Jeremaya 26:16 - Anatunya Buku Baepole Ole Testamene Pii Lapo dee Nuu Tesamene

¹⁶ Leyamo dokopa lita akalipi wambu dupwapeme poropeta akalipi purisi dupwape kando lamaiyuo lao, Akali dakeme namwana Kamongo Anatunya kingi lao pii langipyaŋa. Baa pyao kumaka narama ingilyamo, leyami.

Jeremaya 26:16 Referans Kwoze

APOSELENA YULU 23:29

Papala nakamana mawa pii dupwana baa kando kote letaminyi lao yulu koo pyao kumakao karapusi anda palyuo pingi renge dopale mende baa keta pali nalyamo lao soo rolapu.

APOSELENA YULU 23:9

Dopa pyuo pii liti pyuo lapala dokopa kilyipu kilyipu kareyami. Dokopa Parisi akali singi lapo roya karapala akema lao akali dake keta yulu koo mende pali napyalyamo lao suu pilyamano leyami. Imambu mendeme panda aŋala mendeme baa pii lamaipyape? leyami.

APOSELENA YULU 25:25

Dopa laminyipape baa kumara yulu dopale mende pii naya doko soo kaeyo. Dokopa banya kote doko gapomane mupwa wakasa doko sipyali yaka lao suu pilyu leyasa dokona namba pena laro lao suu piyu.

Jeremaya 36:25

Akali Elanatanemoo Delayamoo Gemarayamoo dusipame buku kao pele pele lasi doko kiŋi dokome kisa napyali lao piso sokondali pyuo leyaminyipape baame nakama doko mende lalyaminyi lao see naya.

Jeremaya 36:19

Dokopa nakamame baa lamaiyuo, Embapa Jeremayapa wambu mendeme dusa petambinyi lao see nana lao yalu pela pupwape, leyami.

Luku 23:47

Dopa piyamo doko kandapala yanda singi mupwa dokome Anatu lakandapala, Kinyi akali dake keta kote renge mende pali napya leya.

Luku 23:41

Nambwame randa kapa nelyambano. Yulu koo piyamba doko suu pyao nambwa kapa randa nelyambano. Dopa pimbwanopape akali dake koo mende pii nange leya.

Matyu 27:54

Yanda singi yango rapu pyuo karenge dokomoo akali baa pale pale kareyami dupwa pipya Yesu iso kando kareyami dupwame yuusili minyuo dopa pyuo piyamo kandapala pakame kumuyami. Pakame kumapala, Kinyi dake Anatunya ikinyinginde karapyalyamo, leyami.

Jeremaya 26:11

Gii dokopa purisi akalipi poropeta akalipi dupwame lita akalipi dee wambu dupwape kando lamaiyuo lao, Akali dakeme yasu kee lao namwana yuu taone doko kando koo inginyi nembo pulyuo letamo dokona baa randa maiyuo piso soo kote lao pyao kumarami ingilyamo. Dokona pii lapyamo dupwa nakama rangena kale dokome rolae simi kandapi, leyami.

Jeremaya 37:15

Peyamo dokopa akali dupwame namba kando imbumi kumapala akali lapo lamaiyuo pyarako pyapala minyuo pao kiŋinya pepa pyakamingi Jonatane lenge dokona anda palyapala kii pyao keto lena leyami. Banya anda doko karapusi anda ingyuo wasiyami.