Jone 15:18 - Anatunya Buku Baepole Ole Testamene Pii Lapo dee Nuu Tesamene

¹⁸ Isa enda akalipimi nakama awa nayami kande dokopa, namba wambo awa nayaminyili pyuowako awa nalyaminyi lao soo nyelapape.

Jone 15:18 Referans Kwoze

1 Jone 3:13

Yangonemoo dokona suu pyao isa yuunya suu pingi wambu dupwame nakama awa nao karaminyi dokona mona nemba nalapape.

Jone 7:7

Isa wambu dupwame nakama kando awa naa narami. Nambame isa wambu dupwame yulu koo pyuo karenge lao karo dokona namba awa nao karaminyi.

Jone 3:20

Wambu yulu koo pingi dupwa peparaeme yanga paupau lenge doko awa napala nakamana yulu koo dupwa nolako see nana lao yanga paupau lenge dokona epa nange.

Make 13:13

Dokopa namba reke lao wambu dupwa peparaeme nakama awa narami. Randa koo napala kaeya nao pyuo karalu kararami dupwa Anatumi lete wai pyao nyera, leya.

Luku 6:22

Ikinyingi Akali dokona reke lao karaminyi lapala wambu lapome nakama kando yulu koo pilyaminyi lao nakama awa nao mata joo kilya kando larami dokopa rae maiyuo parami.

Matyu 10:22

Wambu peparaeme nambana kingi reke lao kararami dokona nakama awa narami. Dopa piraminyipape mendeme mee randako nao kaeya nao pyuo karo otaramo doko baa Anatumi nyiso pyuo nyera.

1 Jone 3:1

Rakange Anatu namwa renge kuiyuo mona reteyamo dokome namwa banya wane wanakepe leya dokona suu pyaokondali pipwape. Namwa mee dopa rapisa lao wane wanakepe laa nange. Namwa banya wane wanakepe angingyuo karamano. Dokona isa yuunya suu pingi wambu dupwame Anatu apa pyuondeme pyuo karamo lao soo pakana palya nayami doko suu pyao namwa apa pyuondeme pyuo karaminyi lao soo pakana palya nalyaminyiko.

Matyu 5:11

Nakama nambana wambu ingyuo kararaminyisa akali lapome nakama kilya kandalya kandana pyuo lao lekeleke ralamisi lao nakama yulu koo wakale wakale malu pingiŋi lao kyambo leyami kande dokopa nakama keta renge keyange paliramo kararami.

Jemesa 4:4

Nakama Anatu dokona waiya lao rekya lao pelyaminyi. Lapome isa bangena mona mairami dupwa Anatu yanda pimwai ingyuo rekya lao kararami doko see nalyamisi? Yanengena bange dupwa mona nyuo pisarami ramo doko Anatunya nyisu petenge ingyuo parami.

Ipuru 12:2

Yesumi namwana Kurisene kata doko wapwakapala namwa dokonako lanyuo puu para doko baa kandaro soo monale. Baame isa mamando nyerolyamo lapala kaeyande daa. Enakana rae maiyuo kararo lao suu pyapala baa elya napala isa mamando dokona mona kuki palyuo peya. Dopa pyuo piyamopa Anatumi baa nyuo ketae pyambwapala banya kingi rolae dorena pisapyamopa epapu petamo.

1 Kiŋi 22:8

Dokopa Ayapeme isingi lao, Imilana ikinyingi poropeta Maekaya karamo. Karapyamopape baame namba rengya mende pira lao keyange dokona langya napala yuu peparae koo dupwanako langingi dokona nambame baa awa nalyo, leya. Jiosapatame isingi lao, Emba dopa laa nare ingilyamo, leya.

1 Jone 3:3

Wambu mendeme Yesu kandapuli lao suu pyara ramo suu pingi doko monarename range pyuo poo pyarasa pira. Yesu poo pyasi karenge doko suu pyao poo pyasi kararasa pira.

Aisaya 53:3

Namwame baa epe kanda nale nale lapala baa mata maiyuo kareyama. Baame randa dupwa epeyamopa yasu nao rando kareya. Dopa pyuo kareyamopa mendeme baa kandalana suu pyaa nayami. namwame baa mende daaŋa lao suu piyama.

Matyu 24:9

Dokona lao yuu gii enakana dokopa akali dupwame nakama randa andake dokona nyuo minya sepala pyao kumakarami. Dokopa rara wakale wakale dupwame nakamame nambana kingi lao kararaminyi dokona kando awa narami.

Aisaya 49:7

Akali mende baa kando yuu liti wakale wakale range dupwame kilya kando awa nao karaminyi doko randa nao karo baa isingi akali mupwana kendemande yulu pyakamyuo karenge akali doko kando Isaraele wambunya Anatu poo pyasi lete wai pyao nyingi dokome dopa pira, letamo. Kiŋi dupwame emba kiiramo epare kandapala nakamame sipurapala rape rape lao kararami. Dee kiŋinya wane dupwame emba kandapala isa pangu soo embena kingi ketae pyambuo lakandarami, lamailyamo. Dopa pyuo para renge doko Kamongo dokome banya kendemande akali doko rombo palyiya. Isaraele wambunya Anatu poo pyasi doko banya pii lalu lao lapala kaeya nange

Jone 16:1

Nakama suu longo paa nalapape lao pii dusipa peparae langyalono.

Jone 16:33

Nambana arapu dokona kararami dokome nakama mona kui lao sinya lapala pii doko langyalono. Yuu dakena karo randa narami. Nambame isa yuu dake anamasi minyuo karo doko kandapala mona kuki palyuo karalapape, leya.

APOSELENA YULU 14:22

Lambuo pao yuu dusipana disaepole dupwa kaeya nao Yesu mona maiyuo karalu karalapape lao, Randa bange malu nao Anatunya isingi panda dokona sukusa parama ingilyamo lao, monarena lao porainyi pyambwapa pyuo papiyambi.