Jeremaya 31:10 - Anatunya Buku Baepole Ole Testamene Pii Lapo dee Nuu Tesamene

¹⁰ Kamongo dokome lao, Wambu rara dupwa nambana pii selapa. Sepala yuu nanesa ipwa marenge dupwana nambana pii dupwa lamaila pupya. Nambana Isaraele wambu wakale wakale bolomabalo lao nembeyo dupwa nyuo malu palyaro. Palyapala mena sipisipi rapu pingi dokome banya mena sipisipi rapu pingi dopale ingyuo rapu piru.

Jeremaya 31:10 Referans Kwoze

Aisaya 40:11

Baame banya mena sipisipi dupwa sipisipi rapu pingi akalimi pyamuli pyuo mondo lao rapu pira. Baame mena sipisipi yakane dupwa nyuo pyasepala banya kingi kalengena reto kupyuo lanyuo papira. Baame sipisipi yakane dupwana endangi dupwa anjiki pyuo laminyuo para.

Isikiolo 34:12

Mena sipisipi rapu pingi akali dokome bolombalo lao pelyaminyi dupwa nyuo elyambu pingi. Doko suu pyao randa epeyamo yuu muu wakale wakale dupwana bolombalo lao peyaminyi dupwana piso range nyuo eparo.

Dutaronome 30:4

Nakama yuu nanesa pinjingi dolapona bolombalo lao pao kararaminyipape nakamana Kamongo Anatu dokome range yapo nyuo pyasapala lanyuo epara.

Jone 11:52

Juu wambu dupwanako iki daa Anatunya wane wanake raeyo petaminyi dupwa nyuo mendakinya ingyuo petena lao kumara renge dokona leya.)

Jone 10:27

Nambana sipisipi dupwame nambana pii silyaminyipa nambame nakama kandenge dokome nakama namba moko minyuo epenge.

Luku 12:32

Nakama nambana mena mondo ingyuo karaminyi dokona paka nalapape. Rakane dokome banya isingi yulu doko rae maiyuo jera.

Sekaraya 9:16

Yuu gii doko pyaka seramo dokopa mena sipisipi rapu pingi dokome randa epelyamopa banya sipisipi dupwa nenge rekya lao kyawa lete nyinginyili pyuo Kamongome banya wambu dupwa kyawa lete nyera. Dopa pyuo nyeramo dokopa nakama banya yuu dokona bange lepo lepo pingi dopale ingyuo kararami.

Maeka 5:4

Baa eparamo dokopa porai renge Kamongo keta palenge dokomepe Kamongo Anatu kamame mee mende nyilyingili karenge doko baa range keta eparamopa dolapome nyuo rapu pyuo karara. Banya wambu dupwa koo keta pali nao lete kararami. Dokona lao wambu yuu muu ree lao peparaeme banya porai andake wakasa doko soo gisaraminyipa banya mona kyuu lao singinya renge doko maira. Dokopa Asiria wambu yanda pimwai dupwame epo namwana yuu doko ama pyao kwaenyi nembala eparami dokopa namwame namwana akali lita porai dupwame yanda pela pena lao nembarama.

Maeka 4:6

Kamongo dokome dopa letamo. Nambame wambu randa maiyunu wambu wakale dupwame karapusi lanyuo peyaminyi yasu neyaminyi dupwa range sukusa nyuo pyasaro yuu gii doko oo epelyamo.

Maeka 2:12

Dopa piramopape nambame Isaraele wambu pyarepala pao karaminyi dupwa peparae nyuo pyasaro. Nambame nakama mena sipisipi ingyuo kame sukusa karo isakona karo pilyaminyipa lanyuo epenge doko suu pyao nakama lanyuo eparo. Nakamana yuu dokona wambu palyuo kete pyarami, leya Kamongome.

Isikiolo 37:24

Kiŋi mende nambana kendemande Dapiti yale dokome nakama iso karara. Nakama kiŋi mendakimi isaramo dokopa mendakinya ingyuo nambana mawa pii dupwa warombo soo mondoko lao minyarami.

Aisaya 60:9

Sipu dupwame yuu nanesa piso Anatunya wambu dupwa range anda lanyuo imisa pilyamo. Kamongo dokona kingi ketae pyambuo karena lao nakamame kana kulingipi kana golope dupwa minyuo epelyaminyi. Kamongo doo yuu muu peparaena wambu dupwame banya wambu dupwa ketae pyambuo karena lao pilyamo doko Isaraele wambunya Anatu poo pyasi ingyuo karamo.

Aisaya 54:7

Yuu mange kuki lama nakama mee yaki nyuo kaeyapunu pipyaŋa. Dee nambame mona andake retapunu dokome range nyero.

Aisaya 42:10

Kamongo kando kenane enenge pyalapape. Yuu muu peparaena wambu dupwame baa lakando kenane pyalapape. Nakama lapo ipwa kotana piso papiyaminyi dupwame baa lakandalapape. Ipwa kota dupwana lete bange silyaminyi dupwame baa lakandalapape. Yuu nanesape dee dupwana wambu palaminyi dupwa peparaepeme kenane pyalapape.

Aisaya 42:4

Baame keyange mende piraŋa lao soo manji nyepala karara. Baame isa yuunya lao rolo lenge renge doko minyalyara. Yuu nanesa range dupwame banya mana pii doko langinya lao mata kui lapala isaro karaminyi.

Aisaya 41:1

Anatumi lao dopa leya. Nakama yuu nanesa palaminyi dupwa nambana pii soo elya kalo karalapape. Kote pii dupwana lalapale rapa rapa pyuo karalapape. Nakamana pii laraminyi yuu gii doko sera ingilyamo dokona api doko angi rolae larape lao lao semanale.

Samu 72:10

Dopa pyuo yuu Sepene range kiŋipi dee yuu ipwa kota sukusa singi dupwana kiŋipi dupwame baa bange kipungi ingyuo maiyala eparaminyipa yuu Arapia rangepe yuu Itiopia rangepe dupwana kiŋi dupwame dopako pirami.

Dutaronome 32:26

Wambu mendemepe nakama suu pyao kara narami lao nambame nakama pyao otapuli lao suu piyu.

Jenesese 10:5

Dokona piso wambu ipwa kota pete repeta palenge wambu ingyuo panda wakale wakale dupwana raeyo palyuo peyami. Wambu dupwa Japete baa rakange kyawa ingiyamopa banya wane dupwame pao rara kingi larapu ree palu ingyuo palyuo peyami. Yuu panda wakale dupwana pao pii nakama rangena wakale wakale lao kareyami.

Samu 23:1

Kamongo doko namba mena sipisipi ingyuo rapu pyuo karamo. Namba mendeme yangilyande daa.

Aisaya 40:1

Namwana Anatumi lao, Nambana wambu dupwa nyisakao mona minyarambu karape, letamo.

Jeremaya 23:4

Nambame akali kyawa lapo rombo palyapala nakama iso karena laro. Nambame nakama kamba randa mai naronopa nambana wambu dupwa dee pako yamarangyuo kara narami. Namba Kamongo dokome lapusa pilyamo.