo yalu piyamopa see nayami doko Koraisa nakama keta palamo. Dokome Anatunya yanga paupau lenge panda nyerami.

APOSELENA YULU 14:22

Lambuo pao yuu dusipana disaepole dupwa kaeya nao Yesu mona maiyuo karalu karalapape lao, Randa bange malu nao Anatunya isingi panda dokona sukusa parama ingilyamo lao, monarena lao porainyi pyambwapa pyuo papiyambi.

Jone 17:23

Nakama mendaki ingyuo karamili lapala emba namba keta kararenepa namba nakama keta kararo. Dokopa isa wambu dupwame embame namba mapanyi peeyapala namba mona retenge doko suu pyao nakama mona reto kareneko lao soo gisarami.

Osia 14:8

Isaraele wambu dupwa nakamana isa kanapeme wasisi dupwana lao mende piraminde daa. Nambame nakamana ateŋa dupwana isingi yano pyakao nakama rapu pyuo piru. Pipala nambame isa yoko kyako ando karalu karenge dopale ingyuo nakama keta sinyinyi peyakaro. Namba nakamana bange elyape dupwana ipwa ingyuo guu lao karakalyo.

Epesasa 3:17

Anatu kapa ingingi lao suu piyami dokona Koraisa nakamana monarena palyuo yuuli andale lena. Nakamame mona retenge renge dokona pingi pyapala porai ingyaramo kararami.

APOSELENA YULU 11:23

Baa papala dokopa Anatumi nakama pyuo elyape keta piso nyisiya doko kandapala rae maiya. Nakamame Kamongo doko yaki nyii nao baa mona reto karalu kararama lao poraiyuo suu pyaokondali pipala pyuo karalapape, lao waipi lao nakama lamaiyuo kareya.

Kolosi 1:23

Dokona lao nakamana kapa ingingi lao suu pingi doko yake nyii napala poraiyuo karalapape. Yesu epapala keyange pyakara lao waili pii keyange doko yake nyii nao mona kare kare karalapape. Pii doko wambu yuu muu dupwana peparae silyaminyi. Doko namba Poleme pii dokonako kendemande ingyuo lao karo.

1 Tesalonaika 3:5

Dokona lao nambame Timoti pena lamaiyu. Isaro karo mona kendapala nakama porayapala kapa karamipi lao kandala pena leyo. Sataneme nakama makande pyuo neta nyeramopa yulu andake piyama doko mee ingyuo para doko kapa daa lao suu piyama.

Ipuru 10:39

Doko suu pyao namwa wambu kapu kyepala isa pelyaminyi dopale ingya nalyamano doŋo. Namwame Anatu kapa ingingi lao suu pyao karo letena kata pelyamano.

Matyu 12:33

Isa keyange dokome jingi keyangeko lyeramopa isa koo dokome range jingi koowako lyera ingilyamo. Doko suu pyao jingi dupwa kandapala dokopa isa doko apiyakale lao rolo singi kandale.