Jeremaya 18:12 - Anatunya Buku Baepole Ole Testamene Pii Lapo dee Nuu Tesamene

¹² Lamairinyipa nakamame isingi kamba lao, Akipamo pii naramase? Namwa mona kana pokapala koo pinya suu pilyamuli pyuo pirama larami, leya Kamongome.

Jeremaya 18:12 Referans Kwoze

Jeremaya 2:25

Isaraele dupwa mee anatu angi daa dupwa anja lao pete pete papiramisa nakama kimbu kape rando dee nakamana pendoko nyuo pisaraŋa dopa pyuo papi nalapape. Pii naraminyipape nakamame lao, Daaŋa namwa kapu kyuo epa narama. Namwa mee bange anatu wakale dupwa mona retapala dupwa moko minyuo panya pilyamano letaminyi.

Jeremaya 7:24

Dopa lamaiyunupape nakama warombo soo kui lao karope pirami ingya nayami. Dopa pingi kandale doko suu pyao nakamana mona koo kana pokonge dupwamepe mende pinya lao lamaiyamo dupwa piyami. Pipala elyape ingyuo kararami doko suu pyao ama kopetame kareyami.

Luku 1:51

Banya kingi porai dokome wambu range wakasa ingyuo karamano lao suu pingi dupwa pyao ralinyi nembeya.

Jenesese 8:21

Dokopa Kamongo rendamu keyange doko nyepala baa monarename dopa pyuo suu pyao leya. Nambame wambunya koo dokona lao yuu muu dupwa dee kamba kokwa see naro. Nakamba ene andama epenge dokopa monana suu pingi dupwa kooko paleta karenge. Nambame lete palenge bange dupwa peparaekokwa sipunu dopa pyuo dee kamba kokwa see nalu nao naro, leya.

Isikiolo 37:11

Dokopa Anatumi namba langyuo, Makwa isa ingyuo karo kuku pyaa nare akali doko Isaraele wambu dupwa mee kuli malu sipyamo kandelene kande dopaleŋe, leya. Nakamame lao dokopa, Namwana kuli dupwa yando nao kaelyamo. Dee lenge raa narama lyamo. Namwa mee otao kaeyarama ingyuo pelyamo lao karaminyi.

Jeremaya 23:17

Poropeta dupwame wambu lapo nambame lapunu pii dupwa selana kamba letaminyi dupwa kando lao wambu nakama keta mee kapa ingyuo para lyakande letaminyi. Karapala mona kana poko lao karenge wambu dupwa peparae lamaiyuo, Nakama dupwa keta randa andake doko epa nara, letaminyi.

2 Kiŋi 6:33

Pii dake lao oteyamopa aopa kiŋi doko epo pyaka sepala dopa leya. Randa dake Kamongo dokome namwa jilyamo. Dokona baa mende pira lao akipamo namba lama opetae isaro kararope? leya.

Jenesese 6:5

Isa wambu peparae ama yulu koo wakasa pyuo karo suu pingi koo rengeme simbwapyamo karaminyi lao Anatumi kandeya.

Malakae 3:14

Kamongome isingi lao, Nakama dopa letaminyi Anatunya yulu pyakamingi doko kooŋo, letaminyi. Dee baa letamuli pyuo pingi doko keyangese? Panda namwa koo pingi dupwana kondalyamano larama ramo doko kapase? lao piso silyaminyi letamo, leya.

Aisaya 65:2

Nambame nambana wambu mona kana pokapala rangena suu pilyu ote lao rangena kata wapuo pelyaminyi dupwa yuu peparae nyisarowale lao rapa rapa piru karenge.

Jeremaya 6:17

Dokopa wambu yanda pela epelyaminyi lao pii repe repe lamaiyuo bikuli pii poo lenge doko letape lao isingi akali lapo soo karena lao Kamongo dokome rombo palyiya. Palyiyamopape nakamame lao, Namwa doko see narama, leyami.