Jeremaya 38:22 - Anatunya Buku Baepole Ole Testamene Pii Lapo dee Nuu Tesamene

²² Nambame dokona kandapunu Juta enda dokopa kiŋinya anda dokona pisimi dupwa Bapilone kiŋi dokona akali mupwa dupwa karami dokona lanyuo pumi. Dokona nakama pao karo dokopa apa lami lao sepe. Nakamame dopa lao pumi. Kiŋi dupwana puu minyingi angi dupwame baa minyoko pyuo kata koona lanyuo pumi Dokopa nakamame baa isa palyimi. Banya kimbu dolapo warana yalyipyamopa banya puu minyingi dupwame baa yaki nyimi lao puminyi sipu leya.

Jeremaya 38:22 Referans Kwoze

Maeka 7:5

Embena anda maki palenge dokope embena puu minyingi dokomepe pii langirami dupwa angi lapo langilyaminyi lao suu pyaa napipi. Dee kamame embena etene dokope kandokondali pyuo pii waso lamaipi.

Jeremaya 38:19

Leyamo dokopa kiŋi Setekayame isingi lao, Namwana Juu akali lapo Bapilone range ingyuo karaminyi dupwa namba pakalyo. Dokona nakamana kingi rakana palyara ramo dokopa nakamame randa jerami, leya.

Jeremaya 20:10

Namba sipunu dokopa wambu peparaeme isa isa paeyo lao, Yuu peparaena paka renge dokonako maipilyamoŋo, letaminyi. Gapomane akali dupwa banya lao lamaimanale. Dopako pyuo nambana puu minyingi angi dupwame namba koo keta palepe lao kandaro karaminyi. Nakamame lao, Mendeme baa alyikilyi pyuo nyuo iso kota nembara dokopa namwame baa minyarapala moŋo mairama, letaminyi.

Aisaya 42:17

Wambu lapo mee bange anatu dupwa mona maiyuo dee isa kanapeme anatu yale ingyuo wasapala nakamana anatuŋu letaminyi dupwape peparae isale ingyuo karo elya renge nyerami.

Samu 69:14

Ipwa injunya yalyilyu dokona nyisape. Nambana yanda pimwai dee ipwa andake dolapona nenge rekya lao nyepe.

Samu 69:2

Namba ipwa inju mendena nyuo yalu pilyamo. Yuu porai mende see nalyamo. Namba ipwa kota ama yalu mendenakaro. Ipwa kota kasakole minyuo ipwa dokome namba oo nyuo napalana pilyamo.

Jeremaya 38:21

Emba Bapilone ami akali dupwa waiku nyinya lao kumuo maiyuo kaeya nare ramo dokopa Kamongo dokome mende piramo doko namba pii repa repa pyuo lasaka pipya leyo.