Joele 1:7 - Anatunya Buku Baepole Ole Testamene Pii Lapo dee Nuu Tesamene

⁷ Nakamame namwana isa girapo marange dupwa kokwa simi dee namwana piki isa dupwa nao rango pyanyi nembami. Dopa pyuo isa yanenge nao rekya lao nembaminyisa wangya dupwa kuli kewa lasi karaminyi.

Joele 1:7 Referans Kwoze

Emosa 4:9

Nambame poo rambaya rakusi renge mende ee jingi dupwa rakusi rena lao peyo. Aimbu dupwame nakamana girapo eepe isa pikipi isa olipi dupwa nao lembeke nyinyi reteyaminyipape nakamame namba keta kapu kyuo epa nayami.

Aisaya 5:6

Ranome ando girapo anamasi minyinya laro lao dokopa pyakepanyi nembo yuu kapu kyuo pii naro. Dopa pingi kandale doko suu pyao nepereke ikyaikyape pulyinya lao piru. Namba kopa dokome apu kata mai nana lao lamairu.

Joele 1:12

Girapo isape piki isape dupwa kumalana kuliya. Jingi lyuo nenge isa dupwa peparae kumapala yando nao karaminyi. Dopa pipala wambu dupwana rae maingi renge dupwa inyimungu rali pipya.

Apakuku 3:17

Isa piki dupwa jingi lyii naramopape dee isa girapo jingi dupwa lyii naramopape dee isa olipi dupwana jingi lyii naramopape dee ee dupwa jingi lyuo pii naramopape dee sipisipi dupwa peparae kumuo otaraminyipape dee bulamakao karenge panda dupwa apa seramopape

Osia 2:12

Nembapala dokopa banya mona retenge akali dupwame yulu pyakape lao isa girapope isa pikipi dupwa jiyamiko letamo dupwa nambame pyao kokwa sinyi nembaro. Nambame enda banya isa girapope dee isape dupwa yuu ketange pyasi inginyi nembaronopa mena rae lenge dupwa nao kokwa sinyi nembarami.

Samu 105:33

Baame nakamana isa girapope piki isape peparae kokwa sinyi nembeya. Isa dupwa peparae pyao roo pyalya pyana pinyi nembeya.

Ekesetase 10:15

Yuu sero kareyasa yuu dupwa kandalana saka nayami. Nakamame yuu dokona nenge isa yokope dupwa randake kapame pyao maleyamo dupwa kamame nao yuu rokwa leyami. Dopa pyuo nao dokopa isa jingi isana lyiyamo dupwa opetae neyami. Isa yoko nenge mendepe yuu Isipi dokona kyakao siyamo kanda nayami.

Ekesetase 10:14

Dopa pyuo bii lao epo yuu liti dokona simbuyami. Wamba yuu mendepape aimbu yanda kambu dopale mende epelyamo kanda nange dee rengya dopa pyuo malu eparamo kanda naramiliko ingyuo kaiya karo epeya.

Aisaya 32:12

Nakamana ee yuupi amenge pingi dupwa dee isa girapo eepe paleta kokwa soo pao ikyaikya neperekepe nambana wambunya yuu dokona andelyamo dokona nakama kondome kumuo kyangali kingi rangome pyao pyao pyuo karalapape.

Malakae 3:11

Nakamana ee jingi dupwa kau kuki dupwame nao kwaena laa naronopa nakamana isa girapo marange dokona jingi malu mee lyera.