Joele 2:1 - Anatunya Buku Baepole Ole Testamene Pii Lapo dee Nuu Tesamene

¹ Anatunya yuu kyau yapasi Sayone dokona wambu dupwa kamenge karasarami byara pyalapape. Kamongona yuu gii doko repeta epara dokona Juta wambu dupwa peparae pakame kumuo walu walu lalapape.

Joele 2:1 Referans Kwoze

1 Pita 4:7

Yuu lumwa pira doko repe ingilyamo dokona emba range kame pyuo minyuo mona paliramopa karo ateŋa lalapape.

Joele 2:15

Yuu kyau Sayone dokona byara pyao dokopa wambu dupwa nenge wasaka pyuo nyuo malu palyuo epena lamailapape.

Joele 1:15

Kamongona yuu gii doko repeta epelyamo. Eparamo dokopa Anatu Porai Wakasa dokome pyao kokwa sinya lao randa andake jera. Yuu gii dokona paka renge wakasa epara.

Joele 3:17

Dokopa Isaraele wambu dupwame namba nakamana Kamongo Anatulyamo lao soo nyerami. Yuu kyau yapasi Sayone lenge dokona namba palenge. Dokopa yuu taone Jerusaleme doko poo pyasi ingyuo andake seramopa wambu rara wakale dupwame kamba nyuo isa palya narami.

Malakae 4:1

Selapape, wambu koo pingipi range mupwa lao suu pingipi dupwa isako yando yau renge dopale ingyuo rao kararami yuu gii doko epelyamo. Kamongo Porai Wakasa dokome lao, Yuu gii dokopa nakama rao otaraminyipa mendepe nakama pyarepala paa nara, leya.

Aisaya 66:2

Namba rangena kingi dokome yuu muu peparae pyuo wasiyu. Wambu lapome namba iki mupwa lao suu pyao pako warombo soo nakamana koo dupwa polo lao yaki nyepala inyimungu karenge dupwa kando namba epe soo karenge, letamo.

1 Tesalonaika 5:2

Yuu gii Kamongo Yesu eparamo doko waa nyingi akali kamenge walu lao kukwama epenge dopale ingyuo epara doko nakama angi soo gisilyaminyi.

Emosa 3:6

Wambu pyala epenge dupwame yuu taone mendena karo yanda pingi byara pyarami dokopa wambu dupwa paka naramisi? Yuu taone andake mendena pundu sipuro randa andake sipyali doko Kamongome peya napyali doko ipyalisi?

Osia 5:8

Yanda pirama lao bikuli lenge dupwa yuu Gipiya dokona poo lalapape. Yuu Orama dokona randa epelyamo lao repe repe lamaipwape. Lamaipala yuu Betele dokona yuwa pisalapape. Benjamenena akali dupwa yanda dokona pupwa.

Jemesa 5:8

Suu pyapala maka nao pyuo karalapape. Kamongo repetale eparamopa keyange keta palyara doko suu pyapala mona anda porayapala kaeya nao pyuo karalapape.

Pilipai 2:12

Nambana puu minyingi dupwa yuu peparae namba nakama pipya role pyao kareyonopa nakama warombo siyami kande. Doko suu pyao epapu dakepa namba nakama pipya kara nalyamano doŋo nambana pii warombo serami ramo doko ama keyange wakasa ingyara. Neta pasaramaŋa lao pakame kumuo walu walu lao Anatunya Imambunya yulu dokona pyuoko karalapape.

Emosa 8:2

Kamongo dokome namba langyuo, Emosa emba aki bange kandelese? leya. Nambame isingi lao, Isa jingi pisiki minyasi mendena sipyasa kandelyo, leyo. Dokopa Kamongo dokome namba pii langyuo dopa leya. Isaraele wambu dupwa randa nyerami yuu gii doko epelyamo. Nambame Isaraele range wambu dupwa randa mairu. Dokona nambana suu pingi dee alowa pii nalu nao naro.

Isikiolo 33:3

Baame yanda pimwai dupwa repeta eparaminyi kandapala epelyaminyi lao lyakai pyuo bikuli pii lao wambu dupwa lamaira.

Daniele 9:20

Nambame nambana Kamongo Anatu doko kando ateŋa lao nambana Isaraele wambu dupwana koo dupwa polo lakamyuo dee nambana koo dupwa polo lamaiyuo banya tembole anda poo pyasi doko karengenyili pyuo kamba elya pinya lao piso sokondali piyu.

Daniele 9:16

Wamba dokopa emba namwa pipya pyamalyuo nyiso karenge. Dokona lao Jerusaleme pipya imbuo karalu kara napipi. Jerusaleme embena yuu taone doko. Dee embena yuu kyau poo pyasi. Namwana koo dupwanape dee namwana rora ambasu dupwana yulu koo piyaminyi dokona wambu yuu liti wakale wakale maki palenge dupwa peparaeme namwa kilya kandelyaminyi.

Daniele 6:26

Nambame mawa pii dake reto lalu lao leto. Yuu muu nambame isingi dupwana wambu peparaeme Danielena Anatu doko mupwa lao suu pyao pakame kumuo rape rape lao laramuli pyuo kararami ingilyamo. Baa Anatu lete karalu karenge. Dee baame iso karo puu para. Banya kiŋi yulu doko kamame kokwa see narami. Dee banya porainya renge doko kamame ote pii nara.

Isikiolo 33:6

Dopa piramopape iso karenge akali dokome yanda pimwa eparami doko kandapala epelyaminyi lao bikuli pii laa naramopa koo pingi wambu dupwa pyao kumkarami ramo dokopa iso karenge akali dokopa nambapa pii palira.

Samu 87:1

Yuu kyau poo pyasi dokona Kamongome banya yuu taone andake wasiya.

1 Korina 14:8

Akali yanda pyala panya kyakale eŋa nembo laa nara ramo doko apa pyuo sepala rapa rapa pyuo yanda pyala paramisi?

Orepalaisane 6:17

Imbu singi neta nyingi yuu gii doko pyaka soo kaelyamo dokopa api mendeme kapa poraiyuo kararase? leyaminyi siyu.

Ekesetase 10:14

Dopa pyuo bii lao epo yuu liti dokona simbuyami. Wamba yuu mendepape aimbu yanda kambu dopale mende epelyamo kanda nange dee rengya dopa pyuo malu eparamo kanda naramiliko ingyuo kaiya karo epeya.

Joele 2:11

Kamongo dokome yuu gala lele lao banya ami akali dupwa dopa pinya dapa pinya lao pii poraiyuo lamaira. Yanda singi banya pii warombo singi dupwa ama malu mee dupwa porai wakasako. Kamongona yuu gii doko koo mangepe nao randa nyuo epara dokona api mendeme paka nao mona porayapala kararase?

Joele 2:31

Neta doko iminjo rali pyuo kana doko ranjama ingyuo pira. Wambo dopa piparamo dokopa enakana Kamongona yuu gii koo randa doko pyaka sera.

Joele 3:14

Wambu taosande malu dupwa yuu pau lama kote lara dokona karaminyi. Yuu dokona Kamongona yuu gii doko repeta epara.

Emosa 5:18

Kamongona yuu gii doko ipyali yaka lao isilyaminyi dupwa kondo adake. Yuu gii dokome bange keyange aki mende minyakao eparase? Yuu gii dokome nakama iminjingi dokome yambe pyara. Yangaramo pisa narami.