Jenesese 48:4 - Anatunya Buku Baepole Ole Testamene Pii Lapo dee Nuu Tesamene

⁴ Nambame embena wane wai kisakaronopa embena para pyare dokona rara malu ingyuo paramopa nambame yuu dake maiyakaronopa nakamana kulisa ingyalu ingyuo ingyara, leya.

Jenesese 48:4 Referans Kwoze

Jenesese 17:8

Yuu mendasa palipa palipa pyuo papyuo karaminyi anda muku yuu Kenane lenge doko nambame emba jeronopa embena para pyarene dupwana sakamira. Dopa pyuokana minyuo lalu lao lapala nambame nakamana Anatu kulisa ingyuo kararo, leya.

Jenesese 35:11

Anatumi deeko lamaiyuo, Namba Anatu Porai Wakasa dokome emba para pyao malu nyere dupwa lapo kiŋi ingyuo parami. Dopa pyuo wane wanake malu manjirinyi rara malu ingyuo para pyao parami.

Dutaronome 32:8

Kamongo Ama Ketae karenge dokome wambu rara wakale wakale dupwa yuu kapa paliraminyi dupwa rombo palyuo mokwa soo maiya. Wambu anja palirami lao rombo palyiya. Baame rara mendaki mendaki lao rapu pira lao aŋala mende rombo palyiya.

Ekesetase 1:7

Dopa piyamopape Isaraele wambu nakamana para piyamo dupwana wane wanakepe mandeyami doko ama malu mee ingyapala porai ingyuo karo yuu doko simbuya.

Jenesese 47:27

Isaraelena wambu dupwa Isipi panda yuu Gosene dokona epo paleyami dokopa nakama wai kiso malu ingiyamopa rara andake ingyuo peya.

Jenesese 46:3

Dokopa, Namba embena rakanena Anatu doko karo, leya. Isipi panya mona kenda napipi. Nambame embena para piinyi dupwana yuu dokona epo karo rara andake inginya pyambwakaro, leya.

Jenesese 32:12

Embena lalu lao lee kande dokona suu pyape. Embame namba mondo lanyi pyambuo wai kiso para dupwa kapa yaka larami ingya naramopa ipwa pota kee kana ingyuo para langii kande, leya.

Jenesese 28:3

Anatu Porai Wakasa dokome emba ketae nembo wai kisaramo dokona wambu akalyanda liti pyuo parami, leya.

Jenesese 26:4

Nambame embena manjirinyi dupwa kamame wakasa inginya lao pirunupa yakena bui pilyamo dopaleingyaramopa nambame yuu dake nakama mairu. Mairunupa nakama keta rara peparae elyape keta piso parami.

Jenesese 22:17

nambame emba elyape keta pisaronopa embena rara andakyara. Embena rara wambu yakenabuipi ipwa pota kee kanape silyamo dopale ingyuo para. Dokona yanda pimwai dupwa nyuo anamasi minyuo kararami.

Jenesese 17:13

Nakamba range manjarami dupwape yuu wakale range wane kaname ropo pyao nyerami dupwape peparae yanenge kalomanyi nembarami. Dopa piraminyi dokome nambana kana minyuo lalu lao lenge pii doko nakambana yanenge dokona lasaka pili laro karara.

Jenesese 12:2

Dokopa embena rara doko andake ingyuo para. Emba keyange keta paliri laro dokopa embena kingi ketae paramo dokome embena kingi lapapu wambu dupwa elya pyuo karena larami.

Ekesetase 1:11

Dokopa Isipi akali lapo Isaraele wambu yulu pinya lao rapu piyami dupwame randa wakasa maiyuo yulu andake pinya lao nyuo maiyami. Dopa piyaminyipa Isaraele wambu dupwame Peraona taone andake lamana nenge retenge Pitomo Oramese lenge dolapo pyakamiyami.

Samu 127:3

Wane wanakepe mandenge doko Kamongome mee jilyasa pingi nakama namwa elyape keta piso jipyasa pilyamo.

Jenesese 17:6

Embame wai kiso malu nyeparenepa emba ketako rara andake ingyuo kapa palyuo para dokona lapo kiŋi akali ingyuo parami.

Isikiolo 37:25

Nakama yuu nambana kendemande akali Jekope maiyunu dokona palirami. Jekopena para pyasi nakamana rora ambasupi ingyuo dupwa palyuo kareyami. Nakamape nakamana wane dee dupwana para pyao paramo dupwape dokona palyuo karalu kararami dokopa kiŋi mende nambana kendemande akali Dapiti yale dokome nakama iso karalu karara.