Jeremaya 31:5 - Anatunya Buku Baepole Ole Testamene Pii Lapo dee Nuu Tesamene

⁵ Yuu kyau Samaria dokona dee kamba isa girapo ee wara pirami. Pipala wambu wara piraminyi dupwame girapo ee dokona jingi lyeramuli pyuo lyuo narami.

Jeremaya 31:5 Referans Kwoze

Emosa 9:14

Ingyaramo dokopa nambame nambana wambu dupwa nakamana yuu range wambo palenge dokona lanyuo eparo. Eparono dokopa yuu andape lalyisi dupwa range waso palirami. Palipala nakamame isa waene dee wara pipala jingi lyeramo dokome ipwa waene waso narami. Nakama ee dupwa pyuo wara pipala range manjo narami.

Maeka 4:4

Wambu peparae manda rao mona seramopa nakama rangena isa girapope pikipi ee repeta palyuo mendena lao paka nao palyuo kararami. Anatu Kamongo Porai Wakasa dokome pii dake lalu lao leya.

Isikiolo 36:8

Yuu doloma dopa pyakamirunupape Isaraele yuu kyau dupwana Isaraele wambunya lao isa dupwa deeyako yoko byalu lao angi jingi lyuo lokwaso palyuo piraŋa nakama oo repetale range anda epaminyi.

1 Samyuele 21:5

Leyamo dokopa Dapitimi isingi lao, Nakama enda pipya pali naoko pimiŋi. Namwa yuu peparae mee yulu dapale dupwa neta pela panya dokopa nambana akali dupwa nakama koo mende piramano kando lao waso keyange ingyuo karapala pela penge. Namwa wamba yulu pela papingiko doŋo epapu namwa yulu mupwa wakasa ingyuo pimwano dokome kamame keyange ingyuo karamwali lao suu pilyamano, leya.

Samu 107:37

Nakamame waingi dupwa randa laoisa girapo dupwa wara pyuo piyaminyi dokopa angi ando jingi dupwa kakanapiyamo lyuo nyiyami.

Maeka 1:6

Dokona lao Kamongo dokome letamo. Nambame yuu Samaria taone dupwa kokwa seronopa anda muku dokona isa girapo wara pyuo narami. Nambame taone kaname pisi dupwa pyao sinjimu ingyapala lama dokona kulimbwanyi nembaronopa susa kana dupwa iki sera.