Jenesese 48:1 - Anatunya Buku Baepole Ole Testamene Pii Lapo dee Nuu Tesamene

¹ Yuu mendalama koreya sepeyamopa Josepe rakane kandapi anga pilyamo lamaiyamisa banya ikinyingi Manasa Eporaimepa lanyuo rakange Jekope kandala peya.

Jenesese 48:1 Referans Kwoze

Jone 11:3

Anga piyamo dokona wana kakingipa dolapome wai nembo, Kamongo embame mona retenge doko anga pyapyamo silyamo, lao lamaiyambi.

Jenesese 50:23

Baa mee lete karo Eporaimena wanepe dee dokona ikinyinginya wanepe kandeya. Manasana ikinyingi Makeyana wane wanake mandeyamo dupwa Josepeme banya kingi kapena manjo andanyi nembeya.

Jenesese 46:20

Josepe akali Potepera purisi akali yuu Ono rangena wanenge Asenate lenge doko nyiyamopa baame wane lama Manasa Eporaimepa lengedolapo yuu Isipi dokona manjakamiya.

Jopo 42:16

Maipala Jopo baa ee kana andete mendaki dee akalisako pao kisima (140) nembo kareya. Karapala banya wanena wane mandeyaminyipape dee dupwana mandeyaminyipape dupwa kapa pyuo kandeya.

Ipuru 11:21

Jekope Anatu kapa ingingi lao suu pyao karapala kumalana karo dokopa Josepena wane dolapo laparae ketae pyambuo leya. Banya pangali isa dokona paa pyaro karo Anatu lao mona kando kingi lao kareya.

Jenesese 48:2

Dokopa Jekope embena ikinyi Josepe kandapi doko epelyamo leyaminyi siyamo dokopa poraiyuo rali pipala banya rate dokona roya peteya.

Jenesese 48:5

Namba dae Isipi epapa nayonopa wambo wane lama Manasa Eporaimepa mandeepya dolapo nambana ingyuo pelyamo. Nakamba nambana wane mupwa Urupene Simionepa dopale ingyuo parambi.

2 Kiŋi 13:14

Poropeta akali Ilaisa baa wambu kumungi angande pyapala kumara ingiyamopa luu palyuo siya. Siyamo dokopa Isaraele wambunya kiŋi Joaseme baa kandala peya. Papala baa pii poraiyuo lao ee lao lao, Nambana rakane, nambana rakane, emba Isaraele wambu dupwa porai ingyuo rapu pyuo karenge, leya.

2 Kiŋi 13:20

Dokopa Ilaisa kumuyasa malu piyami. Ee kana yaka lao Moape rara dupwame Isaraele wambunya yuu dokona pyao nyelana pyuo epeyami.