Jeremaya 19:4 - Anatunya Buku Baepole Ole Testamene Pii Lapo dee Nuu Tesamene

⁴ Nambame doo pirunu doko wambu dupwame namba kame soo yaki nyepala yuu dake koo inginyi pyambuo kokwa soo mena pyao kiso anatu wakale dupwa maiyami. Nakamape dee nakamana rora ambasupi dee Juta wambunya kiŋi dupwape mee bange anatu see nange dupwa kiso maiyami. Nakamame wambu yulu koo pii nange dupwana ranjama dupwa kulimbuo nembo kareyami dokona dopa piru.

Jeremaya 19:4 Referans Kwoze

Jeremaya 2:34

Akali kuki mee kamenge karenge dupwa waa nyakaminyipili lao pyaminyisa ranjama dupwame nakamana komau dupwa para para pilyamo. Dopa pyuo karapalape

Jeremaya 7:9

Dopa pyuo pao nakamame waa nyuo wambu yango pyamwalinya suu pyao enda kepo pyuo dee kinyi angi lete lao kingi ketae nembo kyambo lengepe mee bange anatu kingimi wasisi kingi Bealo lenge doko mena pyao kiso maiyuo dee kingimi wasisi bange wakale anatuŋu lenge lapo nakama wamba soo kanda nange dupwa lakando pelyaminyi.

Jeremaya 2:19

Nakama rangena koo dokome nakama randa jera. Dee nakamame namba mata jiyami dokome koo ingyuo karaminyi lao lasaka pirasa pira. Dopa piramo dokopa nakamana Kamongo Anatu namba doko yaki nyuo kaeyamo doko yulu ama koo wakasa lao soo nyerami. Namba Kamongo Mupwa Andake Wakasa Ama Porai dokome lapunu pilyamo.

Jeremaya 2:17

Nambame nakama Isaraele wambunya kata wapwakao pupunu dokopa nakamame namba nakamana Kamongo Anatu doko kame soo yaki nyiyami dokome randa dake nakama range keta nyilyaminyi.

Jeremaya 2:13

Dokona lao nambana wambu dupwame yulu koo lama ingyuo piyami. Nakamame namba ipwa kamuo nenge guu lao epenge doko mata jiyami. Jepala nakamame ipwa pete sinya lao yuwale kyasiyami. Kyasiyaminyipape yuu kipwa kipwa dupwa yando nao poro lao rali pipala ipwa naku pao karo angi see naya.

Orepalaisane 16:6

Nakambame Anatunya wambupi dee poropetape dupwana ranjama dupwa kulimbwakamiyami. Dokona lao embame nakama ranjama dupwanako nena lao kapa mailinyi.

Luku 11:50

Dokona isa panda wasiyamo gii dokona piso epo poropeta akali dupwa peparaena ranjama kulimbwapa piyami dokona epapu isa ando karaminyi dupwa keta kote pii palira.

Jeremaya 26:23

Akali dusipame Yuraya nyuo lanyuo epo kiŋi Jiyoakwimi maiyamisa baame nyepala pyao kumakapala banya yongo doko wambu peparaena malu pingi yuu dokona pyao nembeyami.)

Jeremaya 26:15

Namba pyaramiko dokona renge mende palape lao selapape. Nakamame namba pyao larami ramo doko nakamape wambu yuu taone dakena palaminyi dupwape wambu koko pii nange dokome Anatumi repe repe lala puu lapyamo ipu doko pyaramisa pira, leya.

Jeremaya 18:15

Dupwa alowa pii napyamopape nambana wambu nakamame namba kame soo kaeyapala mee bange kingimi wasisi dupwana lao rendamu pingi bange kiso mailyaminyi. Nakama paraminyi kata rolae doko ranilyaminyi. Wamba paenge kata doko yaki nyuo kaeyapala nakama kata kyakana pelyaminyi.

Jeremaya 15:6

Wambu nakamame namba yaki nyuo kaeyo mata jiminyi dokona nambana imbu singi doko kame pyuo minyuo makapu dokome nambana kingi pyasinju lapala nakama pyao kokwa sinyi nembapu.

Jeremaya 2:30

Nambame nakama mana langyuo pyalana pipunupape dokome nakama nyiso rola nalyamo. Nambame nakama kata rolae lasaka pyuo dopa pii dapa lao langi laa nalyaminyi. Mena laene gasimwa pokapala nenge nenge manjo pii lenge dopale ingyuo nakamame nakamana poropeta dupwa pyao kumuyami.

Dutaronome 13:6

Kamame nakamana yangonge mendemepe panda nakamana wane wanakepe dupwana mendemepe panda nakamana etene angi mona retenge dokomepe panda nakamana puu minyingi angi dokomepe mee bange anatu nakamana rora ambasu dupwamepe kamame lakanda nange dupwa nakama lakandamili lao kongo pyuo langyuo lara.

2 Kiŋi 23:10

Dokona lao mendeme banya ikinyingi panda wanengepe dupwa kyambo lenge pandana mena pyao kiso maingi doko suu pyao mee bange kingimi wasisi anatu kingi Moloko doko pyao kiso mairaminyi lapala yuu Topete lenge yuu Inome pau lama lama dokona singi doko kiŋi Josayame pyao kokwa soo nembeya.

Jeremaya 1:16

Nambana wambu dupwame yulu koo pyuo namba kame sepala yaki nyilyaminyi dokona nambame nakama randa mairu. Nakamame anatu wakale dupwa mena pyao kiso mailyaminyi dee mee bange anatu lao kingimi wasapala lakandelyaminyi.

Jeremaya 7:6

Karo wambu yuu wakale rangepe wambu muiyanepe enda waiyape dupwa isa palyili lao laa narami. Dee yuu dakena wambu kamenge karaminyi dupwa pyao kumaka nalapape. Dopa pipala nakama kokwa sisaraŋa mee bange kingimi wasisi anatuŋu lenge dupwa lakanda nalapape.

Jasi 5:8

Enakana Isaraele wambu dupwa mee bange anatuŋu lenge enenge dupwa rombo palyuo nyiyami dokopa yuu dokona yanda sipureya. Dokopa Isaraele yanda singi akali taosande akalisa kisima (40,000) dupwana mendalipi konambe kakupi minya nayami.