Jeremaya 14:22 - Anatunya Buku Baepole Ole Testamene Pii Lapo dee Nuu Tesamene

²² Yuu liti wakale wakale wambunya mee bange anatuŋu lao isa kanape wasisi dupwame apu peya narami. Yake dokome susu lao apu pura pura pyao epena lao nyuo peya nara. Yulu dupwa peparae embame iki inginyi peengepya. Dokona lao namwana Kamongo Anatu emba keta dupwa peparae epara lao soo karamano.

Jeremaya 14:22 Referans Kwoze

Joele 2:23

Sayone wambu dupwa rae maiyuo karalapape. Kamongome nakama reke lao apunda kamame andake dee kamame kuki jii napala mee kapa manda minyuo jiya. Enakana apunda kapa andake kulimbuo dee wambape dopa pyuo jinginyili pyuo jiya.

Dutaronome 32:21

Nakamame nakamana isa kanapeme mee bange wasisi anatu dupwame imbu singi nyakayaminyisa mee bange anatu angi daa dupwana yango palyuo karo. Dokona lao wambu rara angingyuo kara nalyaminyi dupwa keta nakama imbu singi nyinyi retaro. Dopako pyuo wambu kopyali minyingi dupwa keta nakama pipya yango palyinyi pyambwaro.

Aisaya 41:29

Bange anatuŋu letaminyi dupwa mee ingyuo pelyamo. Nakamame yulu mendepe pirami ingya nalyamo. Mee bange isa kanapeme wasisi dapwa pyuku lasi nakama keta porainya renge mende pali nalyamoko, leya.

Samu 130:5

Namba Kamongome banya pii dokona letamodoko kinyi lao sepala nyisaramo dokona wangu lakapala isaro karo.

1 Kiŋi 17:14

Dokona lao Kamongo Isaraele wambunya Anatu dokome dopa lapya. Namba Kamongo dokome apu peyapa narono dokopa pere dokona palawa ota nara dee pee dokona isa olipi ipwange dupwa ota narako lapya, leya.

1 Kiŋi 17:1

Poropeta akali kingi Ilainja lenge yuu Tisipi yuu Giliate dokona singi range dokome kiŋi Ayape lamaiyuo lao, Kamongo Isaraele wambunya Anatu lete karalu karenge dokona namba yulu pyakamingi dokona kingi lao nambame emba pii dake langilyu. Ee kana dumbinya lamape remape mendena apupi pipyaepe epa nalu nao nara. Namba apu dee epara larono dokopa eparako, leya.

Maeka 7:7

Dopa piraminyipape nambame Kamongo kandaro kararo. Namba mona porayapala Kamongo dokome namba pyuo nyeramo doko keta isaro kararo. Nambana Anatu dokome nambana pii sera.

Emosa 4:7

Apunda kana ee nengepe andenge mange dokona nambame apunda jepa napala yambe pyuo minyaro karo kaeyo. Nambame yuu taone mendakinya apunda jiyu dokopa taone mende dokona jii nayo. Yuu liti lapona apunda peyonopa liti lapo peya dupwana ee jingi yanda neya.

Aisaya 30:18

Dopa piraminyipape Kamongome sakame kumuo nakama nyisalana lao isaro karamo. Kamongo baame yuu peparae anjuku rolae lao dokonako pingi dokome nakama kando kondome kumuo nyisalana suu pyao rapa rapa pisi karamo. Kamongo kapa ingingi lao suu pyao mona pyamalyapala karaminyi wambu dupwa rae maiyuo parami ingilyamo.

Samu 27:14

Kamongo keta pyamalyuo karape. Baa kapa ingingi lao suu pyao karape. Mona nemba napala baa keta pyamalyuo karape.

Jopo 5:10

Baame yuu doko pau lena lao apunda peyo karenge.

1 Kiŋi 18:1

Yuu gii lapo epo papeyamopa ee kana rema apu epa nayamo gii dusipa ro, leya.

1 Kiŋi 8:36

emba yake panda dokona karo nakamana ateŋa doko sakamipi. Isaraele wambu dupwana koo dupwape dee kiŋi dokona koo dupwape nyuo kame sakamipi. Dopa pipala yulu rolae dokona pinya lao mana lamaipi. Mana lamaipala, O Kamongo embena wambu dupwa palu karo pirami lao embena yuu angi ingyuo maiyalu maiyuo mainyi dakena apu epo karena lape.

Matyu 5:45

Dopa pyuo pirami ramo dokopa nakamana Rakane yake panda karenge dokona wane wanakepe ingyuo parami. Dokona lao baame banya neta doko wambu koo keyangepe peparaena lao pyakalyapala rena lenge. Dopako pyuo apunda doko wambu rolae pingi rolae pii nangepe peparaena lao epena lenge.

Osia 2:7

Dopa piramopape banya mona retenge akali dupwa kando nyipuli lapala makando kararamopape kapa pyuo kando nyii nara. Baame nakama kando nyipuli lapala lenge nyuo kararamopape angi kando nyii narako. Dopa pipala enakana enda baame lao, Namba epapu kapaŋa nambana akali wambo dokona anda range parolyamo, lara. Namba wambo dokopa kapa paleyo. Dopa pyuo dakepa pisa nalyono, lara.

Maeka 5:6

Nembaramanopa nakamana yanda kaku wuape dokome porayapala yuu Asiria doko nyuo isa palyarami. Asiria wambu dupwame namwana yuu doko pyao uki palyamwali lao pirami dokopa dopa pyuo pyapala namwa nyiso kyawa lete nyerami.