Jona 4:9 - Anatunya Buku Baepole Ole Testamene Pii Lapo dee Nuu Tesamene

⁹ Dopa leyamopape Anatumi baa lamaiyuo, Isa wai dokona lao imbuo karene doko kapase? leya. Leyamo dokopa Joname lao, Kinyi, dokona namba imbwualyo. Imbu arorome manjo kumaro, leya.

Jona 4:9 Referans Kwoze

Jopo 5:2

Wambu dupwame emba keta kapa pii nalyaminyi lao suu pyanyi pyano karo kumare ramo doko suu pingi pali nao kopyali ingyuo pirisa pira.

Jasi 16:16

Lapala enda baame yuu peparae poraiyuo kaeyo piso siyamosa akali baame pii doko soo makapala kumarolyamo lao suu piya.

Orepalaisane 9:6

Kana kingi paki dusipana akalimi kumalana kame kungi pyao kararaminyipa kumarami kata mende see nara ingiya.

2 Korina 7:10

Namwa mona kendo kararama dokopa Anatu nyisaramopa mona kapu kyepala lete penge kata dokona rae maiyuo parama. Dopa piramanopape wambunya mona kendange renge dokome kumungi renge minyuo epenge.

Matyu 26:38

Dokopa baame nakama lamaiyuo, Namba monarename randame kumulyu. Nambamoo lenge rao karamanale, leya.

Jona 4:1

Dopa piyamosa Jona baa rae mai napala wakasa imbumi kumuya.

Jona 4:8

Dokopa dee Anatumi neta epenge kata dorena porambaiye isasa pingi mende minyiyasa Jonana ayemba doko netame rao makyapala lenge doko malawai lapala kumasi selana piya. Dopa piyamopa namba lete kararo doko kapako dokoŋo kumaro doko iki kapa lao suu pilyu, leya.

Jona 4:10

Dokopa Kamongome Jona dopa lamaiya, Isa wai dake kukwa yuu gii mendaki ando karapala dee kukwa kyapwapyamo dokopa embame andena lao napinyipape isa wai kuki dakena emba mee kondalene.

1 Kiŋi 21:4

Ayape baa Napoteme pii lamaiyamo doko sepala ama mona kendo dee imbumi kumuo anda peya. Papala nenge naa nao banya luu palenge rate dokona papala lenge kambu apya dorena pyambwapala palyuo siya.