Jeremaya 20:7 - Anatunya Buku Baepole Ole Testamene Pii Lapo dee Nuu Tesamene

⁷ Kamongo embame namba minyoko piinyipa namba minyoko pisi karalyono silyu. Emba keta porai palenge dokome nambapa manda manja nalyamo. Dokona lao wambu dupwame namba kando giyalya giyana pyuo nyuo male male lao karaminyi.

Jeremaya 20:7 Referans Kwoze

Isikiolo 3:14

Dokopa Kamongona Imambu dokome namba minyalyuo nyepala soo peya. Banya porai renge dokome namba keta epeyamo dokopa kata jiyasa epe see napala imbu singi nyiyu.

Jeremaya 20:9

Dopa pipyamo dokona nambame Kamongo kame soo kaepala banya kingi dokona laa naro lao karapunupape Kamongo embena pii pyasi doko nambana mona dokona isare ingyuo koko rao ango silyamo. Sipyasa pii doko neta nyuo laa nalana suu pyapunupape kapa kame pyuo minyaro ingya nao nambana kambu dokona neta epelyamo.

Ipuru 11:36

Nakama nyepala kilya kando lao pyarako pyao kiimbwapala karapusi anda pyambuyami.

1 Korina 9:6

Namba Banapasapame iki Anatunya yulu pyuo kana yulu opetae pirambase?

APOSELENA YULU 17:32

Dokopa mendali lopo epeya leyamo doko sepala lapome giyalya giyana piyami. Lapome giyalya giyana piyaminyipape lapome pii dokona dee kamba simwali yaka, leyami.

APOSELENA YULU 17:18

Dokopa akali anjuku pii kinyi lao yuu peparae poraiyuo suu pyanyi pyano kareyami dupwana lapo kingi Epikuriana Setoikipi lenge dupwame baa kareyamo dokona epeyami. Epapala banya pii sepala lapome, Akali pii lao papingi doko apa letamo? leyami. Lapome, Imambu wakale nanesa karenge lapona boo pyao lao karalalyamo, leyami. Baame Yesunya kingi laope baame lopo epeya leyamosa pii doko leyami.

Luku 23:11

Dokopa Erotemoo banya yanda singi dupwa pipyame baa kilya kando giyalya giyana pyuo kareyami. Dopa pyuo karapala komau keyange au pingi mende baa pee pyakamipala Pailate kareyamo dokona kapu kyuo lanyuo pena leya.

Luku 16:14

Dopa leyamo dokopa Parisi akali nakama kana mone mona reto karenge dupwame baa kilya kandalya kandana pyuo lao kareyami.

Maeka 3:8

Saka naraminyipape Kamongo dokome namba banya Imambu dokome paka pyao soo porai renge joo pipya dokome kapa rolelyo lao silyu. Dopa pilyu dokome porayapala Isaraele wambu dupwana koo dupwa pano polo lamaiyakamiru.

Jeremaya 15:18

Namba akipamo mee randa nyuoko karose? Akipamo nambana monarena rete dupwa umbwa pii nalyase? Akipamo umbwa pii nalyase? Panyi pipala ipwa epenge sokolyasa nalana lisa pingi. Nambame embapa dopale ingyuo suu pyao karalase lao pilisi?

Jeremaya 15:10

Namba keta rae maingi renge pali nalyamo doko aki akalinde karose? Akipamo nambana anyi dokome isa yuu dakena manjo nyiyase? Nambame yuu dakena wambu peparae kando laiya lao apiyanda pyuoko kararolyamo. Nambame kana lapo kyanju pyao nyakamyuope dee nambame lapo mainyi palyuowape pii nangeko. Doŋo wambu peparaeme namba koo keta palyuo letaminyi.

2 Kiŋi 2:23

Ilaisa Jereko yaki nyuo kaeyo yuu Betele dokona panya peyamo dokopa katasa wane lapome taone dokona karo epapala giyalya giyana pyuo baa kando leyami. Nakamame pii poraiyuo lapala, Emba banakapa singinde dakena epa kae, leyami.

Jeremaya 38:19

Leyamo dokopa kiŋi Setekayame isingi lao, Namwana Juu akali lapo Bapilone range ingyuo karaminyi dupwa namba pakalyo. Dokona nakamana kingi rakana palyara ramo dokopa nakamame randa jerami, leya.

Jona 4:2

Dokopa Kamongo lao loma soo dopa leya. Namba ene anda yaki nyelana dokopa dake dopa piri lao laa nayope? lao Kamongo doko piso siya. Renge dokona namba kaepala yuu Tasisi dokona panya peyo, leya. Embame Anatu waa waa lao kondome wakasa kumungi doko namba siyu. Yuu peparae emba keta renge keyange dupwa ipyali lao enda akalipi dupwa anjiki pyuo mona reto karenge. Dee yuu peparae embena suu pingi alowa pyuo randa mairu lenge doko kaenge kandape leya.

Aisaya 8:11

Kamongome banya porai renge dokome renge kuiyuo namba repe repe ingyuo langyuo dokopa wambu dupwa pelyaminyi kata dokonako paa napipi, leya.