Jenesese 9:4 - Anatunya Buku Baepole Ole Testamene Pii Lapo dee Nuu Tesamene

⁴ Jilyuko doŋo minju dupwa letena renge ranjama palepale naa narami lao mawa pii palyilyu. Wambunya ranjama dokome letena renge palenge dokona pii andake palamo.

Jenesese 9:4 Referans Kwoze

Dutaronome 12:23

Mena minju neyami kande dokopa ranjama dokona mee pero kareya kande dupwa naa narami. Renge dokona ranjama dokona lete karenge renge palamo. Dokona lao letena renge doko nakamame minju pipya role pyao naa narami.

Dutaronome 12:16

Dopa pyuo naraminyipape mena dupwana ranjama doko nenge ingyuo naa nalapape. Naa napala ipwa dopale ingyuo yuu dokona kulimbwanyi nembalapape.

APOSELENA YULU 15:20

Laa naramanopape imambu suu pyao mena pyao kiso maingi dokopa kepo pingi yulupi dee mena saape mange minyuo kondelyaminyipa kumungi dupwape ranjama doko waso karena lao pepa pase pyao lamairama.

APOSELENA YULU 15:29

Imambu dupwa suu pyao mena pyao kiso maingi dupwa naa nalapape. Ranjama naa nalapape. Mena saape mange minyuo kondelyaminyipa kumungi dupwa naa nalapape. Enda kepo pii nalapape. Yulu dusipa kandokondali pyuo waso kararami ramo doko nakama elya pyuo kararami. Pii oteŋe karalapape.

1 Timoti 4:4

Bange Anatumi wasiyamo dupwana mende koo daa. Dokona mende yaki nyuo nembarama ingya nalyamo. Nenge dupwana lao Anatu kando sangyu lao nao kararama.

Lipitikase 19:26

Minju lapo ranjama paleta siya kande doko naa nalapape. Pipu mauli ropaka kemalipi kingi lenge dokona mendepe nakamame minyalyuo pyuo laa narami.

APOSELENA YULU 15:25

Doko sepala namwa wato lapala dokopa Banapasa Polepa akali mona retelyamano dolapope dee akali lapo nakamba role pyao pena lao rombo palyilyamano dolapope nakama karaminyi dokona parami doko kapa ingyara lamwa.

1 Samyuele 14:32

Dopa pipala nakamana nyisu petenge dupwana mena bulamakaope mena sipisipi nyiyaminyi dupwa nyepala pyao kumapala minju dupwa mee ranjama paleta lyuo kareyamo neyami.

Isikiolo 33:25

Namba Kamongo Mupwa Andake Wakasa dokome dopa letamo lao lamaipi. Nakama mena minju doko ranjama paleta nao isa kanape dupwame wasisi dupwa anatuŋu lao lakando karo wambu dupwa ranjama kulimbuo pyao pyuo karaminyi. Dopa pyuo karaminyi dokona apa pipala yuu doko nakamana ingyarape?