Jeremaya 37:21 - Anatunya Buku Baepole Ole Testamene Pii Lapo dee Nuu Tesamene

²¹ Dokona lao kiŋi Setekayame namba kiŋinya yanda singi panda dokona pao karapala kii palyinya leyamo kareyo dokopa nenge borete kiso wasingi anda dokona kunjasi mendaki larapu yuu gii mendakinya lao joo kareyaminyi pao yuu taone dokona nenge borete dupwa oteya.

Jeremaya 37:21 Referans Kwoze

Jeremaya 38:28

Dokopa namba kiŋi dokona yanda singinya panda dokona karapusi kareyonopa Jerusaleme pyao epo anamasi minyiyami.

Jeremaya 38:13

Dokopa nakamame namba yuu paleta ipyuo nyiyaminyisa namba yuwale dokona nyisa epeyo. Epapala kiŋinya yanda singi panda dokona kareyo.

Jeremaya 52:6

Dokopa yuu gii mange mendaki karo kana kisima dokona ee kana mendaki dokonako lopo ama kopetame siyamosa wambu dupwa mende narami ingya naya.

Jeremaya 38:9

Emba kiŋi andake doko, akali dapwame mende piminyi doko ama kopetame pimi. Doko yuu taone dakena nenge mendepe see napya dokome nakamame akali Jeremaya doko lopome kumapala kumaraŋa lao soo yuwale dokona pyambwami, leya.

Aisaya 33:16

Dopale karaminyi dokome yuu kyau dokona anda porai karenge dopale ingyuo au pyuo kararami dokopa nakamana yuu dokona nenge ipwape seramuli pyuo nao palu karalu kararami ingilyamo.

2 Kiŋi 25:3

Ee kana mendaki dokonako pao kana kisimana yuu gii mange mendaki karo dokopa ama lopo andake kopetame siyamopa wambu dupwa nenge mende pyarepala paramo narami ingya naya.

Jopo 5:20

Lopo singi dokopa emba nenge joo karenge. Yanda sipurelyamo dokopa emba pyaa nana lao kyawa minyuo karenge.

2 Timoti 2:9

Namba waili pii keyange lapunu dokona lao randa nyipunupa wambu pingi akali dopale ingyuo puu saneme kiimbwaminyi karo. Dopa piminyipape Anatunya pii doko puu maiyuo retarami ingya nalyamo.

2 Timoti 1:8

Namwana Kamongo dokona pii polo lalana elya nao dee namba banya ingyuo karapusi palo dokona lapala elya nyii napipiyoko. Dopa pyuo Anatu emba porainyi pyambwaramopa waili pii keyange dokona lao randa emba keta eparamo epena rao laoko karape.

Epesasa 6:20

Dokonako ingyuo namba waili pii lenge akali dokona puu maiminyi karo. Nakama ateŋa lakarami dokopa namba eŋa nembo mona kumapala lao karapili lao lalapape.

Epesasa 4:1

Namba Kamongona kingi reke lao puu maisi akali ingyuo karo dokome Anatu nakama kee leyamo dokona suu pyao keyange pyuo karalapape lao poraiyuo leto.

APOSELENA YULU 28:30

Dokopa baa anda mendena palipala anda range akali dokona kana ropo pyapapu palyuo karo pyuo karo ee kana lama nyuo nembeya. Dokopa baa peteyamo dokona wambu epeyaminyili pyuo yako lao nyiya.

APOSELENA YULU 28:16

Dokopa yuu Orome dokona epeyamano dokopa yanda singi mendeme Pole iso karena leyami dokopa baa range anda mende kotapala dokona mee paleya.

APOSELENA YULU 24:27

Dopa pyuo kareyambinyipa ee kana lama epo papeyamopa Pilikisana yulu pyuo kareya doko Posiasa Pesatasa lenge dokome alowa pyuo nyiya. Dokopa Juu wambu dupwa rae mainya lao mende pyakamipuli lapala Pilikisa baame Pole karapusi anda dokona mee palena leya.

APOSELENA YULU 12:5

Dopa leyamopa Pita karapusi anda dokona palyaro kareyami. Palyaro kareyaminyipa Elyambu Pingi wambu dupwame Anatu lao ateŋa lakamyuokondali pyuo kareyami.

Matyu 6:33

Dokona yanyi pyaramo kara napala banya isingi yulu dokope yulu rolae dokope nyuo wambakao mupwa wakasa lao kando nyimwali lao karalapape. Dokopa bange dopale dupwa peparae konda pyuo nakamana ingyasi sera.

Samu 37:19

Nakama randa eparamo dokopa moŋo nyii narami. Lopo seramo dokopa nakama nenge kapa seramopa koo keta pali narami.

Samu 37:3

Kamongo keta pyamalyuo karapala wambu dupwa pipya yulu mondo lao pyuo karare. Dopa piri ramo dokopa embena yuu dokona koo keta pali nao mee palyuo karare.

Jeremaya 38:6

Dokona lao kiŋinya yanda singinya panda dokona kiŋinya ikinyingi Malekayana ipwa petende singi dokona namba minyuo pao pyambuyami. Nakamame puu karapala malyiyami. Yuwale dokona ipwa pete see napala wara yeelyo siyandena namba nyuo pee kuku piya.

Jeremaya 20:2

Sepala baame tembole anda Benjamene Kame Kambu Ketae lenge dokona repeta namba pyapala ane angapumi kiimbuo nyinya leya.