Jeremaya 9:24 - Anatunya Buku Baepole Ole Testamene Pii Lapo dee Nuu Tesamene

²⁴ Mendeme range lakandalana suu pyara ramo doko baame namba Kamongo doko soo nyuo soo giso pilyamo dokona lakandara. Renge dokona nambame wambu mona retenge doko reto puu penge. Dopako pyuo nambame pii pali nana lao yulu rolae dupwa kapa pyuo puu penge. Renge dolapome namba rae mainyi pyambungi, Kamongo dokome letamo.

Jeremaya 9:24 Referans Kwoze

2 Korina 10:17

Baepole lao dokopa, Akali mendeme sipurapala lakandalana suu pyara ramo doko Kamongome yulu piyamo dupwa iki lakandena letamo.

Galasia 6:14

Nambame namwana Kamongo Yesu Koraisana isa mamandona iki lao enokwanyi nembo laro ingilyamo. Yesunya isa mamando dokome isa yuunya suu pingi nambana mona dokona siyamo doko kumasinyi nembeya. Wambunya lenge kambu dokona yuunya yulu dupwa namba keta lenge rao see nalyamo.

1 Korina 1:31

Dokona lao Anatunya pii poo pyasi letamuli pyuo mendeme lakandalana suu pyara ramo doko Kamongome yulu piyamo dokoko lakandapenge ingilyamo.

Maeka 6:8

Kamongome keyange doko anjuku lao langipya kandapi. Dokona nakama keta yulu pimili lao suu pilyamo doko dakeŋe selapape. Yulu rolae yapasi dupwa pyuo nakamana mona retalu reto retenge doko lasaka pyuo nakamana Kamongo dokona inyimungu rape rape lao karo pirami.

Maeka 7:18

Kamongo emba yale anatu mende kara nalyaminyi. Embena wambu mee kumapa nao lete karaminyi dusipana koo dupwa nyuo kame sakamilini. Emba mee imbuo karalu kara napala embena mona retalu reto retenge renge doko namwa keta lasaka pingi.

1 Jone 5:20

Anatu kinyinya renge renge kuiyuo lao karamo doko apa pyuo namwame serama lao saka nayamano dokona Anatunya Ikinyingi epapala mana langiyamo dokona epapu silyamano. Dokona lao kinyi renge kuiyuo lao karamo doko baapa banya Ikinyingi Yesu Koraisa dokopana arapu dokona petamano. Anatu doko kinyi karenge. Kyakana renge kulisa palu palenge doko kinyi.

Jone 17:3

Isa wambumi emba Anatu angi karenge dokome Yesu Koraisa mapanyi pee doko kando serami doko kyakana renge kulisa doko nakama keta palira.

Samu 51:1

Anatu yuu peparae kaeya nao mona reto puu penge dokona embame namba kando sakame kumuo karape. Embame namba sakame kumulini dokona nambanakoo dupwa kwuanyi nembakare.

Samu 91:14

Anatumi lao dokopa nambame namba mona retarami dupwa nyiso dee namba Kamongo doko karene lao soo karaminyi dupwa kyawa lete nyero, letamo.

1 Samyuele 15:22

Kamongo dokome angi anjuku keyange lao suu pilyase? Samyueleme leya. Warombo singi dokope panda bange kiso maingi doko rolaese? Warombo soo pingi doko mupwa. Mee mena sipisipi kiso maingi doko mupwa daa.

2 Korina 4:6

Anatumi pii dake lao dokopa, Iminjingi dokona yango rale pira lao Anatu mendaki dokome banya yanga paupau lenge namwana monarena dokona rao karena leya. Dopa pyuo rao karena leyamo dokopa Anatunya yanga paupau lenge Koraisana lenge kambunya nyiya doko soo gisarama lao namwa keta langyuo jiya.

Aisaya 41:16

Dopa pipala pyao yake dulunya nembaraminyipa porambaiyeme soo pao kopa apupi dokona raeyara. Dokopa namba nakamana Anatu dokona nakama rae mairami. Nakamame namba Isaraele wambunya Anatu poo pyasi doko lakandarami ingilyamo.

Orome 5:11

Doko iki daa. Namwana Kamongo Yesu Koraisame Anatupa namwa nyuo puu minyinyi pyambuya dokona Yesu keta Anatu kando raeme kumuo lakandelyamano.

Aisaya 61:8

Kamongo dokome lao, Namba kyai rolaepena anjuku lao lao rolenge yulu mona nyepala wambu randa maingi yulupi yulu kopetame pingipi epe kanda nange. Nambame nambana wambu dupwa yaki nyii nao nakama kingi kiso maiyuo nakama pipya kana minyuo lalu lao lenge pii ingyuo laro.

Luku 10:22

Rakane dokome peparae dupwa namba keta sinya lao jiya. Dokona suu pyao wambu mendeme Ikinyingi doko apiyakalende karamo lao see nalyaminyi. Rakane baa iki soo karamo. Dee isa wambu mendeme Rakane baa apiyakalende karamo lao see nalyaminyiko. Ikinyingi baa iki sepala wambu baa suu pyaramuli pyuo polo lamairamo dupwa opetae silyaminyi leya.

Matyu 11:27

Nambana Rakaneme bange peparae namba keta palena lao joo kaeya. Mendeme Ikinyingi doko soo gisa nange, Rakange baame iki soo gisingi. Dee wambu mendeme Rakange doko soo gisa nange, Ikinyingi dokome baa iki soo gisingi. Dee Ikinyingimi Rakange doko lasaka piramopa wambu lapo seramioko.

Pilipai 3:3

Anatunya Imambu namwa nyisilyamopa Anatu dokona mona kando kingi lenge. Namwa Koraisa Yesunya arapu dokona karapala rae mailyamano. Dokona lao yanenge kolomasi angingyuo peyama. Doko nakama daa. Namwa yanengena yulu ketae iki suu pyaa nalyamano.

Aisaya 45:25

Namba Kamongo dokome Jekopena para pyasi dupwa peparae kiiramo nyeronopa nakamame namba lakando kararami.

Samu 34:2

Baame yulu piyamo dupwana suu pyapala lakandaro. Randa nyuo koo keta palaminyi dupwa sepala rae maiyuo parami.

Samu 34:3

Kamongo baa wakasa ingyuo karamo lao namba lamailyu dokona lamaiyuo banya kingi doko role pyao lakandamanale.