Jenesese 6:9 - Anatunya Buku Baepole Ole Testamene Pii Lapo dee Nuu Tesamene

^9-10 Noana wane rema Seme Ame Japetemoo dusipa mandeya. Wambu peparae kareyaminyi dupwana baaiki rolo pyuo kareya. Baa Anatupa bwua singyuo pyuo kareyambi.

Jenesese 6:9 Referans Kwoze

Luku 1:6

Nakamba laparae Anatunya lenge kambu dokona Kamongona mawa pii andake kukipi ama kaeya nao minyuo kareyambi.

Ipuru 11:7

Noa baa Anatu kapa ingingi lao suu piyamo renge dokome mende pira dokona Anatumi baa repe repe pii lamaiyamo doko soo nyiya. Sepala baame sipu anda wasiyamopa banya ree palu pipa lete wai pyao peyami. Yuu muu peparae koo keta pasi siyamo kandapala baa Anatu kapa ingingi lao suu piyamo dokona rolaena renge imu epeyamo kando nyiya.

2 Pita 2:5

Dopako pyuo baa yuu wamba dokopa wambu konda napala ipwa andake dokome nena leyapya. Pii rolae lenge akali Noa banya wambu yanda ipingi iki pipya lete nyiya.

Jenesese 7:1

Kamongome Noa lamaiyuo, Embena ree palu dupwa nyepala sipu anda dokona lanyuo pare. Wambu embapa kyawa kapa dupwa karaminyipa emba yeelyo rolae pyuo karene kandelyo, leya.

Jenesese 5:24

Karapala Inoko ando kareyamo mange dusipana Anatupa bwua singyuo pyuo kareyamopa Anatumi mee nyiyasa pana naya.

Galasia 3:11

Wambu mende Lowa dokome Anatuya lenge kambu dokona rolo paa nara doko angi silyamano. Baepolena lao dokopa, Mendali Anatu baa kapa ingingi lao suu pyara dokome Anatupa rolae ingyuo karara dokome baa lete para ingilyamo letamo.

Jenesese 17:1

Aporame baa ee kana akalisa mange mendaki ipisu mange mendaki (99) papeyamo dokopa Kamongo dokome baa keta epo nolakapala lao, Namba Anatu Porai Wakasa karo. Embame nambana yulu palengenyili pyuo rolae pyuo karare.

Jenesese 5:22

Metusala manjipeyamo dokopa Anatu dokona bwua singyuo pyuo paeyo ee kana 300 kareya. Kareyamo mange dokopa wane wanakepe lapo konda pyuo manjo kareya.

Jopo 1:1

Yuu Ase dokona akali mende kingi Jopo lenge doko kareya. Karapala baa elyape ingyuo yuu peparae yulu rolae pyuo kareya. Dee akali doko Anatu pakale pakale lao lakando pyuo yulu koo dupwa wanjo kareya.

Jenesese 2:4

Dopa pyuo yuu yakepi peparae pyuo wasiya.

1 Pita 2:5

Nakama opetae lete palengena kana pote isa ingyuo paraminyipa Anatumi Imambunya andaŋa lao nakama wasalana suu pilyamo. Nakama purisinya rara poo pyasi dokona yulu pyuo kararami ingilyamo. Pyuo karo Anatu rae mairali dupwa Imambunya yulu dokona suu pyao Yesu Koraisa keta rendamu pyuo kiso maiyuo karalapape.

APOSELENA YULU 10:22

Dokopa nakamame lao, Akali mende Koniliasa lenge yanda singi yango rapu pingi akali andakende baa yulu rolae pyuo Anatu pakao karamo. Juu wambu dupwa peparaeme baa kando akali keyange letaminyi doko aŋala poo pyasi mendeme baa lamaiyuo, Embame pii lapo lamairi lao emba nyela papala banya anda lanyuo ipupwape lena leyapya, leyami.

Jopo 1:8

Lamaiyamo dokopa Anatumi Satane piso soo, Embame nambana kendemande akali Jopo doko apyakale karamo lao soo karepe daa? piso siya. Akali mende baa yale kara nalyamo. Baa iki akali elyape ingyuo yuu peparae yulu rolae pyuo karamo. Baame namba Anatu pakale pakale lao lakando pyuo yulu koo dupwa waso karamo kande.

Orome 1:17

Anatumi waili pii keyange dokome namwa apa pyuo banya lenge kambu dokona rolo kararami lao lasaka pyuo karamo. Doko wambu Anatu kapa ingingi lao suu pingi kata dokome iki rolae ingyuo parami. Kata wakale mendeme rolae ingyuo paa narami. Anatunya buku Baepole lao, Mendali kapa ingingi lao suu pyara dokome Anatupa rolae ingyuo paramo dokopa baa letena renge nyera letamo.

Luku 23:50

Akali mende Josepe lenge Juu wambunya yuu anda repe repe pyuo karenge Arimatia range doko kareya. Baa wato andake lenge dokona akali keyangende yulu rolae pyuo kareya.

Luku 2:25

Dokopa akali mende kingi Simione lenge doko Jerusaleme kareya. Baa yulu rolae pyuo Anatu suu pyao karo Anatumi Isaraele wambu dupwa nyisala epelyape lao iso kareyamopa Imambu Poo Pyasi baa keta paleya.

Apakuku 2:4

Dake pii angi doko wambu yulu koo pingi doko lete kara nara. Kara naramopape mendali Anatu baa kapa ingingi lao suu pyara dokome Anatupa rolae ingyuo karara dokome baa lete para ingilyamo, leya.

Samu 37:37

Pii dake angi mende letamo lao selapape. Wambu rolae pingi dupwana kandapala mana nyelapape. Wambu mona sinya lao piso karo pingi dokona para pyaramo dupwa nakama pisirami ingyara.

Jenesese 48:15

Dopa pipala Josepe ketae pyambuo karo Nambana rakane Aporakame Aisakepa dolapo role paeyo kareyamo Anatu doko dee namba ene manjinyi peyareyami dokopa role pyapeta karapala dakepa role pyaoko karamo Anatu doko

1 Kiŋi 3:6

Dokopa Solomoneme isingi lao, Embame embena kendemande akali nambana rakange Dapiti doko kando embame yuu peparae mona retenge renge andake doko lasaka pii. Dopa piinyipa baame embena lenge kambu dorena kinyi rolae pyuo kareya. Dopa pyuo kareyasa embame baa mona retalu retenge renge andake doko lasaka pyuo puu pelyoŋo lao dokopa banya wane epapu banya panda nyuo iso karamo doko mai.

Jenesese 10:1

Noana wane rema dusipa Seme Ame Japete dusipame ipwa sokwapeyamopa enakana wane mandeyaminyi rara ingyuo peya dupwa

Jenesese 5:1

Atame dokona para pyao nyiyamo dupwana kingi dakena pyasi palamo. Anatumi akali wasiyamo dokopa baa range yale enda akalipa pyuo wasiya.

2 Samyuele 22:24

Nambame koo mende pisarono kando lao nyokonyuo karenge dee namba koo mende pii nange doko baa silyamo.

Samu 37:39

Kamongome rolae pingi akali dupwa nyiso karapala randa epelyamo dokopa kyawa minyuo karenge.