Jone 1:9 - Anatunya Buku Baepole Ole Testamene Pii Lapo dee Nuu Tesamene

⁹ Yanga paupau lenge angi wambu peparaena suu pingi dokona yanga paupau lanyi peenge doko isa yuu dakena epo kareya.

Jone 1:9 Referans Kwoze

Jone 12:46

Mendalimi namba kapa ingingi lao suu pyao karara doko iminjingi dokona pisu piso pisa nana lapala namba yanga paupau lao isa yuu dakena epeyo.

1 Jone 2:8

Lowa doko wambarae ingyapyamopape enenge ingyuo silyamo doko pyao langilyu. Pii renge kinyi doko Yesu keta maralyuo siya. Mendaki dokoko dakepa nakama keta silyamo. Dokonako ingyuo iminjingi doko pyai nala nala pupyamopa epapu yanga paupau lenge angi doko panelyamo.

Jone 1:4

Baa letena renge doko renge kuiyuo kareya. Letena renge doko isa wambu keta yanga paupau lanyi peeyakamiya.

Aisaya 49:6

Kamongome namba langyuo, Nambana kendemande akali doko emba yulu andake mende retakapunu silyamo. Embame Isaraele wambu kyawa lete nyisi karaminyi dupwa iki keyange ingyuo palyuo karalu karena lao piriŋi lao laa nalyo. Dopa piramopape wambu rara peparaena lambe mendeke ingyuo karalase lao lao rombo palyaro. Dokona lao yuu muu peparaena wambu nambana lete penge kata lasaka pirami ingilyamo.

Jone 1:7

Baa yanga paupau lenge dokona waili pii lao akali peparaeme pii doko kinyilyamo lao suu pyapala mona mainyale lao karala epeya.

1 Jone 5:20

Anatu kinyinya renge renge kuiyuo lao karamo doko apa pyuo namwame serama lao saka nayamano dokona Anatunya Ikinyingi epapala mana langiyamo dokona epapu silyamano. Dokona lao kinyi renge kuiyuo lao karamo doko baapa banya Ikinyingi Yesu Koraisa dokopana arapu dokona petamano. Anatu doko kinyi karenge. Kyakana renge kulisa palu palenge doko kinyi.

Jone 14:6

Yesumi baa lamaiyuo, Namba kata angi dokope kinyinya renge dokope letena renge dokope karo. Mendali namba keta epa nara ramo doko Anatu karamo dokona kando nyii nara.

Jone 6:32

Dokopa Yesumi nakama dopa lamaiya. Kinyi kinyi langilyu, Moseseme borete yake panda rae doko nakama angi ingyuo jiyande daa. Nambana Rakangeme borete angi yake panda rae angi ingyuo joo karenge.

1 Jone 1:8

Namwa koo pali nange larama ramo doko monarena kinyinya renge doko pali naramopa namwa ukiaki minyuo suu pyapala laramasa pira.

Aisaya 8:20

Embame wambu dopale dupwana pii yano pyakamyuo dopa lamairi. Nakama Kamongo Anatumi aki mende mana langyalyamo lao kale yuku selapape. Ropakape pipu lengepe dupwa kale yuku sakami nalapape. Dopale langilyaminyi dokome nakama uki minyara ingilyamo.

Jone 15:1

Namba isa girapo marange angingyuo karelyonopa Rakange doko wangya dupwa pyakepanyi nembo elya pingi ingyuo karenge.

Jone 7:12

Dokopa mee wambu dupwame baasa kando mumu mamu lao lapome, Baa akali keyange, leyaminyipa lapome, Daa baame mee wambu dupwa suu longo nyuo karamo, leyami.

Matyu 6:23

Embena lenge doko kwaera ramo doko embena yanenge peparae isa sulusulu ingyaramo karare dokome lenge emba keta yangarali doko kaepala iminjara ramo doko ama iminjalu iminjo iminjara.

Luku 11:36

Embena yongo peparae yanga paupau laramopa dokome kuki lamape iminja nara ramo doko lambe keyange rao dokopa yanenge peparaena yanganyi peenge dopale ingyuo paresa pira leya.