Jeremaya 19:7 - Anatunya Buku Baepole Ole Testamene Pii Lapo dee Nuu Tesamene

⁷ Yuu dokona Jerusaleme wambu peparaepe dee Juta wambu peparaepe mende pirama lao lao retelyaminyi dupwa nambame ukiaki minyinyi nembaro. Nakamana yanda pimwai dupwame pyao wini pipala yandana nakama pyao kumakana laro. Nambame nakamana yanenge kakapange kumasi dupwa mena rae lenge yakape dupwame nenge ingyuo nena lao mairu.

Jeremaya 19:7 Referans Kwoze

Jeremaya 15:9

Enda mendena wane yanda ipingi nyepo kumapyasa baa lulaka pao pembetoko pyapyasa popo nembalana saka nalyamo. Baa eŋa nembo petenge dopa pyuo pisa napala mona rumbingi petamo. Nakama lapo pyapa nalyaminyi dupwa Kamame yanda pimwai keta nyuo mapi sero dokopa pyarami. Pii dusipa namba Kamongo dokome lapusa pilyamo.

Jeremaya 15:2

Nakamame emba piso soo, Anja paramase? leyami kande dokopa nambame letono doko nakama lamaipwape. Lapo yanyi nyepala kumuo parami ingilyamo dokona nakama parami. Lapo yandana kumarami ingiyamo dokona lao parami. Lapo lopome kumuo parami ingilyamo dokona lao parami. Dee lapo dupwa karapusi pyuo minyuo parami ingilyamo dokona parami leto.

Jeremaya 7:33

Dokopa kumasi yongo dupwa mena rae lengepe dee yakape dupwana nenge ingyuo nao kararaminyipa mendeme pakanyi pyambuo ralinyi nemba narami.

Orome 4:14

Anatunya kana minyuo lenge pii doko Lowa minyingi dupwa iki keta siyali doko wambu Yesu kapa ingingi lao suu pingi doko mee ketae papala Anatunya kana minyuo lenge doko angi ingya nayali.

Orome 3:31

Dopa letamo doko Yesu kapa ingingi lao suu pyarama dokome Lowa doko nyuo isa palyaramasa pirase? Ama daa. Namwame Lowa kata dokona paka pyao soo pinya karamano.

Jeremaya 18:21

Dopa pyuo karakamyuo kande doko kaepala dakepa nambapa koo pilyaminyi dokona Kamongo embame nakamana wane wanakepe dupwa lopanyi nembapala kumanyi nembape. Yanda dupwana angi nyuo suu lape. Enda dupwana ikinyingi akalingipi kumanyi nembakamipi. Wanyane akali dupwa yandana nyuo papala kumaraminyipa andapae dupwa anga yakane kapape kisapala kumunyale.

Aisaya 8:10

Rapa rapa pipalape angi pinya laminyi dokona pali nara ingyara. Apa piramape lao nakama nyelana suu pyaraminyi dokona palyuo karaminyipape Anatu baa namwa pipya karara dokome pii larami dupwa mee ingyuo para.

1 Samyuele 17:46

Yuu gii dakepako Kamongome emba namba keta jeramopa emba pyao anamasi minyuo embena mange doko pukupala dee Pilisitia yanda singi dupwana yanenge mena yakape mairunupa dupwame narami. Dopa pirami dokopa Kamongo Anatu doko Isaraele yuu dokona karengelyamo lao wambu peparae soo rali pirami.