Jenesese 12:10 - Anatunya Buku Baepole Ole Testamene Pii Lapo dee Nuu Tesamene

¹⁰ Yuu gii dokopa yuu Kenane dokona lopo andake siyamosa Aporame baa yuu Isipi donorena ingyuosiyamo dokona yuu gii kuki lama palyuo karalana peya.

Jenesese 12:10 Referans Kwoze

Jenesese 43:1

Kenane lopo siya doko soo andakiya.

APOSELENA YULU 14:22

Lambuo pao yuu dusipana disaepole dupwa kaeya nao Yesu mona maiyuo karalu karalapape lao, Randa bange malu nao Anatunya isingi panda dokona sukusa parama ingilyamo lao, monarena lao porainyi pyambwapa pyuo papiyambi.

APOSELENA YULU 7:11

Enakana yuu Isipi dokope yuu Kenane dokope yuu dolapona peparae lopo andake mende siya. Dokopa yuu range wambu dupwa randa andake nao kareyami. Dokopa namwana rakange kyawa dupwame nenge anjarae nyerama lao koto saka nayami.

Jone 16:33

Nambana arapu dokona kararami dokome nakama mona kui lao sinya lapala pii doko langyalono. Yuu dakena karo randa narami. Nambame isa yuu dake anamasi minyuo karo doko kandapala mona kuki palyuo karalapape, leya.

Jeremaya 14:1

Yuu panyi pyuo nenge see nao piyamo dokona lao Kamongona pii doko namba Jeremaya keta epo leya.

Samu 107:34

Baame wambu koo pingi dupwa yuu dokona paleyaminyisa kandapala yuu amenge pingi dupwa nyuo kwaeyo mee ketange pyanyi nembeya.

Samu 105:13

Pao dokopa yuu pandape wambu palenge dupwa nyinyi peyo dee yuu kiŋi wakalemana isingi dupwa nyuo yalo peyami.

Samu 34:19

Akali keyange doko keta randa malu nyilyamopape Kamongo dokome baa nyisingi.

2 Kiŋi 6:25

Dopa piyaminyi dokome taone dokona nenge see nayamosa lopo andake sepala mena dongena ayemba doko kana kulingi akalisa mange lama karo nembo ropo piyami. Dee epalesa anane kuki lamana kana kulingi kingi paki peya.

Uruti 1:1

Kamongo akali dupwame Isaraele wambu dupwa isiyami. Yuu gii dokopa yuu dokona lopo andake siya. Dopa piyasa yuu Beteleme yuu andake yuu Juta dokona singi range akali banya etengemoo ikinyingi dolapo pipya yuu Moape dokona yuu gii lapo karala peyami.

Jenesese 47:13

Yuu muupeparaena lopo kone siyamopa wambu yuu Isipi Kenane dolapo lopo mee ongee pyao paleyami.

Jenesese 42:5

Kenane dokona lopo andake siyasa wambu wakale wakalepe dee Isaraelena ikinyingi dupwape nenge ropo pyala peyami.

Jenesese 41:57

Yuu muu peparaena lopo kone siyasa Josepe kareya dokonako nenge ropo pyala epeyami.

Jenesese 41:56

Yuu panda peparae lao lopo konesoo kapa kapa piyamo dokopa Josepe baame nenge singi anda dupwa lumbwapala Isipi wambu ropo pyao nena lao kareya.