Jeremaya 15:14 - Anatunya Buku Baepole Ole Testamene Pii Lapo dee Nuu Tesamene

¹⁴ Pipala nambana imbu singi doko isare ingyuo angao karalu karamo dokona nambame nakama see naraminyi panda mendasa nakamana yanda pimwai wambu dupwana yulu pyakaminya lao piru, leya.

Jeremaya 15:14 Referans Kwoze

Dutaronome 32:22

Nambana imbu singi dokome isare kekenge ingyuo boletoko lapala isa yuunya bange peparae rara. Dopa pyuo rao isa yuu koko dono kando nyepala yuu kyau dupwana pingi moko minyuo rara.

Emosa 5:27

Dokona nambame nakama yuu wakale Damasakesa dumurena karapusi nembeyo kande dokopa nakamana mee bangeme anatu lao wasisi dupwa range role pyapeta soo parami. Namba Kamongo kingi Anatu Porai Wakasa dokome pii dake leto.

Jeremaya 52:27

Dokona yuu Bapilone kiŋi dokome nakama randa andake maipala pyao kumakana leya. Dopa pyuo Juta wambu dupwa nakamana yuu yaki nyuo karapusi pyao minyuo yuu wakale peyami.

Jeremaya 15:4

Yuu muu peparaena wambu dupwa namba Juta wambu Esakayana ikinyingi Manasa baa Juta wambunya kiŋi ingyuo karo dokopa yuu Jerusaleme dokona yulu koo piyamo dokona lao isingi piru doko kando yamarangyuo pakarami.

Jeremaya 14:18

Namba yuu neta dorena kandaro dokopa akali ayemba pukusi dupwa male lao seramo kandarolyamo. Dee taone dorena parono dokopa wambu dupwa lopome kumuo karaminyi dupwa kandarolyamo. Poropeta purisi akalipi dupwame nakamana yulu doko mee kyawame suu lao pyuo pelyaminyiko dokoŋo angi doko aki pilyamano lao see nalyaminyi.

Aisaya 42:25

Dokona lao baame namwa banya imbu singi porai doko nakanjo soo kandalapase lao piya. Dee yanda porai wakasa dokona randa nyelapase lao piyako. Banya imbu singi doko Isaraele peparae keta isare ingyuo raeyo reya. Dopa piyamopape doo piyamo doko soo nyii nayama. Namwa doko mende pyamo lao soo nyii nayamako.