Jeremaya 18:10 - Anatunya Buku Baepole Ole Testamene Pii Lapo dee Nuu Tesamene

¹⁰ koo pirami ramo doko pinya larono suu pingi doko kaeyaro, leya.

Jeremaya 18:10 Referans Kwoze

Isikiolo 33:18

Akali wambo rolae pyuo kararamo doko kupyuo yaki nyepala koo dokona kanda soo pira ramo doko koo pira dokona baa kumara ingilyamo.

1 Samyuele 2:30

Ilai embena ree palu dee embena rarape dupwa namba Kamongo Isaraele wambunya Anatu dokome purisi yulu yuu peparaena piramiŋi lao langyuo kaeyo leyo kande. Dopa leyoko doŋo dee dakepa nakambameko pyakamili lao suu pyaa nalyo. Nakambame pingi kandale doko suu pyao mendeme namba lakanda minya minya pirami dupwa kando isingi dopako pyuo lakando dee namba kilya kandanyi nembarami dupwa isingi kilya kandaroko.

Isikiolo 18:24

Akali rolae pingi dokome keyange piyamo dupwa kupyuo yaki nyepala koo dupwana sukusa pao wambu wakalena koo pipala elya nyingi dupwana mana makandope nyepala pyuo karara ramo doko baa lete karara ingyarase? Ama daa mendeme banya keyange wambo piyamo dupwana dee suu pyaa naro. Baa yaki nyuo yulu koo pyuo kareyamo dokona kumara.

1 Samyuele 13:13

Dokopa Samyueleme isingi lao, Doko kopyali minyuo kopetame pipi. Embena Kamongo Anatu dokome pii langiyamuli pyuo pii napi. Embame warombo sipili doko embape dee embena manjirinyi dupwapeme Isaraele wambu dupwa mupwa ingyuo iso karalu karena lapyali.

1 Samyuele 15:11

Namba wama yako. Nambame Sole kiŋi wasiyu kande doko baame nambana mawa pii dupwa kamba lao namba mata joo pelyamo, leya. Dopa leyamo dokopa Samyuele imbwuapala yuu peparae kukwa baa Kamongo Anatu lao piso sokondali pyuo loma poraiyuo siya.

1 Samyuele 15:35

Samyuele baa kareyamo dupwa pipya kiŋi doko kanda naya. Dopa pipala baa mona rando kondo kareya. Kareyamo dokopa Kamongo Anatumi Isaraele wambu dupwana kiŋi Sole rombo palyiya dokona kondo kareya.

Nambase 14:22

Wambu dapwana mendemepe yuu dokona sukusa pao pali nara. Nakama nambana yanga paupau lenge renge dokome epo kendale piyasa kandeyaminyi dokope dee yuu Isipi dokonape yuu muiyane dokonape yulu mendeme pii nange dupwa piyunu kandeyami. Kandeyaminyipape nakamame nambana maka nange renge doko makande pipa pyuo nambana pii warombo see napala kamba leyami.

Nambase 14:34

Nakamame koo piyaminyi dokona ee kana akalisa kisima randa nao kararami. Yuu doko yuu gii akalisa kisima nembo kando papyuo kareyaminyi dokona ee kana akalisa kisimako randa nao kararami. Nambame nakama kando rae mai nalene lao soo nyerami.

Nambase 14:23

Nambame nakamana rora ambasu dupwa yuu doko mairu lao lalu lao leyo dokona nakama paa narami. Nakamame namba mata jilyaminyi dupwana mendemepe yuu dokona kapa pao kara nara.

Isikiolo 33:12

Dakepa makwa isa ingyuo karo kuku pyaa nare akali doko embame Isaraele wambu dupwa dapa lamaipi. Akali mendeme yulu keyange pyuo karapala enakana koo pira ramo doko wambo keyange pyuo karara dokome baa kyawa minya nara. Koo pyuo karenge dokona mendeme koo doko mata maiyuo kaeyara ramo doko baa range kyawa lete nyerasa pira. Dee akali keyange pingi mende yaki nyepala kanda soo koo pira ramo doko baa lete paa nara.