Jeremaya 2:31 - Anatunya Buku Baepole Ole Testamene Pii Lapo dee Nuu Tesamene

³¹ Isaraele wambu dupwa nambame apa letene lao selapape. Nambame nakama kando yuu muiyane dopale ingyuo dee yuu iminjingipi randa sipurengepe yuu dopale ingyuo karose? Namba dopa pii nange dokona akipamo nakama namba karo dokona kapu kyuo epa naramaŋa lao yulu nakama rae mailyamanuli pyuo pinya letamisi?

Jeremaya 2:31 Referans Kwoze

Dutaronome 32:15

Kamongona wambu dupwa kamongoyaminyipape nakama mona kana poko kamba leyami. Dopa pyuo nakama mendasape kakasera kando lao nenge pyano sepala ando ama rondo lasi ingyuo kareyami. Nakamana Anatu dokome nakama wasiyamo doko kame soo kaepala dee nakama lete wai pyao nyingi akali porai doko mata maiyami.

1 Korina 4:8

Bange nakama nyimwali yaka lao suu pilyaminyi dupwa nakama keta soo kaelyamo. Nakama kamongo kaelyaminyi. Namwa kiŋi ingya namwano dokopa nakama kiŋi ingyuo karaminyi. Nambame nakama kiŋi angi ingyamili lao suu pilyu dokona namwa role pyao kiŋiyoko ingyuo kararama.

Maeka 6:9

Kamongo doko andake lao pakao kararami ramo doko mona palyuokondali pyuo kararamisa pira. Kamongome wambu yuu taone andake dokona palenge dupwa kando dopa lao kee letamo. Selapape. Nakama wambu yuu taone andake dokona elyambu pilyaminyi dupwa.

Emosa 1:1

Akali mena sipisipi rapu pyuo karenge yuu Tekowa range akali Emosa banya pii dasipa lasi silyamo. Usaya baa Juta wambunya kiŋi ingyuo karo Jeropome Jewasena ikinyingi baa Isaraele wambunya kiŋi ingyuo karo piyamo dokopa Anatunya pii Emosa keta Isaraele wambu dupwana lao pano epeya. Epo lapeyamo dokopa ee kana lama epo papeyamopa enakana yuusili doko minyiya.

Osia 13:6

Dopa piyunupape nakama yuu keyange doko pao kando nyuo nenge nao sikya pipyamo kapa karapala dokopa kimbu pyao piso nakama namba kame silyaminyi.

Aisaya 45:19

Nambame pii yalu pyuo laa nao mende pinya dokopa kalyama nange. Isaraele wambu dupwa yuu muiyane nenge anda nange dokona namba kotala pena laa nayo. Namba Kamongo dokome pii kinyi lenge dee aki mende rolae ingingi dupwa soo nyepala karena lao lamaingi.

Dutaronome 31:20

Nambame nakama yuu amenge pingi nakamana rakange kyawa dupwa kando mairuŋu lao lalu lao leyo dokona lanyuo paro. Paronopa nakamame nenge nalana suu pyaraminyi dupwa kapa nao mona minyarambu mona nyeramo kararami. Dopa piraminyipape namba mata jepala mee bange anatuŋu lao lakandenge dupwa mona nyuo lakando kararami. Nakamame namba epe kanda nao yaki nyepala nambana mawa pii palenge kamba lao nembarami.

Jeremaya 2:20

Kamongo Mupwa Andake Wakasa dokome lao, Isaraele wambu dupwa nakamame yuu wamba nambana porainya renge doko kilya kandeyami. Nakamame namba kamba lao warombo soo lakanda nayami. Lapala yuu kyau ketae dupwanape dee isa renge isarena dupwana anatu angi daa dupwame namwana ee nengepe menape ree palupi dupwa kapa andanyi pyambungi lao lakandeyami.

Jeremaya 2:25

Isaraele dupwa mee anatu angi daa dupwa anja lao pete pete papiramisa nakama kimbu kape rando dee nakamana pendoko nyuo pisaraŋa dopa pyuo papi nalapape. Pii naraminyipape nakamame lao, Daaŋa namwa kapu kyuo epa narama. Namwa mee bange anatu wakale dupwa mona retapala dupwa moko minyuo panya pilyamano letaminyi.

Dutaronome 32:18

Nakamame nakamana Anatu dokome nakama lete wai pyao pyuo nyingi porai dokome nakama letena renge maiyamo doko kame siyami.