Jeremaya 2:20 - Anatunya Buku Baepole Ole Testamene Pii Lapo dee Nuu Tesamene

²⁰ Kamongo Mupwa Andake Wakasa dokome lao, Isaraele wambu dupwa nakamame yuu wamba nambana porainya renge doko kilya kandeyami. Nakamame namba kamba lao warombo soo lakanda nayami. Lapala yuu kyau ketae dupwanape dee isa renge isarena dupwana anatu angi daa dupwame namwana ee nengepe menape ree palupi dupwa kapa andanyi pyambungi lao lakandeyami.

Jeremaya 2:20 Referans Kwoze

Dutaronome 12:2

Yuu dokona nakama nyuo palirami dokona wambu dolomame yuu kyaupi yuu kungyupi isa renge isarenape nakamana anatu menge lakandelyaminyi panda dupwa peparae pyao kokwa serami.

Osia 3:3

Nambame baa lamaiyuo, Emba nambana etenge ingyuo petene dokona yuu gii malu mee pisiri, lamaiyu. Emba pamuku yulu pyuo akali wakale mendepape pali nare lamaipala namba dopako piru, leyo.

Aisaya 1:21

Taone mona kare kare mondo lao piyami kande doko epapu pundange lenge kambupi nyiyaminyi. Wamba kandeyo dokopa yulu keyange rolae dokome simbwaro siya. Dopa piyamopape epapu dakepa wambunya ranjama nenge yeelyo karaminyi, leya.

Osia 2:5

Dokopa kepo pingi enda elya pali nange dokome lao, Nambana akali mona retenge dupwa piya paro dokopa nakamame namba nenge ipwa dee komau ipwa waene isa olipi ipwange dupwa jerami, leya.

Aisaya 9:4

Mena bulamakaome yulu pinya bange kendande matarena ipyuo penge nakama dopale ingyuo karenge doko neta nyuo kokwa soo nembee. Embame Mitiane ami pyao isa palyinyili pyuo embena wambu yulu andake maiyuo nyuo isa palyuo kareyami yuu lili doko isingi pyao isa palyii kande.

1 Kiŋi 12:32

Dokopa yuu Juta dokona nenge nyuo malu palyuo nenge nenge doko suu pyao kana mange lama karo dokona yuu gii akalisa ipisu kingi paki dokopa nenge nyuo malu palyuo nao misi larami lao Jeropomeme rombo palyuo reteya. Retapala kana pyare lasi yuu Betele siyamo dokona mena bulamakao kali kana golome waso reteyamo dolapo keta mena pyao kiso maiya. Baame purisi akali yulu pirami dupwa lakandenge panda yuu Betele dokona wasiyamo dupwana karena leya.

1 Samyuele 12:10

Dokopa nakamame Kamongo kando ee lao nyisinya lao lao, Namwa Kamongo emba mata joo pyao mee bange wasisi anatu kingi Bealo lenge dupwa lakando dee mee bange enda anatu kingi Aseta lenge doko lakando piyama dokona namwa koo piyama. Dokona namwana nyisu petenge dupwa pipya kingi raka lao kyawa lete nyepe. Dokopa namwame emba lakandarama, leyami.

Josua 24:26

Maipala Josuame mawa pii dupwa buku Anatunya lowa pii pyasi palenge dokona pyao reteya. Retapala kana andake mende nyepala Kamongona misi lenge panda dokona isa oke lenge kareyamo renge dokona reteya.

Josua 24:24

Leyamo dokopa wambu dupwame Josua kando isingi lao, Namwana Kamongo Anatunya yulu pyakamyuo banya pii dupwa laramuli pyuo warombo soo kararama, leyami.

Josua 1:16

Leyamo dokopa nakamame Josua isingi lamaiyuo lao, Embame pii peparae namwa langilinyili pyuo pirama dee embame anja pupwa larenele pyuo parama.

Dutaronome 26:17

Epapu nakamana Kamongo Anatuŋu lao lao otapala baa rape rape lao kararama lao lalu lao lapala banya lowa pii dupwa minyuo karo baame pelapa lao laramuli pyuo kararama, letaminyi.

Dutaronome 4:34

Nakama yuu Isipi dokona kareyaminyi dokopa Anatumi nakama baa rangena wambu ingyarami lao nyuo minyuo epeya. Doko suu pyao anatu wakale mendeme wambu rara mendena wambu dupwa neta nyepala baa rangena ingyuo karena leyase? Anatumi nakamana lenge kambu dorena banya porainya renge andake dokome anga ikyanepe yanda pingi yulupi sipuro epena lao minyuo piya. Dopa pyuo yulu wambumi pii nangepe dee wambu pakanyi pyambuo yulupi dupwa piya.

Dutaronome 4:20

Dopa piyamopape yuu Isipi dokona randa nyuo isare papiyamo kareyaminyi dokopa baame nakama kiiramo minyuo epeya. Baame nakama baa rangena wambu ingyarami lao nyuo minyuo epeyamo dokona epapu dae petaminyi.

Ekesetase 24:3

Leyamo dokopa Mosese baa wambu peteyaminyi sukusa dokona papala Kamongona mawa pii leyamo dupwa peparaepe banya mana piipi lamaiya. Lamaiyamo dokopa wambu peparaeme kapa kapa isingi lao, Kapa namwame Kamongo dokome lapyamuli pyuo peparae pirama, leyami.

Ekesetase 19:8

Polo lamaiyamo dokopa wambu dupwa peparaeme isingi lao dopa leyami. Kamongo dokome lapyamo dusipa peparae kapa pirama, leyami. Leyaminyisa Moseseme dopa letaminyi lao Kamongo baa lamaiya.

Ekesetase 3:8

Nambame Isipi range dupwana kiiramo nyisala epelyo. Kiiramo nyepala yuu Isipi yaki nyuo yuu ama keyange andake mendena lanyuo paro. Yuu doko keyange amenge pingi. Dakepa akali rara Kenane rangepe Iti rangepe Amo rangepe Perasi rangepe Ipi rangepe dee Jepusi rangepe dupwa yuu dokona palaminyi, leya.

Orepalaisane 17:1

Aŋala yanda ipingimi pere yanda ipingyako minyaro kareyami dokona mendeme epapala dopa pyuo langiya. Anda taone ipwa malu repeta dupwa enda pamuku yulu pyuo petamo doko baa randa nyera dokona lasaka pirole repeta ipu leya.

Samu 107:14

Baame iminjo eŋa paa nayamo kareyaminyi dokona piso nyuo epeya. Baame puu sane dupwa pyao rokao sinjimu inginyi nembo nyuo epeya.

Jeremaya 2:31

Isaraele wambu dupwa nambame apa letene lao selapape. Nambame nakama kando yuu muiyane dopale ingyuo dee yuu iminjingipi randa sipurengepe yuu dopale ingyuo karose? Namba dopa pii nange dokona akipamo nakama namba karo dokona kapu kyuo epa naramaŋa lao yulu nakama rae mailyamanuli pyuo pinya letamisi?

Osia 4:13

Papala yuu kyau ketae kemali pingi dupwana mena pyao kiso mailyaminyi dee yuu kyau kuki isa palu isarena pau lenge dupwana manda rao piso rende kyaa pingi dupwa kiso maiyuo petaminyi. Dopa pilyaminyi renge dokona nakamana wanenge dupwa pamuku ingyuo puminyipa nakamana ikinyi dupwana etenge dupwa kepo pyuo pilyaminyi.

Jasi 2:11

Enakana Isaraele wambu dupwa Kamongona lenge kambu dokona yulu koo pyuo anatu angi daa kingi Bealo lenge dupwana yulu pyuo kareyami.

Jasi 2:13

Nakamame Kamongo Anatu kando dee kingi ketae pyambuo lakanda nao dokopa wambu wakalena kyambo anatu Bealo Asetatepa lenge dolapona lao yulu pyuo kareyami.

Samu 2:3

Nakambame namwa isilyambinyi doko iso kara nanale ramanyi nembamana, letaminyi.

Osia 1:2

Kamongome wambo kanda soo Osia keta Isaraele wambu dupwa pii lamaiyamo dokopa baa dopa leya. Emba pamuku enda mende nyela puu. Embena enda dokome embapa mondo lao pali naramopa banya wane wanakepe dupwa baa yaleko ingyuo parami. Dokona suu pyao wambu yuu dakena range dupwame namba yaki nyepala bange isa kanape dupwana mona maiyuo pelyaminyi, leya.